ᒉᓂᓯᐢ 35

1 # ᒉᓂᓯᐢ 28:11-17 ᑭᓭᒪᓂᑐ ᒫᑲ ᐅᒥᓯ ᑭ ᐃᑌᐤ ᒉᑲᐸ, ᐸᓯᑯ, ᐃᑐᐦᑌ ᐊᓂᑕ ᐯᐦᑎᓬ, ᐁᑯᑕ ᒫᑲ ᐅᐟ ᐊᐢᑭ; ᒥᓇ ᐁᑯᑕ ᐸᑭᑎᓈᓱᐃᐧᓈᐱᐢᑯᑲᐤ ᑭᓭᒪᓂᑐ ᑳ ᑭ ᓄᑯᐦᐃᓱᐢᑖᐢᐠ ᐃᐢᐱ ᑳ ᑕᐸᓯᐊᐟ ᑭᒋᐋᐧᒼ ᐃᓵ. 2ᒉᑲᑊ ᒫᑲ ᐅᒥᓯ ᑭ ᐃᑌᐤ ᑳ ᐃᑕᐦᑐᑫᐟ, ᒥᓇ ᑲᐦᑭᔭᐤ ᑳ ᐃᐧᒉᑯᐟ, ᐁᐧᐱᓂᑯᐟ ᐊᓂᑭ ᐱᑐᓯ ᒪᓂᑐᐊᐧᐠ ᑳ ᐊᔮᐋᐧᔦᑯᐠ, ᒥᓇ ᐯᐦᑭᐃᓱᐠ, ᒥᓇ ᒣᐢᑯᑕᔪᐃᐧᓀᐠ. 3ᑭᔮᒼ ᒫᑲ ᐸᓯᑯᑖᐠ, ᑭᑕ ᐃᑐᐦᑌᔭᕽ ᐊᓂᑕ ᐯᐦᑎᓬ, ᐁᑯᑕ ᒫᑲ ᓂ ᑲ ᐸᑭᑎᓈᓱᐃᓈᐱᐢᑯᑲᐋᐧᐤ ᑭᓭᒪᓂᑐ ᑳ ᑭ ᓇᐢᑯᒥᐟ ᐊᓂᒪ ᐁ ᑭᓯᑳᐠ ᒣᑳᐧᐨ ᐁ ᐋᔨᒥᓯᔮᐣ, ᒥᓇ ᑳ ᑭ ᐃᐧᒉᐃᐧᐟ ᐃᑌ ᑳ ᑭ ᐸᐹ ᐊᔨᑐᑌᔮᐣ. 4ᑭ ᒥᔦᐊᐧᐠ ᒫᑲ ᒉᑲᐸ ᑲᐦᑭᔭᐤ ᐱᑐᓯ ᒪᓂᑐᐊᐧ ᑳ ᐊᔮᐋᐧᒋᐠ, ᒥᓇ ᑲᐦᑭᔭᐤ ᐅ ᑖᐱᑌᐱᓱᓂᐋᐊᐧ ᑳ ᐊᔮᔨᐟ ᐅᐦᑕᐊᐧᑳᐋᐧᕽ; ᒉᑲᑊ ᒫᑲ ᑭ ᑳᑌᐤ ᓯᐹᔮᑎᐠ ᒪᐢᑲᐋᐧᑎᑲᐧ ᑳ ᐊᔮᔨᐟ ᒋᑭ ᓯᑭᒥᕽ. 5ᑭ ᐱᒥᐱᒋᐊᐧᐠ ᒫᑲ; ᐁᑯᓯ ᐅ ᑯᐢᑖᒥᑯᓯᐃᐧᐣ ᑭᓭᒪᓂᑐ ᑭ ᐅᑎᐦᑎᑲᐧᐠ ᐋᐧᐢᑳ ᑳ ᐅᑌᓇᐃᐧᑖᒋᐠ, ᓇᒪᐃᐧᔭ ᒫᑲ ᑭ ᐱᒥᑎᓴᐁᐧᐊᐧᐠ ᒉᑲᐸ ᐅᑯᓯᓯᔨᐊᐧ.

6ᐁᑯᓯ ᒫᑲ ᒉᑲᑊ ᑭ ᐅᑎᑕᒼ ᓬᐊᐢ, ᑳ ᐊᔮᐠ ᐊᓂᑕ ᑫᓇᐣ ᐊᐢᑭᕽ, ᐁᐊᐧᑲᐧᓂᒪ ᐯᐦᑎᓬ, ᐃᐧᔭ ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ. 7ᐁᑯᑕ ᒫᑲ ᑭ ᐸᑭᑎᓈᓱᐃᐧᓈᐱᐢᑯᑫᐤ ᐁᓬᐯᐦᑎᓬ ᐁ ᑭ ᐃᓯᔨᐦᑳᑕᕽ; ᒋᑫᒫ ᐁᑯᑕ ᑭᓭᒪᓂᑐᐊᐧ ᑳ ᑭ ᓄᑯᐦᐃᓱᐢᑖᑯᐟ ᐃᐢᐱ ᑳ ᑕᐸᓯᐋᐟ ᐅᒋᐋᐧᒪ. 8ᑌᐸᕒᐊ ᒫᑲ ᕒᐃᐯᑲ ᑳ ᑭ ᑲᓄᓈᐊᐧᓱᐢᑖᑯᐟ ᑭ ᐳᓂ ᐱᒫᑎᓯᐤ ᐁᑯᑕ, ᑭ ᓇᐃᓈᐤ ᒫᑲ ᓂᐦᒋ ᐯᐦᑎᓬᐃᕽ ᓯᐹᔮᑎᐠ ᒪᐢᑲᐋᐧᑎᑯᕽ: ᐋᓬᐊᐣᐹᑲᐦᐟ ᒫᑲ ᑭ ᐃᓯᔨᐦᑳᑌᐤ ᐁᑯᑕ.

9ᑭᓭᒪᓂᑐ ᒫᑲ ᑭ ᓄᑯᐦᐃᓱᐢᑕᐁᐧᐤ ᒉᑲᐸ, ᐃᐢᐱ ᐹᑕᓀᕒᐋᒼ ᑳ ᐯ ᐅᐦᑐᑌᔨᐟ ᒥᓇ ᐁ ᑭ ᓴᐁᐧᔨᒥᑯᐟ. 10#ᒉᓂᓯᐢ 32:28ᑭᓭᒪᓂᑐ ᒫᑲ ᐅᒥᓯ ᑭ ᐃᑌᐤ, ᒉᑲᑊ ᑭᐟ ᐃᓯᔨᐦᑳᓱᐣ, ᓇᒪᐃᐧᔭ ᐁᑲᐧ ᒉᑲᑊ ᑭ ᑲ ᐃᓯᔨᐦᑳᓱᐣ, ᒫᑲ ᐃᐢᕒᐁᐃᓬ ᑭ ᑲ ᐃᓯᔨᐦᑳᓱᐣ; ᐃᐢᕒᐁᐃᓬ ᒫᑲ ᑭ ᐃᓯᔨᐦᑳᑌᐤ. 11#ᒉᓂᓯᐢ 17:4-8ᑭᓭᒪᓂᑐ ᒫᑲ ᐅᒥᓯ ᑭ ᐃᑌᐤ, ᓂᔭ ᑭᓭᒪᓂᑐ ᒫᒪᐁᐧᔭᐢ ᑫᐦᒑᔨᐃᐧᐟ, ᒥᐦᒉᑎ ᒥᓇ ᑕᑫᐧᔭᑎ ᐁ ᐱᐢᑭᑕᐢᑳᓀᓯᒋᐠ ᒥᓇ ᒥᐦᒉᑐᐢᑳᐣ ᑭᔭ ᑭᑕ ᐅᐦᒋᐊᐧᐠ, ᒥᓇ ᑭᐦᒋ ᐅᑭᒫᐊᐧᐠ ᑭᔭᐃᐧᕽ ᑭᑕ ᐅᐦᒋᐊᐧᐠ. 12ᐊᐢᑭ ᒫᑲ ᑳ ᑭ ᒥᔭᑭᐠ ᐁᑊᕒᐁᐋᒼ ᒥᓇ ᐋᐃᓴᐠ ᑭᔭ ᑭ ᑲ ᒥᔨᑎᐣ, ᒥᓇ ᑭᐟ ᐊᐋᐧᓯᒥᓴᐠ ᓂ ᑲ ᒥᔮᐊᐧᐠ ᐁᐊᐧᑯ ᐊᐢᑭ. 13ᑭᓭᒪᓂᑐᐊᐧ ᒫᑲ ᑭ ᓇᑲᑎᐠ ᐃᑕ ᑳ ᑭ ᐊᔭᒥᐃᑯᐟ. 14#ᒉᓂᓯᐢ 28:18,19ᒉᑲᑊ ᒫᑲ ᑭ ᑭᐢᑭᓇᐋᐧᒋᐦᑖᐤ ᐃᑕ ᑳ ᑭ ᐊᔭᒥᐃᑯᐟ; ᐊᓯᓂᔭ ᑭᐢᑭᓇᐋᐧᒋᐦᒋᑲᐣ ᑳ ᑭ ᐅᓯᐦᑖᐟ, ᑭ ᓯᑭᓇᒼ ᒫᑲ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ, ᒥᓇ ᐱᒥ ᑭ ᓯᑭᓇᐣ ᐁᑯᑕ. 15ᒉᑲᑊ ᒫᑲ ᐃᑕ ᑭᓭᒪᓂᑐᐊᐧ ᑳ ᑭ ᐊᔭᒥᐃᑯᐟ ᐯᐦᑎᓬ ᑭ ᐃᓯᔨᐦᑳᑕᒼ.

16ᑭ ᓯᐯᐧᐱᒋᐊᐧᐠ ᒫᑲ ᐯᐦᑎᓬ ᐅᐦᒋ; ᑫᔮᐱᐨ ᒫᑲ ᑭ ᔮᐋᐧᐸᑕᒪᐧᐠ ᐁᐸᕒᐋᐦᐟ; ᕒᐁᒋᓬ ᒫᑲ ᑭ ᓂᐦᑖᐃᐧᑭᐦᐋᐊᐧᓱ, ᑭ ᐋᔨᒥᓯᐤ ᒫᑲ. 17ᑭ ᐃᐢᐸᔨᐤ ᒫᑲ ᒣᑳᐧᐨ ᐁ ᐋᔨᒥᓯᐠ, ᐃᐢᑫᐧᐊᐧ ᑳ ᑲᓇᐁᐧᔨᒥᑯᐟ ᑭ ᐃᑎᐠ, ᐁᑳᐃᐧᔭ ᓭᑭᓯ ᑭ ᑲ ᐊᔮᐋᐧᐤ ᐊᐊᐧ ᑭᑯᓯᐢ. 18ᑭ ᐊᔨᑭᐣ ᒫᑲ ᓵᓴᐧ ᐁ ᐊᑎ ᓇᑲᑎᑯᐟ ᐅᐟ ᐊᐦᒑᐦᑲᐧ (ᒋᑫᒫ ᑭ ᓂᐱᐤ), ᐯᓄᓇᐩ ᑭ ᐃᓯᔨᐦᑳᑌᐤ, ᒫᑲ ᐅᑖᐃᐧᔨᐊᐧ ᐯᐣᒋᒪᐣ ᑭ ᐃᓯᔨᐦᑳᑎᑯᔨᐊᐧ. 19ᕒᐁᒋᓬ ᒫᑲ ᑭ ᓂᐱᐤ, ᐁᑯᓯ ᐁ ᑭ ᓇᐃᓂᐦᐟ ᐁ ᐊᑎ ᐃᑐᐦᑌᕽ ᐊᓂᑕ ᐁᐸᕒᐋᐦᐟ, ᐁᐊᐧᑲᐧᓂᒪ ᐯᐟᓬᐃᐊᒼ. 20ᒉᑲᑊ ᒫᑲ ᑭ ᑭᐢᑭᓇᐋᐧᒋᐦᑖᐤ ᑕᐦᑯᐨ ᐅ ᔨᑳᐧᐦᐊᐢᑳᓂᔨᕽ, ᐁᐊᐧᑳᐧᓂᒪ ᐁ ᒋᒪᑌᔨᐠ ᕒᐁᒋᓬ ᐅ ᔨᑲᐧᐦᐊᐢᑳᓂᕽ ᐱᔨᐢ ᐊᓄᐦᐨ ᑳ ᑭᓯᑳᐠ. 21ᐃᐢᕒᐁᐃᓬ ᒫᑲ ᑭ ᐱᒥᐱᒉᐤ ᐁᑯᓯ ᐁ ᑭ ᐅᔭᐢᑭᑖᐟ ᐃᐧᑭ ᐊᓂᑕ ᐊᐊᐧᓯᑌ ᐃᑌᐦᑫ ᐃᑕᕒ ᐊᓱᐃᐧᑲᒥᐠ. 22#ᒉᓂᓯᐢ 49:4ᑭ ᐊᔨᐢᐸᔨᐟ ᒫᑲ ᒣᑳᐧᐨ ᐃᐢᕒᐁᐃᓬ ᐁ ᐅᐟ ᐊᐢᑭᐠ ᐁᑯᑕ, ᕒᐅᐱᐣ ᑭ ᓇᑕᐃᐧ ᐃᐧᒉᐁᐧᐤ ᐱᓬᐦᐋᐊᐧ ᐅᑖᐃᐧᔭ ᐅ ᑲᓇᐃᐧᐢᑫᐧᐋᐧᓂᔨᐊᐧ; ᐃᐢᕒᐁᐃᓬ ᒫᑲ ᑭ ᐯᑕᒼ.

ᒥᑖᑕᐦᐟ ᓂᓱᓵᑊ ᒫᑲ ᑭ ᑕᓯᔨᐊᐧ ᐅᑯᓯᓴ ᒉᑲᑊ. 23ᐅᑯᓯᓴ ᓬᐃᐋ, ᕒᐅᐱᐣ ᒉᑲᑊ ᐅ ᓂᐢᑕᒧᓵᓇ, ᒥᓇ ᓯᒥᔭᐣ, ᓬᐃᐸᐩ, ᒍᑕ, ᐃᓵᑲᕒ, ᒥᓇ ᓭᑊᔪᓬᐊᐣ; 24ᐅᑯᓯᓴ ᒫᑲ ᕒᐁᒋᓬ; ᒍᓯᑊ, ᒥᓇ ᐯᐣᒋᒪᐣ; 25ᐅᑯᓯᓴ ᒫᑲ ᐱᓬᐦᐋ, ᕒᐁᒋᓬ ᐅᐟ ᐊᑐᐢᑫᔮᑲᓂᐢᑫᐧᒪ, ᑖᐣ, ᒥᓇ ᓈᑊᑕᓬᐊᐩ. 26ᐅᑯᓯᓴ ᒫᑲ ᓯᓬᐹ, ᓬᐃᐋ ᐅᐟ ᐊᑐᐢᑫᔮᑲᓂᐢᑫᐧᒪ, ᑳᐟ, ᒥᓇ ᐋᓴᕒ; ᐁᐊᐧᑯᓂ ᐅᐦᐃ ᐅᑯᓯᓴ ᒉᑲᑊ, ᑳ ᑭ ᓂᐦᑖᐃᐧᑭᑕᒫᐦᐟ ᐊᓂᑕ ᐹᑕᓀᕒᐋᒼ.

27 # ᒉᓂᓯᐢ 13:18 ᒉᑲᑊ ᒫᑲ ᑭ ᐅᑎᐦᑌᐤ ᐋᐃᓴᑲ ᐅᑖᐃᐧᔭ ᐊᓂᑕ ᒫᒼᕒᐃ, ᑭᕒᐃᐊᐦᐟ ᐋᕒᐸᐃᕽ, ᐁᐊᐧᑳᐧᓂᒪ ᐦᐁᐸᕒᐊᐣ, ᐃᑕ ᐁᑊᕒᐁᐋᒼ ᒥᓇ ᐋᐃᓴᐠ ᑳ ᑭ ᐅᐟ ᐊᐢᑭᒋᐠ. 28ᐅᑭᓯᑳᒪ ᒫᑲ ᐋᐃᓴᐠ ᒥᑖᐦᑐᒥᑕᓇᐤ ᐊᔨᓈᓀᒥᑕᓇᐤ ᑕᐦᑐ ᐱᐳᐣ ᑭ ᑕᐦᑎᓂᔨᐊᐧ. 29ᐋᐃᓴᐠ ᒫᑲ ᑭ ᐸᑭᑕᒑᐦᑫᐧᐤ ᒥᓇ ᑭ ᐳᓂ ᐱᒫᑎᓯᐤ, ᐁᑯᓯ ᐁ ᑭ ᑕᑯᑕᐃᐦᐟ ᐃᐧᒋᔨᓂᐊᐧ, ᐁ ᑭᓭᔨᓂᐃᐧᐟ ᒥᓇ ᐁ ᒥᐦᒉᑐᑭᓯᑫᐧᐟ; ᐁᑯᓯ ᐃᓵ ᒥᓇ ᒉᑲᑊ ᐅᑯᓯᓴ ᑭ ᓇᐃᓂᐠ.

Currently Selected:

ᒉᓂᓯᐢ 35: KKMs

Highlight

Copy