ᓭᐣᐟ ᒑᐣ 13
13
1ᒪᐧᔦᐢ ᒫᑲ ᐁ ᐅᑎᐦᒋᐸᔨᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ, ᒋᓴᐢ ᐁ ᑭᐢᑫᔨᑕᕽ ᓵᓴᐩ ᐁ ᐅᑎᐦᒋᐸᔨᔨᐠ ᐅ ᑎᐸᐃᑲᐣ ᐃᑕ ᑭᑕ ᓇᑲᑕᕽ ᐅᒪ ᐊᐢᑭ, ᑭᑕ ᓈᑖᐟ ᐁᐧᔪᑖᐃᐧᕽ, ᐁ ᑭ ᓵᑭᐦᐋᐟ ᑳ ᐊᔮᐋᐧᐟ ᐅᑕ ᐊᐢᑭᕽ ᑳ ᐊᔭᔨᐟ, ᑭ ᓵᑭᐦᐁᐤ ᐱᔨᐢ ᐁ ᐳᓂ ᐃᐧᒉᐊᐧᐟ. 2ᒣᑳᐧᐨ ᒫᑲ ᐁ ᑎᐱᐢᑭ ᒥᒋᓱᒋᐠ, ᓵᓴᐩ ᐁ ᑭ ᐊᐢᑕᐟ ᒪᒑᔭ ᐅ ᑌᐃᔨᕽ ᒍᑕᐢ ᐃᐢᑲᕒᐃᔭᑕ, ᓴᐃᒪᐣ ᐅᑯᓯᓴ, ᑭᑕ ᒥᓯᒫᔨᐟ; 3ᒋᓴᐢ ᐁ ᑭᐢᑫᔨᑕᕽ ᑲᐦᑭᔭᐤ ᑫᑲᐧᐩ ᐁ ᑭ ᒥᔨᑯᐟ ᐅᒋᒋᕽ ᐁᐧᔪᑖᐃᐧᕽ, ᒥᓇ ᑭᓭᒪᓂᑐᕽ ᐁ ᑭ ᐯ ᐅᐦᒋᐟ, ᒥᓇ ᐁ ᓈᑖᐟ ᑭᓭᒪᓂᑐᐊᐧ; 4ᑎᐱᐢᑭ ᒥᒋᓱᐃᐧᓂᕽ ᑭ ᐅᐦᒋ ᐸᓯᑯ, ᐁ ᑭ ᑫᑕᓵᑫᐟ, ᐁᑯᓯ ᑭ ᐅᑎᓇᒼ ᑲᓯᑲᐧᓂᔨᐤ, ᐁ ᑭ ᐸᑲᐧᑌᐦᐅᑐᑕᕽ. 5ᐁᑲᐧ ᒫᑲ ᑭ ᓯᑭᓇᒼ ᓂᐱᔨᐤ ᐅᔮᑲᓂᕽ, ᐁᑯᓯ ᐁ ᑭ ᑭᓯᐯᑭᓇᒫᐧᐟ ᐅᓯᑎᔨᐊᐧ ᐅ ᑭᐢᑭᓄᐦᐊᒪᐋᐧᑲᓇ, ᒥᓇ ᐁ ᑭ ᑲᓯᓯᑌᐊᐧᐟ ᑳᓯᑲᐧᓂᔨᐤ ᐅᐦᒋ ᑳ ᑭ ᐸᑲᐧᑌᐦᐅᑐᑕᕽ. 6ᐁᑯᓯ ᑭ ᐯ ᓈᑌᐤ ᓴᐃᒪᐣ ᐱᑕᕒᐊᐧ. ᐱᑕᕒ ᒫᑲ ᑭ ᐃᑌᐤ, ᑌᐯᔨᐦᒋᑫᔭᐣ, ᑭ ᑲ ᑭᓯᐯᑭᓯᑌᓂᐣ ᒋ ᓂᔭ? 7ᒋᓴᐢ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑕᐟ, ᐊᓂᒪ ᑳ ᑐᑕᒫᐣ ᐊᓄᐦᐨ ᓇᒪᐃᐧᔭ ᑭ ᑭᐢᑫᔨᑌᐣ: ᒫᑲ ᐹᑎᒫ ᑭ ᑲ ᑭᐢᑫᔨᑌᐣ. 8ᐱᑕᕒ ᐅᒥᓯ ᐃᑌᐤ, ᓇᒪᐃᐧᑳᐨ ᓂᔮ ᑭ ᑲ ᑭᓯᐯᑭᓯᑌᓂᐣ. ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭᐢᐱᐣ ᐁᑳ ᑭᓯᐯᑭᓂᑕᓂ, ᓇᒪᐃᐧᔭ ᓈᐣᑕᐤ ᐃᑕ ᑯᐃᐧᒉᐋᐧᑲᓂᒥᐣ. 9ᓴᐃᒪᐣ ᐱᑕᕒ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ, ᓇᒪᐃᐧᔭ ᐱᑯ ᓂᓯᑕ, ᒫᑲ ᒥᓇ ᓂᒋᒋᔭ, ᒥᓇ ᓂᐢᑎᑲᐧᐣ. 10ᒋᓴᐢ ᐅᒥᓯ ᐃᑌᐤ, ᐊᓇ ᑳ ᑭ ᑭᓯᐯᑭᐟ ᓇᒪᐃᐧᔭ ᓇᑕᐁᐧᔨᑕᒼ ᑭᑕ ᑭᓯᐯᑭᐟ ᐱᑯ ᐅᓯᑕ, ᒫᑲ ᒥᓯᐁᐧ ᐯᑭᓯᐤ: ᐁᑯᓯ ᑭ ᐯᑭᓯᓈᐋᐧᐤ ᒫᑲ ᓇᒪᐃᐧᔭ ᑲᐦᑭᔭᐤ. 11ᒋᑫᒫ ᑭ ᑭᐢᑫᔨᒣᐤ ᐊᓂᐦᐃ ᑫ ᒥᓯᒥᑯᐟ; ᐁᐊᐧᑯ ᒫᑲ ᑳ ᐅᐦᒋ ᐃᑌᐧᐟ, ᓇᒪᐃᐧᔭ ᑲᐦᑭᔭᐤ ᑭ ᐯᑭᓯᓈᐋᐧᐤ.
12 #
ᓬᐅᐠ 22:27
ᑳ ᐳᓂ ᑭᓯᐯᑭᓯᑌᓇᐟ ᒫᑲ, ᒥᓇ ᑳ ᐅᑎᓇᕽ ᐅᐢᑯᑖᑲᐩ, ᒥᓇ ᑳ ᓇᐦᐊᐱᐟ, ᐅᒥᓯ ᑭ ᐃᑌᐤ, ᑭ ᑭᐢᑫᔨᑌᓈᐋᐧᐤ ᒋ ᐅᒪ ᑳ ᑭ ᐊᔨᑐᑖᑕᑯᐠ? 13ᐅᑭᐢᑭᓄᐦᐊᒫᑫᐤ ᒥᓇ ᑌᐯᔨᐦᒋᑫᐟ ᑭᐟ ᐃᓯᔨᐦᑳᓯᓈᐋᐧᐤ: ᑲᐧᔭᐢᐠ ᒫᑲ ᑭᐟ ᐃᑖᐧᓈᐋᐧᐤ; ᒋᑫᒫ ᐅᑯᑐᐃᐧ ᓂᔭ. 14ᑭᐢᐱᐣ ᒫᑲ ᓂᔭ ᑳ ᑎᐯᔨᐦᒋᑫᐟ ᒥᓇ ᐅᑭᐢᑭᓄᐦᐊᒫᑫᐤ ᐁ ᑭ ᑭᓯᐯᑭᓯᑌᓂᑕᑯᐠ; ᑭᐢᑕᐋᐧᐤ ᑭ ᑲ ᑭᓯᐯᑭᓯᑌᓂᑐᑕᐋᐧᐤ. 15ᒋᑫᒫ ᑭ ᑭ ᒥᔨᑎᓈᐋᐧᐤ ᑫ ᑭᐢᑭᓇᐋᐧᐸᐦᑕᒣᐠ, ᑭᑕ ᐊᔨᑐᑖᑐᔦᐠ ᑳ ᑭ ᐊᔨᑐᑖᑕᑯᐠ, 16#ᒫᐟᔪ 10:24; ᓬᐅᐠ 6:40; ᒑᐣ 15:20ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᑐᐢᑫᔮᑲᐣ ᓇᒪᐃᐧᔭ ᐊᐊᐧᓯᒣ ᐃᑌᔨᑖᑯᓯᐤ ᐃᐢᐱᐨ ᐅᐟ ᐅᑭᒫᒪ; ᒥᓇ ᑳ ᐯ ᐃᓯᑎᓴᐦᐅᐦᐟ ᐃᐢᐱᐨ ᑳ ᐯ ᐃᓯᑎᓴᐦᐅᑯᐟ. 17ᑭᐢᐱᐣ ᑭᐢᑫᔨᑕᒣᑯ ᐅᐦᐃ, ᑭ ᓴᐁᐧᔨᑖᑯᓯᓈᐋᐧᐤ ᑭᐢᐱᐣ ᐃᑐᑖᒣᑯ. 18#ᓂᑲᒧᓇ 41:9ᓇᒪᐃᐧᔭ ᑲᐦᑭᔭᐤ ᑭᐟ ᐃᑎᓈᐋᐧᐤ; ᓂ ᑭᐢᑫᔨᒪᐊᐧᐠ ᐊᓂᑭ ᑳ ᑭ ᐊᐧᐁᐧᔦᔨᒪᑭᐠ: ᒫᑲ ᑭᑕ ᑎᐱᐸᔨᐠ ᒪᓯᓇᐦᐃᑫᐃᐧᐣ, ᑳ ᐃᐧᒋ ᒥᒋᓱᒥᐟ ᐸᑫᐧᓯᑲᓇ ᓂ ᑭ ᐅᐱᓇᒫᐠ ᐅᑐᐦᑕᐣ. 19ᐊᓄᐦᐨ ᐅᐦᒋ, ᑭ ᐃᐧᐦᑕᒫᑎᓈᐋᐧᐤ ᒪᐧᔦᐢ ᐅᑎᐦᒋᐸᔨᐠ, ᐃᐢᐱ ᐅᑎᐦᒋᐸᔨᑭ, ᑭᑕ ᑖᐯᐧᑕᒣᐠ ᓂᔭ ᐁ ᐊᔮᐃᐧᔮᐣ. 20#ᒫᐟᔪ 10:40; ᒫᕒᐠ 9:37; ᓬᐅᐠ 9:48; 10:16ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᓇ ᐁᐧᑎᓈᐟ ᐊᐃᐧᔭ ᑳ ᐃᓯᑎᓴᐦᐅᒪᐠ ᓂᔭ ᓅᑎᓂᐠ; ᒥᓇ ᐊᓇ ᐁᐧᑎᓂᐟ ᐅᑎᓀᐤ ᑳ ᐯ ᐃᓯᑎᓴᐦᐅᔨᐟ.
21ᐃᐢᐱ ᒫᑲ ᒋᓴᐢ ᐅᒪ ᑳ ᐃᑌᐧᐟ, ᑭ ᒥᑯᐢᑳᑌᔨᑕᒼ ᐅᐟ ᐊᒐᐦᑯᕽ, ᐁᑯᓯ ᑭ ᐃᐧᐦᑕᒼ, ᐅᒥᓯ ᐁ ᐃᑌᐧᐟ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐯᔭᐠ ᐅᒪ ᑲ ᐃᑕᓯᔦᐠ ᓂ ᑲ ᐊᐧᔦᓯ ᐸᑭᑎᓂᐠ. 22ᑭᐢᑭᓄᐦᐊᒪᐋᐧᑲᓇᐠ ᒫᑲ ᑭ ᑲᑲᓇᐊᐧᐸᑐᐊᐧᐠ, ᐁ ᐊᐧᐊᐧᓀᔨᑕᐦᑭᐠ ᐊᐁᐧᔨᐊᐧ ᑳ ᐃᑖᔨᐟ. 23ᑭ ᐊᓱᓯᒧᔨᐊᐧ ᒫᑲ ᒋᓴᐢ ᐊᐧᐢᑭᑲᓂᕽ ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ, ᒋᓴᐢ ᑳ ᓵᑭᐦᐋᐟ. 24ᓴᐃᒪᐣ ᐱᑕᕒ ᒫᑲ ᑭ ᐃᑎᓂᑫᐢᑕᐁᐧᐤ, ᑭᑕ ᑲᑫᐧᒋᒫᔨᐟ ᐊᐁᐧᔨᐊᐧ ᑳ ᐃᑕᔨᐟ. 25ᐊᓇ ᒫᑲ ᑳ ᐊᓱᓯᒧᐟ ᒋᓴᓴ ᐊᐧᐢᑭᑲᓂᔨᕽ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ. ᐊᐁᐧᓈᓇ? 26ᒋᓴᐢ ᑭ ᓇᐢᑫᐧᐊᐧᓯᒣᐤ, ᐁᐊᐧᑯ ᐊᓇ ᑫ ᒥᔭᐠ ᐊᐢᐸᒋᑲᓂᔨᐤ ᑭ ᑭᑖᓇᒪᐧᑭ. ᐃᐢᐱ ᒫᑲ ᑳ ᑭᑕᓇᕽ ᐊᐢᐸᒋᑲᓂᔨᐤ, ᑭ ᒥᔦᐤ ᒍᑕᐢ ᐃᐢᑳᕒᐃᔭᑕ, ᓴᐃᒪᐣ ᐅᑯᓯᓴ. 27ᑳ ᐳᓂ ᒥᒋᐟ ᐊᐢᐸᒋᑲᓂᔨᐤ ᑭ ᐱᒋᔭᐁᐧᐢᑲᐠ ᓭᑕᓇ. ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑳ ᐃᐧ ᐃᑐᑕᒪᐣ, ᑭᔨᐱ ᐃᑐᑕ. 28ᓇᒪ ᒫᑲ ᐊᐃᐧᔭ ᑳ ᐃᐧᑕᐱᒥᑯᐟ ᒥᒋᓱᐃᐧᓇᑎᑯᕽ ᑭᐢᑫᔨᑕᒥᔨᐊᐧ ᑫᑲᐧᐩ ᑳ ᐅᐦᒋ ᐃᑖᐟ. 29ᐊᑎᐦᐟ ᒫᑲ ᐅᒥᓯ ᑭ ᐃᑌᔨᑕᒪᐧᐠ, ᒋᑫᒫ ᒍᑕᐢ ᐁ ᐊᔮᐟ ᒥᐊᐧᔨᐤ, ᒋᓴᐢ ᐁ ᑭ ᐃᑕᐟ ᐊᑕᐁᐧ ᑫ ᐊᐸᒋᑕᔭᕽ ᐃᐧᐦᑯᐦᑐᐃᐧᓂᕽ; ᐊᐦᐳ, ᑫᑲᐧᐩ ᑭᑕ ᒥᔮᐟ ᐅᑭᑎᒫᑭᓯᐊᐧ. 30ᐃᐧᔭ ᒫᑲ ᐃᐢᐱ ᑳ ᐅᑎᓇᕽ ᐊᐢᐸᒋᑲᓂᔨᐤ, ᐁᑯᓯ ᓭᒫᐠ ᑭ ᐊᑎ ᐊᐧᔭᐃᐧᐤ: ᓵᓴᐩ ᒫᑲ ᐁ ᑎᐱᐢᑳᐠ.
31ᐃᐢᐱ ᒫᑲ ᑳ ᐊᑎ ᐊᐧᔭᐃᐧᔨᐟ, ᒋᓴᐢ ᑭ ᐃᑌᐧᐤ, ᐁᑲᐧ ᐃᓴ ᐃᔨᓂᐃᐧᑯᓯᓵᐣ ᑭᐢᑌᔨᑖᑯᐋᐤ, ᒥᓇ ᑭᓭᒪᓂᑐ ᑭᐢᑌᔨᑖᑯᐋᐤ ᐃᐧᔭ ᐅᐦᒋ; 32ᐁᑯᓯ ᑭᓭᒪᓂᑐ ᑭᑕ ᑭᐢᑌᔨᑖᑯᐁᐤ ᑭᑭ ᐃᐧᔭ ᒥᓇ ᓭᒫᐠ ᑭᑕ ᑭᐢᑌᔨᑖᑯᐁᐤ. 33#ᒑᐣ 7:34ᐊᐱᐢᑕᐋᐧᓯᓯᑎᐠ, ᑫᔮᐱᐨ ᐊᒋᔭᐤ ᑭ ᐃᐧᒉᐃᐧᑎᓈᐋᐧᐤ. ᑭ ᑲ ᓇᓈᑐᓇᐃᐧᓈᐋᐧᐤ; ᒣᐧᐦᒋ ᑳ ᑭ ᐃᑕᑭᐠ ᒍᐊᐧᐠ, ᐃᑌ ᐁᑐᑌᔮᐣ, ᓇᒪᐃᐧᔭ ᑭ ᑲ ᑭ ᐯ ᐃᑐᐦᑖᓈᐋᐧᐤ; ᐁᑯᓯ ᒥᓇ ᐊᓄᐦᐨ ᑭᔭᐋᐧᐤ ᐁᑎᑕᑯᐠ. 34#ᒑᐣ 15:12,17; 1 ᒑᐣ 3:23; 2 ᒑᐣ 1:5ᐅᐢᑭ ᐅᔭᓱᐁᐧᐃᐧᐣ ᑭ ᒥᔨᑎᓈᐋᐧᐤ; ᑭᑕ ᓵᑭᐦᐃᑐᔦᐠ; ᑳ ᑭ ᐃᓯ ᓵᑭᐦᐃᑕᑯᐠ, ᐁᑯᓯ ᒥᓇ ᑭᔭᐋᐧᐤ ᑭᑕ ᐃᓯ ᓵᑭᐦᐃᑐᔦᐠ. 35ᐁᐊᐧᑯ ᒫᑲ ᑲᐦᑭᔭᐤ ᐊᔨᓯᔨᓂᐊᐧᐠ ᑫ ᐅᐦᒋ ᑭᐢᑫᔨᒥᑌᑯᐠ ᐁ ᐅᑭᐢᑭᓄᐦᐊᒪᐋᐧᑲᓂᒥᑕᑯᐠ, ᑭᐢᐱᐣ ᓵᑭᐦᐃᑐᔦᑯ.
36ᓴᐃᒪᐣ ᐱᑕᕒ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ, ᑕᓂᑌ ᐁᑐᐦᑌᔭᐣ? ᒋᓴᐢ ᒫᑲ ᓇᐢᑫᐧᐊᐧᓯᒣᐤ, ᐃᑌ ᐁᑐᑌᔮᐣ, ᓇᒪᐃᐧᔭ ᐊᓄᐦᐨ ᑭ ᑲ ᑭ ᐱᒥᑎᓴᐦᐅᐣ; ᒫᑲ ᑭ ᑲ ᐱᒥᑎᓴᐦᐅᐣ ᐹᑎᒫ. 37ᐱᑕᕒ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ, ᑖᓀᑭ ᐁᑳ ᑫ ᑭ ᐱᒥᑎᓴᐦᐅᑖᐣ ᐊᓄᐦᐨ? ᓂ ᑲ ᐸᑭᑎᓀᐣ ᓂ ᐱᒫᑎᓯᐃᐧᐣ ᑭᔭ ᐅᐦᒋ. 38ᒋᓴᐢ ᒫᑲ ᓇᐢᑫᐧᐊᐧᓯᒣᐤ, ᑭ ᑲ ᐸᑭᑎᓀᐣ ᒋ ᑭ ᐱᒫᑎᓯᐃᐧᐣ ᓂᔭ ᐅᐦᒋ? ᑖᐯᐧ, ᑖᐯᐧ, ᑭᐟ ᐃᑎᐣ, ᐸᑲᐊᑳᐧᐣ ᓇᒪᐃᐧᔭ ᑭᑕ ᐯᐦᑖᑯᓯᐤ, ᐃᔨᑯᕽ ᓂᐢᑖᐧᐤ ᑫ ᐊᓀᐧᑕᐃᐧᔭᐣ.
Currently Selected:
ᓭᐣᐟ ᒑᐣ 13: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
