ᒉᓂᓯᐢ 33
33
1ᒉᑲᑊ ᒫᑲ ᑭ ᐅᐦᐱᐢᑫᐧᔨᐤ ᐁ ᑭ ᐃᑕᐱᐟ, ᐳᑎ ᒫᑲ ᐃᓵ ᑭ ᐯᑖᐢᑕᒧᑌᐤ ᓀᐋᐧᐤ ᒥᑖᐦᑐᒥᑕᓇᐤ ᓈᐯᐊᐧ ᐁ ᐯ ᐃᐧᒉᐋᐧᐟ, ᒉᑲᑊ ᒫᑲ ᑭ ᒥᔦᐤ ᐊᐋᐧᓯᓴ ᐊᓂᐦᐃ ᓬᐃᐋᐊᐧ ᒥᓇ ᕒᐁᒋᓬᐊ ᒥᓇ ᐊᓂᐦᐃ ᓂᓱ ᐊᑐᐢᑫᔮᑲᓂᐢᑫᐧᐊᐧ. 2ᐊᑐᐢᑫᔮᑲᓂᐢᑫᐧᐊᐧ ᒫᑲ ᒥᓇ ᐅᐟ ᐊᐋᐧᓯᒥᓯᔨᐊᐧ ᑭ ᐊᔦᐤ ᓂᑳᐣ, ᒥᓇ ᓬᐃᐋᐊᐧ ᐊᓯᒋ ᐅᐟ ᐊᐋᐧᓯᒥᓯᔨᐊᐧ ᐊᑎ ᐊᐢᑯᐦᐨ, ᐁᑯᓯ ᕒᐁᒋᓬ ᒥᓇ ᒍᓯᑊ ᐅᑖᓈᕽ. 3ᑭ ᓂᑳᓄᑕᐁᐧᐤ ᒫᑲ ᐁᐊᐧᑯᓂ, ᐁ ᑭ ᓈᒥᐢᑫᐧᔨᐟ ᑌᐸᑯᐹᐧᐤ ᒧᐢᑕᐢᑲᒥᐠ ᐃᓯ, ᐱᔨᐢ ᑭᓯᐋᐧᐠ ᐁ ᐅᑎᐦᑖᐟ ᐅᒋᐋᐧᒪ. 4ᐃᓵ ᒫᑲ ᑭ ᐃᐢᐸᑖᐤ ᑭᑕ ᓇᑭᐢᑲᐋᐧᐟ, ᐁ ᑭ ᐊᑕᒥᐢᑲᐋᐧᐟ ᒫᑲ, ᒥᓇ ᐁ ᑭ ᐁᐧᐊᐧᑭᑫᐧᓈᐟ, ᒥᓇ ᐁ ᑭ ᐊᔪᒉᒫᐟ: ᑭ ᒫᑐᐊᐧᐠ ᒫᑲ. 5ᑭ ᐃᑖᐱᐤ ᒫᑲ ᐁ ᑭ ᐋᐧᐸᒫᐟ ᐃᐢᑫᐧᐊᐧ ᒥᓇ ᐊᐋᐧᓯᓴ, ᐅᒥᓯ ᒫᑲ ᑭ ᐃᑌᐧᐤ, ᐊᐁᐧᓂᑭ ᐅᑭ ᑳ ᐃᐧᒉᐃᐧᐢᑭᐠ? ᑭ ᐃᑌᐧᐤ ᒫᑲ, ᐁᐊᐧᑯᓂ ᐅᐦᐃ ᐊᐋᐧᓯᓴ ᑭᓭᒪᓂᑐ ᑳ ᑭ ᒥᔮᐟ ᑭᐟ ᐊᑐᐢᑫᔮᑲᓇ. 6ᐊᓂᑭ ᒫᑲ ᐊᑐᐢᑫᔮᑲᓂᐢᑫᐧᐊᐧᐠ ᑭᓯᐋᐧᐠ ᑭ ᐯ ᐃᑐᐦᑌᐊᐧᐠ, ᐃᐧᔭᐋᐧᐤ ᒥᓇ ᐅᐟ ᐊᐋᐧᓯᒥᓯᐋᐧᐊᐧ, ᑭ ᐊᑕᒥᐢᑲᐁᐧᐊᐧᐠ ᒫᑲ. 7ᐃᐧᐢᑕ ᒫᑲ ᓬᐃᐋ ᐊᓯᒋ ᐅᐟ ᐊᐋᐧᓯᒥᓴ ᑭᓯᐋᐧᐠ ᑭ ᐯ ᐃᑐᐦᑌᐊᐧᐠ, ᐁ ᑭ ᐊᑕᒥᐢᑲᐋᐧᒋᐠ; ᐁᑲᐧ ᒫᑲ ᒍᓯᑊ ᑭᓯᐋᐧᐠ ᑭ ᐯ ᐃᑐᐦᑌᐤ ᐊᓯᒋ ᕒᐁᒋᓬ, ᑭ ᐊᑕᒥᐢᑲᐁᐧᐊᐧᐠ ᒫᑲ. 8ᑭ ᐃᑌᐤ ᒫᑲ, ᑖᓂᓯ ᐁᑖᐧᑕᒋᐠ ᐊᓂᑭ ᑳ ᐊᓯᑎᓴᐅᐦᒋᐠ ᑳ ᑭ ᓇᑭᐢᑲᐊᐧᑭᐠ? ᑭ ᐃᑌᐧᐤ ᒫᑲ, ᐁᑳᐧᓂᒪ ᑭᑕ ᒥᔪ ᑲᓇᐋᐧᐸᒥᐟ ᓂᐟ ᐅᑭᒫᒼ. 9ᐃᓵ ᒫᑲ ᑭ ᐃᑌᐧᐤ, ᐁᑯᔨᑯᕽ ᓂᐟ ᐊᔮᐣ ᓂᒋᐋᐧ, ᑲᓇᐁᐧᔨᑕᒫᓱ ᐊᓂᒪ ᑳ ᐊᔮᔭᐣ. 10ᒉᑲᑊ ᒫᑲ ᑭ ᐃᑌᐧᐤ, ᓇᒪᐃᐧᔭ, ᑭ ᐸᑯᓭᔨᒥᑎᐣ ᑭᐢᐱᐣ ᐊᓄᐦᐨ ᑳ ᒥᐢᑲᒧᐋᐧᓀ ᑭᑕ ᒥᔪ ᑲᓇᐋᐧᐸᒥᔭᐣ ᐅᑎᓇ ᓂ ᒧᐦᒋ ᒣᑭᐃᐧᐣ ᐁ ᒥᔨᑖᐣ; ᒋᑫᒫ ᐁᐊᐧᑯ ᑳ ᐅᐦᒋ ᐋᐧᐸᒥᑖᐣ ᑖᐱᐢᑯᐨ ᐊᐃᐧᔭᐠ ᐁ ᐋᐧᐸᒫᐟ ᑭᓭᒪᓂᑐᐊᐧ ᒥᓇ ᐁ ᑭ ᒥᔪ ᑲᓇᐋᐧᐸᒥᔭᐣ. 11ᐅᑎᓇ ᑭ ᐸᑯᓯᔨᒥᑎᐣ ᓂ ᒣᑭᐃᐧᐣ ᑳ ᐯᑕᒫᑲᐃᐧᔭᐣ; ᒋᑫᒫ ᑭᓭᒪᓂᑐ ᓂ ᑭ ᒥᔪᑐᑖᐠ, ᒥᓇ ᐁᑯᔨᑯᕽ ᓂᐟ ᐊᔮᐣ. ᑭ ᑭᐦᑭᒣᐤ ᒫᑲ ᐁᑯᓯ ᐱᔨᐢ ᑭ ᐅᑎᓇᒥᔨᐊ.
12ᑭ ᐃᑌᐤ ᒫᑲ, ᑭᔮᒼ ᐱᒋᑖᐠ ᐁᑯᓯ ᓯᐯᐧᐦᑌᑖᐠ, ᑭ ᑲ ᓂᑳᓄᑖᑎᐣ ᒫᑲ. 13ᐅᒥᓯ ᒫᑲ ᑭ ᐃᑌᐤ, ᓂᐟ ᐅᑭᒫᒼ ᑭᐢᑫᔨᑕᒼ ᐊᐋᐧᓯᓴ ᐁ ᐅᐢᑳᑎᓯᔨᐟ, ᒥᓇ ᒫᔭᑎᐦᑲᐧᐠ ᒥᓇ ᐊᐊᐧᑳᓇᐠ ᐅᐢᑳᔨᓴ ᐊᔮᐁᐧᐊᐧᐠ; ᑭᐢᐱᐣ ᒫᑲ ᐯᔭᐠ ᑭᓯᑳᐤ ᐅᓵᒼ ᔭᑭᑎᓴᐋᐧᑖᐧᐃᐧ ᑲᐦᑭᔭᐤ ᐊᐊᐧᑳᓇᐠ ᑭᑕ ᓂᐱᐊᐧᐠ. 14ᑭᔮᒼ ᓂᐟ ᐅᑭᒫᒼ ᑭ ᐸᑯᓭᔨᒥᑎᐣ, ᑭᑕ ᓂᑳᓄᑕᐁᐤ ᐅᐟ ᐊᑐᐢᑫᔮᑲᓇ; ᓂᓯᕽ ᒫᑲ ᓂ ᑲ ᐱᒧᑖᓈᐣ, ᑫ ᐃᓯ ᑲᐢᑭᑖᒋᐠ ᐊᐊᐧᑳᓇᐠ ᒥᓇ ᐊᐋᐧᓯᓴᐠ ᑳ ᓂᑳᓄᑕᐃᐧᒋᐠ, ᐱᔨᐢ ᑭᑕ ᐅᑎᑕᐠ ᓂᐟ ᐅᑭᒫᒼ ᐊᓂᑕ ᓯᔭᕒ. 15ᐃᓵ ᒫᑲ ᑭ ᐃᑌᐧᐤ, ᑭᔮᒼ ᒫᑲ ᑭ ᑲ ᓇᑲᑕᒫᑌᐣ ᐋᑎᐦᐟ ᓈᐯᐊᐧᐠ ᑳ ᐃᐧᒉᐊᐧᑭᐠ; ᑭ ᐃᑌᐧᐤ, ᒫᑲ, ᑖᓂᓯ ᑫ ᐃᑖᐸᑕᕽ? ᑭᔮᒼ ᓂ ᑲ ᒥᔪ ᑲᓇᐋᐧᐸᒥᐠ ᓂᐟ ᐅᑭᒫᒼ.
16ᐁᑯᓯ ᒫᑲ ᐃᓵ ᑭ ᑭᐁᐧᐤ ᐁᑯᐢᐱ ᐁ ᑭᓯᑳᔨᐠ ᓯᔭᕒ ᐃᓯ. 17ᒉᑲᑊ ᒫᑲ ᑭ ᐃᐢᐱᒋᐤ ᐊᓂᑕ ᓴᑲᐦᐟ, ᐁ ᑭ ᐋᐧᐢᑳᐦᐃᑲᓂᑳᓱᐟ, ᒥᓇ ᐁ ᑭ ᐋᑲᐋᐧᐢᑌᐃᑲᓂᑲᐋᐟ ᐅᐟ ᐊᐊᐧᑳᓇ; ᐁᐊᐧᑯ ᒫᑲ ᐅᐦᒋ ᓴᑲᐦᐟ ᐃᓯᔨᐦᑳᑌᐤ ᐁᑯᑕ.
18ᒉᑲᑊ ᒫᑲ ᑭ ᑕᑯᓯᐣ ᐁᑯᑕ ᓭᓬᐃᒼ; ᓯᑭᒼ ᐅᑌᓈᕽ, ᑳ ᐊᔮᐠ ᐊᓂᑕ ᑫᓇᐣ ᐊᐢᑭᕽ; ᐃᐢᐱ ᑳ ᐯ ᐅᐦᑐᐦᑌᐟ ᐊᓂᑕ ᐹᑕᓀᕒᐋᒼ; ᐁ ᑭ ᑲᐯᓯᐟ ᒫᑲ ᒋᑭ ᐅᑌᓈᕽ. 19#ᒑᐢᔪᐊ 24:32; ᒑᐣ 4:5ᑭ ᐊᑖᐁᐧᐤ ᒫᑲ ᐊᐢᑭ ᐁᑯᑕ, ᐃᑕ ᑳ ᑭ ᐅᔭᐢᑭᑖᐟ ᐃᐧᑭ, ᐅᒋᐦᒋᔨᕽ ᐅᐦᒋ ᐦᐁᒪᕒ ᐅᐟ ᐊᐋᐧᓯᒥᓯᔨᐊᐧ ᓯᑭᒼ ᐅᑖᐃᐧᔭ, ᒥᑖᐦᑐᒥᑕᓇᐤ ᑕᐦᑐ ᓱᓂᔮᐊᐧ ᐁ ᑎᐸᐊᕽ. 20ᐁᑯᑕ ᒫᑲ ᑭ ᐅᓯᐦᑖᐤ ᐸᑭᑎᓈᓱᐃᐧᓈᐱᐢᐠ, ᐁᑯᓯ ᐁᓬᐁᓬᐅᐦᐃ ᐃᐢᕒᐁᐃᓬ ᐁ ᑭ ᐃᓯᔨᐦᑳᑕᕽ.
Currently Selected:
ᒉᓂᓯᐢ 33: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
