ᒉᓂᓯᐢ 34
34
1ᑖᐃᓇ ᒫᑲ ᐅᑖᓂᓴ ᓬᐃᐋ, ᑳ ᑭ ᓂᐦᑖᐃᐧᑭᑕᒪᐋᐧᐟ ᒉᑲᐸ, ᑭ ᐊᐧᔭᐃᐧᐤ ᑭᑕ ᐋᐧᐸᒫᐟ ᐅᑖᓂᓯᒫᐊᐧ ᐁᑯᑕ ᐊᐢᑭᕽ. 2ᐃᐢᐱ ᒫᑲ ᓯᑭᒼ ᐅᑯᓯᓴ ᐦᐁᒪᕒ ᐊᓇ ᐦᐊᐃᐸᐃᐟ, ᐅᑭᒫᐤ ᐁᑯᑕ ᐊᐢᑭᕽ, ᐃᐧᔮᐸᒫᐟ, ᑭ ᐅᑎᓀᐤ ᐁ ᑭ ᐃᐧᒉᐋᐧᐟ ᒫᑲ, ᒥᓇ ᐁ ᑭ ᓇᓂᐯᐃᐧᐋᐟ. 3ᐅᐟ ᐊᐦᒑᐦᑯᕽ ᒫᑲ ᐅᐦᒋ ᑭ ᒧᐢᑕᐃᐧᓇᐁᐧᐤ ᑖᐃᓇᐊᐧ ᐅᑖᓂᓯᔨᐊᐧ ᒉᑲᐸ, ᑭ ᓵᑭᐦᐁᐤ ᒫᑲ ᐊᓂᐦᐃ ᐅᐢᑭᓂᑭᐢᑫᐧᐊᐧ, ᒥᓇ ᐁ ᑭ ᑳᑭᒋᐋᐟ ᐊᓂᐦᐃ ᐅᐢᑭᓂᑭᐢᑫᐧᐊᐧ. 4ᓯᑭᒼ ᒫᑲ ᑭ ᐊᔭᒥᐁᐤ ᐅᑖᐃᐧᔭ ᐦᐁᒪᕒᐊ ᐅᒥᓯ ᐁ ᐃᑖᐟ, ᓇᑐᑕᒫ ᐊᐊᐧ ᐅᐢᑭᓂᑭᐢᑫᐧᐤ ᑭᑕ ᐃᐧᐃᐧᔮᐣ. 5ᒉᑲᑊ ᒫᑲ ᑭ ᐯᑕᒼ ᐁ ᑭ ᓇᓀᐯᐃᐧᐦᐋᔨᐟ ᐅᑖᓂᓴ ᑖᐃᓇᐊᐧ; ᐊᓂᐦᐃ ᒫᑲ ᐅᑯᓯᓴ ᑲᓇᐁᐧᔨᒣᔨᐊᐧ ᐊᐊᐧᑳᓇ ᐱᑲᐧᒑᔨᕽ; ᐁᑯᓯ ᒉᑲᑊ ᓇᒪ ᓈᐣᑕᐤ ᑭ ᐃᑌᐧᐤ ᐹᑎᒫ ᐃᔨᑯᕽ ᐁ ᑕᑯᓯᓂᔨᐟ.
6ᐦᐁᒪᕒ ᒫᑲ ᐅᑖᐃᐧᔭ ᓯᑭᒼ ᑭ ᓈᑌᐤ ᒉᑲᐸ, ᓈᐣᑕᐤ ᐁ ᐃᐧ ᐃᑖᐟ. 7ᐅᑯᓯᓴ ᒫᑲ ᒉᑲᑊ ᑭ ᑕᑯᓯᓂᔨᐊᐧ ᐱᑲᐧᒑᔨᕽ ᐅᐦᒋ ᐃᐢᐱ ᐱᔦᐦᑕᐦᑭᐠ; ᐊᓂᑭ ᓈᐯᐊᐧᐠ ᒫᑲ ᓇᐢᐱᐨ ᑭ ᒥᐦᒋᔭᐁᐧᓯᐊᐧᐠ, ᒥᓇ ᓈᐢᐱᐨ ᑭ ᑭᓯᐋᐧᓯᐊᐧᐠ, ᒋᑫᒫ ᑭ ᒪᒋ ᐃᓯᐦᒋᑫᐤ ᐃᐢᕒᐁᐃᓬᐃᕽ, ᐁ ᑭ ᐃᐧᒉᐋᐧᐟ ᒉᑲᐸ ᐅᑖᓂᓯᔨᐊᐧ; ᐊᓂᒪ ᐁ ᐃᑕᐢᑌᐠ ᐁᑳ ᑭᑕ ᐃᑐᒋᑳᑌᐠ. 8ᐦᐁᒪᕒ ᒫᑲ ᑭ ᐋᔭᒥᐁᐤ ᐅᒥᓯ ᐁ ᑭ ᐃᑖᐟ, ᐊᑳᐋᐧᑌᐤ ᓂᑯᓯᐢ ᓯᑭᒼ ᑭᑖᓂᓴ; ᑭ ᐸᑯᓭᔨᒥᑎᐣ ᑭᑕ ᒣᑭᐢᑫᐧᐊᐧᒪᐟ. 9ᐁᑯᓯ ᒫᑲ ᐃᑕᐢᒋᑫᐠ ᑭᑕ ᐊᐧᐃᐧᑭᑐᔭᕽ; ᒥᔨᓈᐣ ᒫᑲ ᑭᑖᓂᓯᐋᐧᐊᐧᐠ, ᑭᐢᑕᐋᐧᐤ ᒫᑲ ᐅᑎᓂᑯᐠ ᓂᑖᓂᓯᓈᓇᐠ. 10ᑭ ᑲ ᐃᐧᑕᐢᑭᒥᓈᐣ ᒫᑲ, ᒥᓇ ᐊᐢᑭ ᒥᓯᐁᐧ ᑭ ᑲ ᑕᐃᐧᓇᒫᑲᐃᐧᓈᐋᐧᐤ; ᐅᐟ ᐊᐢᑭᐠ ᒥᓇ ᐊᔭᑖᐁᐧᐠ, ᒥᓇ ᐅ ᑎᐯᔨᒋᑲᓂᐠ ᐁᑯᑕ. 11ᓯᑭᒼ ᒫᑲ ᐅᒥᓯ ᑭ ᐃᑌᐤ ᐅᑖᐃᐧᔨᐊᐧ, ᒥᓇ ᐅᑕᐁᐧᒫᔨᐊᐧ, ᑭᔮᒼ ᓂ ᑲ ᒥᐢᑫᐣ ᑭᑕ ᐃᓯ ᒥᔪ ᑲᓇᐋᐧᐸᒥᔦᐠ ᐱᑯ ᑫᑲᐧᐩ ᒫᑲ ᑫ ᐃᓯᐁᐧᑫᐧ ᑭ ᑲ ᒥᔨᑎᓈᐋᐧᐤ. 12ᐃᔨᑯᕽ ᐱᑯ ᑫ ᓇᑕᐁᐧᔨᑕᒪᐃᐧᐁᐧᑫᐧ ᒣᔮᐧᓯᐠ ᒥᓇ ᒣᑭᐃᐧᐣ, ᑭ ᑲ ᒥᔨᑎᓈᐋᐧᐤ ᐊᓂᒪ ᑫ ᐃᓯᔦᐠ; ᐱᑯ ᒥᔨᐠ ᐊᓇ ᐅᐢᑭᓂᑭᐢᑫᐧᐤ ᑭᑕ ᐃᐧᐃᐧᔮᐣ. 13ᐅᑯᓯᓴ ᒫᑲ ᒉᑲᑊ ᑭ ᓇᐢᑫᐧᐊᐧᓯᒣᐊᐧᐠ ᓯᑭᒪ ᒥᓇ ᐦᐁᒪᕒᐊ ᐅᑖᐃᐧᔨᐊᐧ, ᑲᑲᔦᔨᓯᐃᐧᓂᕽ ᐁ ᑭ ᐃᑖᒋᐠ, ᒋᑫᒫ ᐁ ᑭ ᓇᓀᐯᐃᐧᐦᐋᔨᐟ ᑖᐃᓇᐊᐧ ᐅᑕᐁᐧᒫᐋᐧᐊᐧ. 14ᐅᒥᓯ ᒫᑲ ᑭ ᐃᑌᐊᐧᐠ, ᓇᒪᐃᐧᔭ ᐁᑯᓯ ᓂ ᑲ ᑭ ᐃᐦᑐᑌᓈᐣ ᑭᑕ ᒥᔮᔮᕽ ᓂᑕᐁᐧᒫᓈᓇ ᐊᐃᐧᔭᐠ ᐁᑳ ᐁ ᓴᕒᑲᒼᓴᐃᓯᐃᐧᐟ; ᒋᑫᒫ ᓂ ᑲ ᐋᓀᐧᔨᑖᑯᓯᓈᐣ ᐁᐊᐧᑯ ᐅᐦᒋ. 15ᒫᑲ ᐱᑯ ᐅᒥᓯ ᑐᑕᒣᑯ ᑭ ᑲ ᓇᐢᑯᒥᑎᓈᐣ, ᑭᐢᐱᐣ ᐃᐧ ᐃᓯᐦᒋᑫᔦᑯ ᑳ ᐃᓯᐦᒋᑫᔮᕽ, ᑳ ᑕᐦᑐ ᓈᐯᐃᐧᔦᐠ ᑭᑕ ᓴᕒᑲᒼᓴᐃᓯᐃᐧᔦᐠ. 16ᑭ ᑲ ᒥᔨᑎᓈᐣ ᒫᑲ ᓂᑖᓂᓯᓈᓇ, ᓂᐢᑕᓈᐣ ᒫᑲ ᓂ ᑲ ᐅᑎᓈᓈᓇᐠ ᑭᑖᓂᓯᐋᐧᐊᐧᐠ, ᑭ ᑲ ᐃᐧᑕᐢᑭᒥᑎᓈᐣ ᒫᑲ, ᒥᓇ ᑭᑕ ᐯᔭᑯᐢᑳᓀᓯᔭᕽ. 17ᒫᑲ ᑭᐢᐱᐣ ᐁᑳ ᐃᐧ ᓇᑐᐦᑕᐃᐧᔮᑭ, ᑭᑕ ᓴᕒᑲᒼᓴᐃᓯᐃᐧᔦᐠ: ᓂ ᑲ ᐅᑎᓈᓈᐣ ᓂᑖᓂᓯᓈᐣ, ᐁᑯᓯ ᓂ ᑲ ᓯᐯᐧᑖᓈᐣ. 18ᐅᐟ ᐃᑌᐧᐃᐧᓂᔨᐤ ᒫᑲ ᑭ ᓇᐃᐢᑳᐠ ᐦᐁᒪᕒ, ᒥᓇ ᓯᑭᒼ ᐦᐁᒪᕒ ᐅᑯᓯᓴ. 19ᐊᓇ ᐅᐢᑭᓂᑭᐤ ᒫᑲ ᓇᒪᐃᐧᔭ ᑭ ᓵᑫᐧᔨᒧ ᐁᑯᓯ ᑭᑕ ᑐᑕᕽ, ᒋᑫᒫ ᑭ ᒥᔦᐧᔨᒣᐤ ᒉᑲᐸ ᐅᑖᓂᓯᔨᐊᐧ; ᒥᓇ ᐃᐧᔭ ᐊᐊᐧᓯᒣ ᑭ ᐅᑭᒫᐁᐧᔨᑖᑯᓯᐤ ᐃᔨᑯᕽ ᑲᐦᑭᔭᐤ ᐅᑖᐃᐧᔭ ᐃᐧᑭᔨᕽ.
20ᐦᐁᒪᕒ ᒫᑲ ᒥᓇ ᐅᑯᓯᓴ ᓯᑭᒼ ᑭ ᐯ ᐃᑐᐦᑌᐊᐧᐠ ᐃᐢᑲᐧᑌᒥᕽ ᐅᐟ ᐅᑌᓈᐋᐧᕽ ᐁᑯᓯ ᐁ ᑭ ᐊᔭᒥᐦᐋᒋᐠ ᐊᔨᓯᔨᓂᐊᐧ ᐊᓂᑕ ᐅᑌᓈᕽ, ᐅᒥᓯ ᐁ ᐃᑖᒋᐠ, 21ᐅᑭ ᐊᔨᓯᔨᓂᐊᐧᐠ ᑭ ᒥᔪ ᐃᐧᒉᑯᓇᐊᐧᐠ; ᑭᔮᒼ ᒫᑲ ᑭᑕ ᐅᐟ ᐊᐢᑭᐊᐧᐠ ᐅᑕ ᐊᐢᑭᕽ, ᒥᓇ ᐁᑯᑕ ᑭᑕ ᑕᓯ ᐊᑖᐁᐧᐊᐧᐠ; ᒋᑫᒫ ᒫᑎᑲ, ᐊᐢᑭ ᐁᑯᔨᑯᕽ ᒥᓵᐤ ᑭᑕ ᑭ ᐊᔮᒋᐠ; ᑭᔮᒼ ᐅᑎᓂᒫᑖᓂ ᐅᑖᓂᓯᐋᐧᐊᐧ ᑭᑕ ᐃᐧᐃᐧᔭᕽ, ᒥᓇ ᑭᔮᒼ ᒥᔮᑖᓂᐠ ᑭᑖᓂᓯᓇᐊᐧ. 22ᐅᒪ ᒫᑲ ᐱᑯ ᑭ ᑲ ᑭ ᐃᓯ ᓇᐢᑯᒥᑯᓇᐊᐧᐠ ᑭᑕ ᐃᐧᑕᐢᑭᒥᑯᔭᑯᐠ, ᑭᑕ ᐯᔭᑯᐢᑳᓀᓯᔭᕽ, ᑭᐢᐱᐣ ᑕᐦᑐ ᑳ ᓈᐯᐃᐧᔭᕽ ᓴᕒᑲᒼᓴᐃᓯᐃᐧᔭᕽ ᒣᐧᐦᒋ ᑳ ᐃᓯ ᓴᕒᑲᒼᓴᐃᓯᐃᐧᒋᐠ. 23ᓇᒪ ᒋ ᐅᐟ ᐊᐊᐧᑳᓂᐋᐧᐊᐧ, ᒥᓇ ᐅᐟ ᐊᔮᐃᐧᓂᐋᐧᐊᐧ, ᒥᓇ ᑳ ᐃᐦᑕᓯᔨᐟ ᐅ ᐱᓯᐢᑭᒥᐋᐧᐊᐧ, ᑭᔮᓇᐤ ᑭ ᑲ ᐊᔮᒫᓇᐊᐧ? ᐱᑯ ᑭᔮᒼ ᓇᐢᑯᒫᑖᓂᐠ, ᐁᑯᓯ ᒫᑲ ᑭ ᑲ ᐃᐧᑕᐢᑭᒥᑯᓇᐊᐧᐠ. 24ᐦᐁᒪᕒ ᒫᑲ ᒥᓇ ᐅᑯᓯᓯᔨᐊᐧ ᑭ ᓇᑐᐦᑕᐁᐧᐊᐧᐠ ᑲᐦᑭᔭᐤ ᐊᓂᑭ ᐅᑌᓈᕽ ᑳ ᐅᐦᒋ ᐊᐧᔭᐃᐧᒋᐠ; ᑕᐦᑐ ᒫᑲ ᑳ ᓈᐯᐃᐧᒋᐠ ᑭ ᓴᕒᑲᒼᓴᐃᓯᐃᐧᐋᐊᐧᐠ, ᑲᐦᑭᔭᐤ ᐊᓂᑭ ᐃᐢᑳᐧᑌᒥᕽ ᐅᑌᓈᕽ ᑳ ᐅᐦᒋ ᐊᐧᔭᐃᐧᒋᐠ.
25ᑭ ᐊᔨᑭᐣ ᒫᑲ ᐁᑎ ᓂᐢᑐ ᑭᓯᑳᐠ, ᒣᑳᐧᐨ ᐁ ᐃᐧᓴᑫᔨᑕᐦᑭᐠ, ᓂᓱ ᐅᑯᓯᓴ ᒉᑲᑊ, ᓯᒥᔭᐣ ᒥᓇ ᓬᐃᐸᐩ, ᑖᐃᓇ ᐅᑕᐁᐧᒫᐊᐧ, ᑭ ᐅᑎᓇᒪᐧᐠ ᐅᐟ ᐃᓯᐁᐧᑯᒫᓂᐋᐧᐊᐧ ᐁᑯᓯ ᐁ ᓴᐢᒋᐃᐧᑖᒋᐠ ᑭ ᒧᐢᑭᐢᑕᒪᐧᐠ ᐅᑌᓇᐤ, ᐁ ᑭ ᓂᐸᐦᐋᒋᐠ ᒫᑲ ᑲᐦᑭᔭᐤ ᑳ ᓇᐯᐃᐧᔨᐟ. 26ᑭ ᓂᐸᐁᐊᐧᐠ ᒫᑲ ᐦᐁᒪᕒᐊ ᒥᓇ ᓯᑭᒼ ᐅᑯᓯᓯᔨᐊᐧ ᐃᓱᐁᐧᐢᐠ ᐅᐦᒋ, ᒥᓇ ᐁ ᑭ ᐅᑎᓈᒋᐠ ᑖᐃᓇᐊᐧ ᓯᑭᒼ ᐃᐧᑭᕽ ᐅᐦᒋ ᐁᑯᓯ ᐁ ᑭ ᐊᐧᔭᐃᐧᒋᐠ. 27ᐅᑯᓯᓴ ᒉᑲᑊ ᑭ ᒧᐢᑭᐢᑕᐁᐧᐊᐧᐠ ᓂᐸᑖᑲᓇ, ᐁ ᑭ ᓂᓯᐊᐧᓈᒋᐦᑖᒋᐠ ᐅᑌᓇᐤ, ᒋᑫᒫ ᐁ ᑭ ᓇᓀᐯᐃᐧᐦᐋᔨᐟ ᐅᑕᐁᐧᒫᐋᐧᐊᐧ. 28ᑭ ᐅᑎᓂᒣᐊᐧᐠ ᐅ ᒫᔭᑎᐦᑯᒥᔨᐊᐧ, ᐅ ᒧᐢᑐᓱᒥᔨᐊᐧ, ᐅ ᓱᓱᒥᐢᑕᑎᒧᒥᔨᐊᐧ, ᒥᓇ ᐊᓂᒪ ᐱᐦᒋ ᐅᑌᓈᕽ ᑳ ᑫ ᐊᔮᔨᐠ, ᒥᓇ ᐊᓂᒪ ᑭᐢᑌᑳᓂᕽ ᑳ ᑭ ᐊᔮᔨᐠ. 29ᑲᐦᑭᔭᐤ ᐅ ᐁᐧᔪᑌᓯᐃᐧᓂᔨᐤ, ᒥᓇ ᐅᐟ ᐊᐋᐧᓯᒥᓯᔨᐊᐧ, ᒥᓇ ᐃᐧᐃᐧᔨᐊᐧ, ᑭ ᒪᓂᐊᐧᑌᐊᐧᐠ, ᑲᐦᑭᔭᐤ ᐱᐦᒋ ᐋᐧᐢᑳᐦᐃᑲᓂᕽ ᑳ ᐊᔮᔨᐠ. 30ᒉᑲᑊ ᒫᑲ ᐅᒥᓯ ᑭ ᐃᑌᐤ ᐊᓂᐦᐃ ᓯᒥᔭᐣ ᒥᓇ ᓬᐃᐸᐩ, ᑭᐟ ᐋᔨᒥᐃᓈᐋᐧᐤ ᐁ ᐅᐦᒋᑎᓴᐦᐊᒪᐃᐧᔦᐠ ᑭᑕ ᐸᑳᐧᓯᒋᐠ ᐅᑕ ᑳ ᐅᑕᐢᑭᒋᐠ, ᑫᓇᓇᐃᑕᐠ ᒥᓇ ᐯᕒᐃᓴᐃᑕᐠ, ᐁᑯᓯ ᓂᔭ ᐁ ᒐᑲᐋᐧᓯᓯᔮᐣ, ᓂ ᑲ ᒫᒪᐃᐧ ᒪᐃᐧᓀᐅᑲᐧᐠ, ᐁᑯᓯ ᑭᑕ ᓂᐸᐃᒋᐠ, ᓂ ᑲ ᓂᓯᐊᐧᓈᑎᓯᐣ ᒫᑲ ᓂᔭ ᒥᓇ ᓂᑭ. 31ᑭ ᐃᑌᐧᐊᐧᐠ ᒫᑲ, ᑖᐱᐢᑯᐨ ᒋ ᐱᓯᑳᐧᑎᐢᑫᐧᐤ ᑭᑕ ᑐᑕᐋᐧᐤ ᓂᑕᐁᐧᒫᓈᐣ?
Currently Selected:
ᒉᓂᓯᐢ 34: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
