ᐃᓯᐦᒋᑫᐃᐧᓂᐋᐧᐊᐧ 7

1ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂ ᒫᑲ ᑭ ᐃᑌᐧᐤ, ᐁᑯᓯ ᒋ ᐅᐦᐃ ᑖᐯᐧ? 2#ᒉᓂᓯᐢ 12:1ᑭ ᐃᑌᐤ ᒫᑲ,

ᓂᒋᐋᐧᒥᑎᐠ ᒥᓇ ᐅᑖᐃᐧᒫᑎᐠ, ᓇᑐᑕᒧᐠ, ᑭᓭᒪᓂᑐ ᑳ ᑭᐢᑌᔨᑖᑯᓯᐟ, ᑭ ᓄᑯᐦᐃᓱᐢᑕᐁᐧᐤ ᑯᑖᐃᐧᓇᐊᐧ ᐁᑊᕒᐁᐋᒼ, ᒣᑳᐧᐨ ᒣᓱᐳᑌᒥᔭᐃᕽ ᐁ ᐊᔮᐟ, ᒪᐧᔦᐢ ᐦᐁᕒᐋᓂᕽ ᐅᐟ ᐃᑖᐃᐧᓂᐟ, 3ᐁᑯᓯ ᑭ ᐃᑎᐠ, ᓇᑲᑕ ᑭᐟ ᐊᐢᑭ, ᒥᓇ ᓇᑲᓯᐠ ᑭ ᐋᐧᑯᒫᑲᓇᐠ, ᐁᑯᓯ ᐯ ᐃᑐᐦᑌ ᐊᐢᑭᕽ ᐊᓂᒪ ᑫ ᐋᐧᐸᐦᑕᐦᐃᑖᐣ. 4#ᒉᓂᓯᐢ 11:31; ᒉᓂᓯᐢ 12:4ᐁᑲᐧ ᑖᐯᐧ ᑭ ᓇᑲᑕᒼ ᑳᓬᑎᔭᐣ ᐊᐢᑭ, ᒥᓇ ᑭ ᐅᐟ ᐃᑖᐃᐧᓂᐤ ᐦᐁᕒᐋᓂᕽ: ᐁᑯᑕ ᒫᑲ ᐅᐦᒋ, ᐃᐢᐱ ᐅᑖᐃᐧᔭ ᐁ ᐳᓂ ᐱᒫᑎᓯᔨᐟ, ᑭᓭᒪᓂᑐᐊᐧ ᑭ ᐋᑐᑕᐃᐠ ᐅᑕ ᐅᒪ ᐊᐢᑭᕽ, ᐃᑕ ᐊᓄᐦᐨ ᑳ ᐅᐟ ᐃᑖᐃᐧᓂᔦᐠ: 5#ᒉᓂᓯᐢ 12:7; 13:15; 15:18; 17:8ᒫᑲ ᓇᒪᐃᐧᔭ ᑭ ᒥᔨᐠ ᐁᑯᑕ ᑭᑕ ᑎᐱᔭᐁᐧᐃᐧᓯᐟ, ᓇᒪ, ᓇᒪᐋᐧᐨ ᐊᐦᐳ ᐁᐢᐱᒋᓯᑌᐟ ᑭᑕ ᑕᑯᐢᑳᑕᕽ: ᒫᑲ ᑭ ᐊᓱᑕᒫᐠ ᑭᑕ ᒥᔨᑯᐟ ᑭᑕ ᑎᐱᔭᐁᐧᐃᐧᓯᐟ, ᒥᓇ ᐅᐟ ᐊᐋᐧᓯᒥᓴ ᐋᓂᐢᑳᐨ, ᐁᑳ ᒉᐢᑲᐧ ᐁ ᐅᐟ ᐊᐋᐧᓯᒥᓯᐟ.

6 # ᒉᓂᓯᐢ 15:13,14 ᑭᓭᒪᓂᑐᐊᐧ ᒫᑲ ᐅᒥᓯ ᑭ ᐃᑎᐠ, ᐅᐟ ᐊᐋᐧᓯᒥᓴ ᑭᑕ ᐃᑕᓯ ᐊᔮᔨᐟ ᐱᑐᐢ ᐊᐢᑭᕽ, ᐁᑯᑕ ᒫᑲ ᑭᑕ ᐊᐊᐧᑳᑎᒋᐠ, ᒥᓇ ᑭᑕ ᒫᔨᑐᑖᒋᐠ, ᓀᐅᒥᑕᓇᐤ ᑕᐦᑐ ᐊᐢᑭ. 7#ᐁᐠᓴᑕᐢ 3:12ᐊᓂᐦᐃ ᒫᑲ ᐊᔨᓯᔨᓂᐊᐧ ᑫ ᐊᐊᐧᑳᑎᑯᒋᐠ ᓂ ᑲ ᐅᔭᓱᐋᐧᑖᐊᐧᐠ, ᑭ ᐃᑌᐧᐤ ᑭᓭᒪᓂᑐ: ᒣᐧᐢᑕᐢ ᐃᔨᑯᕽ ᒫᑲ ᑭᑕ ᐯ ᓯᐯᐧᑌᐊᐧᐠ, ᐁᑯᓯ ᐅᑕ ᓂ ᑲ ᐊᑐᐢᑳᑲᐧᐠ. 8#ᒉᓂᓯᐢ 17:10-14; ᒉᓂᓯᐢ 21:2-4; ᒉᓂᓯᐢ 25:26; ᒉᓂᓯᐢ 29:31—35:18ᐁᑯᓯ ᑭ ᒥᔦᐤ ᐊᓂᒪ ᑭᐢᑭᓇᐋᐧᒋ ᐊᓱᑕᒫᑫᐃᐧᐣ ᓴᕒᑲᒼᓴᐃᓯᐃᐧᐃᐧ: ᐁᑯᓯ ᐁᑊᕒᐁᐋᒼ ᑭ ᓂᐦᑖᐃᐧᑭᐦᐁᐤ ᐋᐃᓴᑲ, ᒥᓇ ᑭ ᓴᕒᑲᒼᓴᐃᓯᐃᐧᐁᐤ ᐁ ᐊᔨᓈᓀᐅᑭᓯᑳᔨᐠ; ᒥᓇ ᐋᐃᓴᐠ ᑭ ᓂᐦᑖᐃᐧᑭᐦᐁᐤ ᒉᑲᐸ, ᒥᓇ ᒉᑲᑊ ᑭ ᓂᐦᑖᐃᐧᑭᐦᐁᐤ ᐊᓂᐦᐃ ᒥᑖᑕᐟ ᓂᓱᓵᑊ ᐅᑖᐃᐧᒫᐊᐧ. 9#ᒉᓂᓯᐢ 37:11; ᒉᓂᓯᐢ 37:28; ᒉᓂᓯᐢ 39:2,21ᐅᑖᐃᐧᒫᐊᐧᐠ ᒫᑲ, ᐁ ᐅᑌᔨᒫᒋᐠ ᒍᓯᐸ ᑭ ᐊᑖᐋᐧᑳᑌᐊᐧᐠ ᐃᒋᑊᐟ ᐊᐢᑭᕽ: ᒫᑲ ᑭᓭᒪᓂᑐᐊᐧ ᑭ ᐃᐧᒉᐃᐧᐠ, 10#ᒉᓂᓯᐢ 41:39-41ᒥᓇ ᑭ ᐸᐢᐱᐦᐃᐠ ᑲᐦᑭᔭᐤ ᐅᐟ ᐊᔨᒥᓯᐃᐧᓂᕽ, ᑭ ᒥᔨᐠ ᒥᓇ ᒥᔦᐧᔨᒥᑯᐃᐧᐣ ᒥᓇ ᐃᔨᓂᓯᐃᐧᐣ ᐁ ᐃᓯ ᐋᐧᐸᒥᑯᐟ ᐯᕒᐋᐊᐧ ᐃᒋᑊᐟ ᑭᐦᒋ ᐅᑭᒫᐊᐧ; ᐁᑯᓯ ᒫᑲ ᑭ ᑎᐯᔨᑕᒧᐃᐠ ᐃᒋᑊᐟ ᐊᐢᑭ ᒥᓇ ᒥᓯᐁᐧ ᐃᐧᑭᔨᐤ. 11#ᒉᓂᓯᐢ 42:1,2ᐁᑲᐧ ᒫᑲ ᑭ ᐅᑎᐦᒋᐸᔨᐤ ᓄᑌᑲᑌᐃᐧᐣ ᒥᓯᐁᐧ ᐃᒋᑊᐟ ᒥᓇ ᑫᓇᐣ, ᒥᓇ ᒥᐢᑕᐦᐃ ᑯᑕᑭᑖᐃᐧᐣ: ᑯᑖᐃᐧᓇᐊᐧᐠ ᒫᑲ ᓇᒪᐃᐧᔭ ᑭ ᒥᐢᑲᒪᐧᐠ ᒥᒋᐃᐧᐣ. 12ᒫᑲ ᐃᐢᐱ ᒉᑲᑊ ᐱᔦᐦᑕᕽ ᐸᑫᐧᓯᑲᓂᑳᓇ ᐁ ᐃᑖᔨᐟ ᐃᒋᑊᑎᕽ, ᑭ ᐃᓯᑎᓴᐁᐧᐤ ᑯᑖᐃᐧᓇᐊᐧ ᓂᐢᑕᒼ. 13#ᒉᓂᓯᐢ 45:1; ᒉᓂᓯᐢ 45:16ᑭᑖᐧᒼ ᒫᑲ ᐁ ᐃᑐᐦᑌᔨᐟ ᒍᓯᑊ ᑭ ᑭᐢᑫᔨᑖᑯᐃᓱᐢᑕᐁᐤ ᐅᒋᐋᐧᒪ; ᐁᑯᓯ ᒍᓯᑊ ᐃᑌ ᐁᐧᐦᒋᐟ ᑭ ᑭᐢᑫᔨᑕᒧᐋᐤ ᐯᕒᐅ. 14#ᒉᓂᓯᐢ 45:9,10,17,18; ᒉᓂᓯᐢ 46:27ᐁᑲᐧ ᒫᑲ ᒍᓯᑊ ᑭ ᐃᓯᑎᓴᐦᐅᐁᐧᐤ, ᒥᓇ ᑭ ᓇᑐᒣᐤ ᒉᑲᐸ ᐅᑖᐃᐧᔭ, ᐊᓯᒋ ᑲᐦᑭᔭᐤ ᐅ ᐋᐧᑯᒫᑲᓇ, ᑌᐸᑯᐦᐳᒥᑕᓇᐤ ᓂᔮᓇᐣ ᐊᔨᐋᐧᐠ ᐊᐦᒑᐦᑲᐧᐠ. 15#ᒉᓂᓯᐢ 46:1-7; ᒉᓂᓯᐢ 49:33ᒉᑲᑊ ᒫᑲ ᑭ ᐃᑐᐦᑌᐤ ᐃᒋᑊᑎᕽ; ᐁᑯᓯ ᑭ ᐳᓂ ᐱᒫᑎᓯᐤ, ᐃᐧᔭ, ᒥᓇ ᑯᑖᐃᐧᓇᐊᐧᐠ; 16#ᒉᓂᓯᐢ 23:3-16; 33:19; 50:7-13; ᒑᐢᔪᐊ 24:32ᑭ ᐃᑐᑕᐋᐊᐧᐠ ᒫᑲ ᐊᓂᑕ ᓯᑫᒥᕽ, ᐁᑯᓯ ᑭ ᐱᒥᓯᒫᐊᐧᐠ ᓇᐦᐃᓂᑐᐃᐧᑲᒥᑯᕽ ᐁᑊᕒᐁᐋᒼ ᑳ ᑭ ᐊᑖᒫᐟ ᐋᐧᐱᐢᑭ ᓱᓂᔮᐋᐧᐱᐢᑲᐧ ᐁ ᑎᐸᐊᒪᐋᐧᐟ ᐅᑯᓯᓯᔨᐊᐧ ᐦᐁᒫᕒᐊ ᓯᑫᒥᕽ. 17#ᐁᐠᓴᑕᐢ 1:7,8ᒫᑲ ᐃᔨᑯᕽ ᐊᓱᑕᒫᑫᐃᐧᐣ ᑭᓯᐋᐧᐠ ᐁ ᐊᔮᐠ, ᑭᓭᒪᓂᑐ ᑳ ᑭ ᒥᔮᐟ ᐁᑊᕒᐁᐋᒪ, ᐊᔨᓯᔨᓂᐊᐧᐠ ᑭ ᐅᐱᑭᐊᐧᐠ ᒥᓇ ᑭ ᔭᑭᐃᑐᐊᐧᐠ ᐃᒋᑊᑎᕽ, 18ᐱᔨᐢ ᑯᑕᐠ ᑭᐦᒋ ᐅᑭᒫᐤ ᑭ ᑎᐯᔨᑕᒼ ᐃᒋᑊᑎᕽ ᐁᑳ ᐁ ᑭᐢᑫᔨᒫᐟ ᒍᓯᐸ. 19#ᐁᐠᓴᑕᐢ 1:10,11; ᐁᐠᓴᑕᐢ 1:22ᐁᐊᐧᑯ ᑭ ᑲᑲᔦᔨᓯᐃᐧᑐᑕᐁᐧᐤ ᑭ ᐋᐧᑯᒫᑲᓂᓇᐊᐧ, ᒥᓇ ᑭ ᒫᔨᑐᑕᐁᐧᐤ ᑯᑖᐃᐧᓇᐊᐧ, ᑭᑕ ᐁᐧᐱᓈᔨᐟ ᐅᐟ ᐊᐱᐢᑕᐋᐧᓯᓯᒥᔨᐊᐧ ᐁᑳ ᑭᑕ ᐱᒫᑎᓯᔨᐟ.

20 # ᐁᐠᓴᑕᐢ 2:2 ᐁᑯᐢᐱ ᒫᑲ ᒧᓯᐢ ᑳ ᑭ ᓄᑯᓯᐟ, ᐁᑯᓯ ᒥᐢᑕᐦᐃ ᑭ ᑲᑕᐋᐧᓯᓯᐤ; ᒥᓇ ᑭ ᑲᓇᐁᐧᔨᒫᐤ ᓂᐢᑐ ᐱᓯᒼ ᐅᑖᐃᐧᔭ ᐅ ᐋᐧᐢᑳᐦᐃᑲᓂᔨᕽ: 21#ᐁᐠᓴᑕᐢ 2:3-10ᐃᐢᐱ ᒫᑲ ᐁ ᐊᐧᔭᐃᐧᐁᐧᐱᓂᐦᐟ, ᐯᕒᐅ ᐅᑖᓂᓴ ᑭ ᐅᑎᓂᐠ, ᐁᑯᓯ ᑭ ᑲᓇᐁᐧᔨᒥᐠ ᐃᐧᔭ ᑭᑕ ᐅᑯᓯᓯᐟ. 22ᒧᓯᐢ ᒫᑲ ᑭ ᑭᐢᑭᓄᐦᐊᒪᐋᐧᐤ ᑲᐦᑭᔭᐤ ᐅᐟ ᐃᔨᓂᓯᐃᐧᓂᔨᐤ ᐃᒋᑊᓯᔭᓇ; ᒥᓇ ᑭ ᓱᑳᔭᐃᐧᓯᐤ ᐅᐟ ᐃᑌᐧᐃᐧᓂᕽ ᒥᓇ ᐅᐟ ᐃᓯᐦᒋᑫᐃᐧᓂᕽ. 23#ᐁᐠᓴᑕᐢ 2:11-15ᒫᑲ ᐃᐢᐱ ᐁᑎ ᐯᐢᐋᐧᐸᐦᑕᕽ ᓀᒥᑕᓇᐤ ᑭᑕ ᐃᑕᑐᐱᐳᓀᐧᐟ ᑭ ᐃᓯ ᒥᐢᑫᐧᔨᑕᒼ ᐅᑌᐃᕽ ᑭᑕ ᑭᐅᑲᐋᐧᐟ ᐅᒋᐋᐧᒪ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 24ᐁ ᐋᐧᐸᒫᐟ ᒫᑲ ᐯᔭᐠ ᓇᐢᐹᐨ ᐁ ᐃᑐᑖᒥᐦᐟ, ᑭ ᓈᑕᒪᐁᐧᐤ, ᑭ ᐋᐯᐁᐤ ᐊᓂᐦᐃ ᑳ ᑭᑎᒪᐃᒥᐦᐟ, ᐁ ᐸᑲᒪᐋᐧᐟ ᐊᓂᐦᐃ ᐃᒋᑊᓯᔭᓇ: 25ᒋᑫᒫ ᑭᑕ ᓂᓯᑐᐦᑕᒪᐧᐠ ᐁᑐᑫ ᑭ ᐃᑌᔨᒣᐤ ᐅᒋᐋᐧᒪ ᐊᓂᒪ ᐃᐧᔭ ᐅᒋᐦᒋᕽ ᑭᑕ ᐅᐦᒋ ᐸᐢᐱᐃᑯᔨᐟ ᑭᓭᒪᓂᑐᐊᐧ; ᒫᑲ ᓇᒪᐃᐧᔭ ᑭ ᓂᓯᑐᐦᑕᒥᔨᐊᐧ. 26ᐁᑯᓯ ᒥᓇ ᐃᐧᔮᐸᓂᔨᐠ ᑭ ᓄᑯᐦᐃᓱᐢᑕᐁᐧᐤ ᐁ ᒫᓯᐃᑐᔨᐟ, ᐃᐧ ᑭᐱᒋᐁᐤ ᒫᑲ, ᐁ ᐃᑌᐧᐟ, ᐅᑭᒫᑎᐠ, ᑯᒋᐋᐧᒥᑐᓈᐋᐧᐤ ᐅᒪ; ᑖᓀᑭ ᑳ ᒫᔨᑐᑖᑐᔦᐠ? 27ᒫᑲ ᐊᓇ ᑳ ᒫᔨᑐᑕᐋᐧᐟ ᐃᐧᒋᐊᔨᓯᔨᓂᐊᐧ ᐅᐦᐱᒣ ᑭ ᐃᓯ ᑲᐧᑯᓂᐠ, ᐁ ᐃᑌᐧᔨᐟ. ᐊᐁᐧᓇ ᑳ ᐃᑕᔨᐢᐠ ᑭᑕ ᑎᐯᔨᒥᔮᕽ ᒥᓇ ᑭᑕ ᐅᔭᓱᐋᐧᓯᔮᕽ? 28ᑭ ᐃᐧ ᓂᐸᐃᐣ ᒋ, ᑳ ᑭ ᐃᓯ ᓂᐸᐊᐟ ᐊᓇ ᐃᒋᑊᓯᔭᐣ ᐅᑖᑯᓯᕽ? 29#ᐁᐠᓴᑕᐢ 18:3,4ᐁᑲᐧ ᒧᓯᐢ ᑭ ᑕᐸᓯᐤ ᐅᒪ ᐁ ᐃᑌᐧᐃᐧᐦᐟ, ᒥᓇ ᑭ ᐃᑕᓯ ᐊᔮᐤ ᒥᑎᔭᐣ ᐊᐢᑭᕽ, ᐁᑯᑕ ᒫᑲ ᑭ ᓂᓯᔨᐊᐧ ᐅᑯᓯᓴ. 30#ᐁᐠᓴᑕᐢ 3:1-10ᐃᐢᐱ ᒫᑲ ᓀᐅᒥᑕᓇᐤ ᐊᐢᑭ ᐁ ᑎᐱᐸᔨᐠ, ᐅᑭᓯᑯᐊᐧ ᑭ ᓄᑯᐦᐃᓱᐢᑖᐠ ᐁ ᐸᑳᐧᑕᐢᑭᐊᐧᕽ ᓴᐃᓇ ᐊᐧᒋ, ᒣᑳᐧ ᐁ ᑳᐧᑯᑌᐠ ᐱᐢᑯᑯᐹᐤ. 31ᐃᐢᐱ ᒫᑲ ᒧᓯᐢ ᐃᐧᔮᐸᐦᑕᕽ, ᑭ ᒫᒪᐢᑳᑕᒼ ᐁ ᑲᓇᐋᐧᐸᐦᑕᕽ: ᐁᑯᓯ ᑭᓯᐋᐧᐠ ᐁ ᐃᑐᐦᑌᐟ ᑭᑕ ᑲᓇᐋᐧᐸᐦᑕᕽ ᑭ ᐅᑎᐦᑎᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᔨᐟ, 32ᓂᔭ ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᔭᐠ, ᐅ ᑭᓭᒪᓂᑐᒪ ᐁᑊᕒᐁᐊᒼ, ᒥᓇ ᐊᐃᓴᐠ, ᒥᓇ ᒉᑲᑊ. ᒧᓯᐢ ᒫᑲ ᑭ ᓇᓇᒥᐸᔨᐤ, ᐁᑯᓯ ᓇᒪᐃᐧᔭ ᑭ ᐃᑖᐱᐤ. 33ᐁᑯᓯ ᒫᑲ ᑳ ᑎᐯᔨᐦᒋᑫᔨᐟ ᐅᒥᓯ ᑭ ᐃᑎᐟ, ᑫᑕᐢᑭᓯᓀ: ᒋᑫᒫ ᐃᑕ ᐊᓂᒪ ᑳ ᓂᐸᐃᐧᔭᐣ ᑲᓈᑕᐣ ᐊᐢᑭ. 34ᒥᑐᓂ ᓂ ᑭ ᐋᐧᐸᐦᑕᒫᐧᐣ ᐅ ᑯᑕᑭᑖᐃᐧᓂᐋᐧᐤ ᓂᐟ ᐃᔨᓂᒪᐠ ᐃᒋᑊᑎᕽ ᑳ ᐊᔮᒋᐠ, ᒥᓇ ᓂ ᑭ ᐯᑕᒫᐧᐣ ᐅ ᒫᑐᐃᐧᓂᐋᐧᐤ, ᐁᑯᓯ ᓂ ᐯ ᐃᑐᐦᑖᐣ ᑭᑕ ᐸᐢᐱᐊᑭᐠ: ᐦᐋᐤ ᒫᑲ, ᑭ ᑲ ᐃᓯᑎᓴᐦᐅᑎᐣ ᐃᒋᑊᑎᕽ. 35#ᐁᐠᓴᑕᐢ 2:14ᐅᐦᐃ ᒧᓯᓴ ᑳ ᑭ ᐋᑕᐁᐧᔨᒫᒋᐠ, ᐁ ᐃᑌᐧᒋᐠ, ᐊᐁᐧᓇ ᑳ ᑭ ᐃᑕᐃᐢᐠ ᑭᑕ ᑎᐯᔨᒥᔮᕽ ᒥᓇ ᑭᑕ ᐅᔭᓱᐋᐧᓯᔮᕽ? ᐁᐊᐧᑲᐧᓂ ᑭᓭᒪᓂᑐ ᑭ ᐃᓯᑎᓴᐁᐧᐤ ᑭᑕ ᓇᐳ ᑎᐯᔨᒥᐁᐧᔨᐟ ᒥᓇ ᐸᐢᐱᐃᐁᐧᔨᐟ ᑭᑭ ᐅᒋᐦᒋᔨᐤ ᐅᑭᓯᑯᐊᐧ ᑳ ᑭ ᓄᑯᐦᐃᓱᐢᑖᑯᐟ ᐱᐢᑯᑯᐹᕽ. 36#ᐁᐠᓴᑕᐢ 7:3; ᐁᐠᓴᑕᐢ 14:21; ᓇᒼᐸᕒᐢ 14:33ᐊᐊᐧ ᓈᐯᐤ ᑭ ᓯᐯᐧᑕᐁᐤ, ᐁ ᑭ ᒪᒫᑖᐃᐧ ᐃᓯᐦᒋᑫᐟ ᒥᓇ ᐋᐧᐸᐦᑕᐦᐃᐁᐧᐟ ᐃᒋᑊᑎᕽ, ᒥᓇ ᒥᑳᐧᑲᒥᐃᐧ ᐃᐧᓂᐯᑯᕽ, ᒥᓇ ᐱᑲᐧᑕᐢᑲᒥᑳᕽ ᓀᐅᒥᑕᓇᐤ ᑕᐦᑐ ᐊᐢᑭ.

37 # ᑎᔪᑕᕒᐊᓇᒥ 18:15,18 ᐁᐊᐧᑯ ᐊᓇ ᒧᓯᐢ, ᑳ ᑭ ᐃᑖᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᑭᐢᑭᐁᐧᐦᐃᑫᐊᐧ ᑭᓭᒪᓂᑐ ᑭ ᑲ ᐸᓯᑯᓇᒫᑯᐋᐧᐤ ᑭᒋᐋᐧᒥᐋᐧᐊᐧᐠ ᐅᐦᒋ, ᑖᐱᐢᑯᐨ ᓂᔭ. 38#ᐁᐠᓴᑕᐢ 19:1—20:17; ᑎᔪᑕᕒᐊᓇᒥ 5:1-33ᐁᐊᐧᑯ ᐊᐊᐧ ᑳ ᑭ ᐊᔮᐟ ᐊᔭᒥᐦᐋᐃᐧ ᒫᐊᐧᒋᐃᑐᐃᐧᓂᕽ ᐱᑲᐧᑕᐢᑭᕽ ᐁ ᐃᐧᒉᐋᐧᐟ ᐅᑭᓯᑯᐊᐧ ᑳ ᑭ ᑭᑐᑎᑯᐟ ᓵᐃᓇ ᐊᐧᒋᕽ, ᒥᓇ ᑯᑖᐃᐧᓇᐊᐧ: ᑳ ᑭ ᐅᑎᓇᕽ ᐱᒫᑎᓯᐃᐧ ᑲᑫᐢᑭᒥᐁᐧᐃᐧᓇ ᑭᑕ ᒥᔨᑯᔭᕽ: 39ᐁᐊᐧᑲᐧᓂ ᑯᑖᐃᐧᓇᐊᐧᐠ ᐁᑳ ᑳ ᑭ ᐃᐧ ᓇᓇᐃᑕᐋᐧᒋᐠ, ᒫᑲ ᑳ ᑭ ᐊᓭᓇᒫᓱᒋᐠ, ᐁᑯᓯ ᐁ ᑭ ᑭᐁᐧᒋᐠ ᐅᑌᐃᐋᐧᕽ, ᐃᒋᑊᑎᕽ, 40#ᐁᐠᓴᑕᐢ 32:1ᐁ ᐃᑖᒋᐠ ᐁᕒᐊᓇ, ᐅᓯᑕᒪᐃᐧᓈᐣ ᒪᓂᑐᐊᐧᐠ ᑭᑕ ᓂᑳᓄᑖᑯᔭᑯᐠ: ᐃᐧᔭ ᐊᐊᐧ ᒧᓯᐢ, ᐃᒋᑊᑎᕽ ᑳ ᑭ ᐯ ᐅᐦᒋ ᓯᐯᐧᑕᐃᑯᔭᕽ, ᓇᒪᐃᐧᔭ ᓂ ᑭᐢᑫᔨᑌᓈᐣ ᑖᓂᑌ ᐁᔮᑫᐧ. 41#ᐁᐠᓴᑕᐢ 32:2-6ᑭ ᐅᓯᐁᐊᐧᐠ ᒫᑲ ᒧᐢᑐᓱᓯᓴ ᐁᑯᐢᐱ ᐁ ᑲᑭᓯᑳᐠ, ᒥᓇ ᑭ ᐯᑖᐊᐧᐠ ᐁ ᒪᒍᐢᑌᐊᒪᐋᐧᒋᐠ ᐊᓂᐦᐃ ᒪᓂᑐᑳᓇ, ᒥᓇ ᑭ ᒪᒪᐦᑖᑯᐃᑲᐧᐠ ᐊᓂᒪ ᑳ ᑭ ᐊᑐᐢᑳᑕᐦᑭᐠ ᐅᒋᐦᒋᐋᐧᐊᐧ ᐅᐦᒋ. 42#ᐁᒫᐢ 5:25-27ᒫᑲ ᑭᓭᒪᓂᑐ ᑭ ᑫᐧᐢᑭᐤ, ᐁᑯᓯ ᑭ ᐸᑭᑎᓀᐤ ᑭᑕ ᐊᑐᐢᑲᐋᐧᔨᐟ ᑳ ᐅᓵᒣᔭᑐᔨᐟ ᑭᓯᑯᕽ; ᑳ ᐃᑕᓯᓇᐦᐃᑳᑌᐠ ᐅ ᒪᓯᓇᐦᐃᑲᓂᐋᐧᕽ ᐅᑭᐢᑭᐁᐧᐦᐃᑫᐊᐧᐠ,

ᑭ ᑭ ᐸᑭᑎᓇᒪᐃᐧᓈᐋᐧᐤ ᒋ ᐁ ᓂᐸᐃᐦᒋᐠ ᐱᓯᐢᑭᐊᐧᐠ ᒥᓇ ᒪᒍᐢᑌᐊᒫᑫᐃᐧᓇ ᓀᐅᒥᑕᓇᐤ ᑕᐦᑐ ᐊᐢᑭ ᐱᑲᐧᑕᐢᑭᕽ, ᐋ ᑭᔭᐋᐧ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ?

43ᒫᑲ ᑭ ᑭ ᐅᑎᓇᒫᐧᓈᐋᐧ ᐅ ᒥᑭᐋᐧᑊ ᒫᓬᐋᐠ, ᒥᓇ ᐅᐟ ᐊᐦᒐᐦᑯᒪ ᐊᓇ ᒪᓂᑐ ᕒᐃᐹᐣ, ᐅᓯᐦᒋᑲᓇᐠ ᑳ ᑭ ᐅᓯᐋᔦᑯᐠ ᑭᑕ ᑳᑭᓯᒧᑐᑕᐋᐧᔦᑯᐠ: ᐁᑯᓯ ᑭ ᑲ ᓯᐯᐧᑕᐃᑎᓈᐋᐧ ᐊᐊᐧᓯᑌ ᐹᐱᓬᐊᓂᕽ.

44 # ᐁᐠᓴᑕᐢ 25:9,40 ᑯᑖᐃᐧᓇᐊᐧᐠ ᑭ ᐊᔮᐊᐧᐠ ᐊᓂᒪ ᐋᒋᒧᐃᐧᓂ ᒥᑭᐋᑊ ᐱᑲᐧᑕᐢᑭᕽ, ᑖᐱᐢᑯᐨ ᑳ ᑭ ᐃᑕᑭᑕᕽ ᑳ ᑭ ᐃᐧᐦᑕᒪᐋᐧᐟ ᒧᓯᓴ, ᑭᑕ ᐃᓯᑖᐟ ᐁ ᐃᓯᓈᑲᐧᓂᔨᐠ ᐊᓂᒪ ᑳ ᑭ ᐋᐧᐸᐦᑕᕽ. 45#ᒑᐢᔪᐊ 3:14-17ᐁᐊᐧᑫᐧᔨᐤ ᒥᓇ ᑯᑖᐃᐧᓇᐊᐧᐠ, ᐁ ᑖᐱᐢᑲᒫᑫᒋᐠ, ᑭ ᐱᑐᑲᑖᐊᐧᐠ ᐁ ᐃᐧᒉᐋᐧᒋᐠ ᒑᐢᔪᐊ ᐃᐢᐱ ᐁ ᐯ ᐊᔮᒋᐠ ᐅᐟ ᐃᑖᐃᐧᓂᔨᕽ ᓇᓈᑐᑯᐢᑳᐣ, ᑭᓭᒪᓂᑐ ᑳ ᑭ ᐊᐧᔭᐃᐧ ᑎᓯᓈᐟ ᐅ ᓂᑳᓂᒥᔨᕽ ᑯᑖᐃᐧᓇᐊᐧ, ᐱᔨᐢ ᐁ ᐅ ᑭᓯᑳᒥᐟ ᑌᐱᐟ; 46#2 ᓵᒼᔪᐃᓬ 7:1-16; 1 ᐊᑭᓀ ᐋᒋᒧᐃᐧᓇ 17:1-14ᑳ ᑭ ᒥᐢᑲᒫᐧᐟ ᐅ ᒥᔪ ᑭᑖᐸᑫᐃᐧᓂᔨᐤ ᑭᓭᒪᓂᑐᐊᐧ, ᐁᑯᓯ ᑳ ᑭ ᑲᑫᐧᒋᑫᒧᐟ ᑭᑕ ᑭ ᒥᐢᑲᒫᐧᐟ ᐃᑕ ᑭᑕ ᐃᐧᑭᔨᐟ ᐅ ᑭᓭᒪᓂᑐᒪ ᒉᑲᑊ. 47#1 ᑭᐦᒋ ᐅᑭᒫᐊᐧᐠ 6:1-38; 2 ᐊᑭᓀ ᐋᒋᒧᐃᐧᓇ 3:1-17ᒫᑲ ᓵᓬᐅᒪᐣ ᑭ ᐋᐧᐢᑲᐃᑲᓂᑲᐁᐧᐤ.

48ᒫᑲ ᐁᔨᐁᐧᕽ ᒫᒪᐁᐧᔭᐢ ᑳ ᑭᒑᔨᐃᐧᐟ ᓇᒪᐃᐧᔭ ᐃᐧᑭᐤ ᐋᐧᐢᑳᐦᐃᑲᓂᕽ ᒥᒋᐦᒋᔭ ᐁ ᑭ ᐅᐦᒋ ᐅᓯᒋᑳᑌᐠ; ᑳ ᐃᑌᐧᐟ ᐅᑭᐢᑭᐁᐧᐦᐃᑫᐤ,

49 # ᐊᐩᓵᔭ 66:1,2 ᑭᐦᒋ ᑭᓯᐠ ᐁᐊᐧᑯ ᓂ ᑭᐦᒋ ᐊᐱᐃᐧᐣ, ᒥᓇ ᐊᐢᑭ ᓄᑕᐢᐱᓯᑌᓯᒧᓂᐣ: ᑖᓂ ᑐᐃᐧ ᐋᐧᐢᑳᐦᐃᑲᐣ ᑫ ᐅᓯᑕᒪᐃᐧᔦᐠ? ᐃᑌᐧᐤ ᑳ ᑎᐯᔨᐦᒋᑫᐟ: ᐊᐦᐳ ᑖᓇᓂᒪ ᐃᑕ ᐁ ᐊᔦᐧᐱᔮᐣ?

50ᓈᒪ ᒋ ᓂᔭ ᓂ ᒋᐦᒋᔭ ᑳ ᑭ ᐅᐦᒋ ᐅᓯᑖᔮᐣ ᑲᐦᑭᔭᐤ ᐅᐦᐃ?

51 # ᐊᐩᓵᔭ 63:10 ᑭᔭᐋᐧᐤ ᑳ ᓯᑕᐃᐧᑲᐧᔭᐁᐧᔦᐠ ᒥᓇ ᐁᑳ ᑳ ᓴᕒᑲᐣᓴᐃᓯᐃᐧᔦᐠ ᑭ ᑌᐦᐃᐋᐧᕽ ᒥᓇ ᑭᐦᑕᐊᐧᑳᐋᐧᕽ, ᑳᑭᑫ ᑭ ᓇᑳᐢᑲᐋᐧᐋᐧᐤ ᑳ ᑲᓈᑎᓯᐟ ᐊᐦᒑᕽ: ᑳ ᑭ ᐃᑐᑕᐦᑭᐠ ᑯᑖᐃᐧᐋᐧᐊᐧᐠ ᐁᑯᓯ ᑭᐢᑕᐋᐧᐤ. 52ᑖᓈᓂᐃ ᐅᑭᐢᑭᐁᐧᐦᐃᑫᐊᐧ ᑯᑖᐃᐧᐋᐧᐊᐧᐠ ᐁᑳ ᑳ ᑯᑕᑭᐋᒋᐠ? ᐁᑯᓯ ᑭ ᓂᐸᐁᐊᐧᐠ ᐊᓂᐦᐃ ᑳ ᑭ ᐋᐧᐸᐦᑕᐦᐃᐁᐧᔨᐟ ᓂᔮᐠ ᑭᑕ ᑕᑯᓯᓂᔨᐟ ᐅᑲᐧᔭᐢᑭᑖᑎᓯᐊᐧ; ᐊᓇ ᑭᔭᐋᐧᐤ ᐁᑲᐧ ᑳ ᑭ ᐊᐧᔦᓯᐸᑭᑎᓈᔦᐠ ᒥᓇ ᑳ ᑭ ᓂᐸᐦᐋᔦᐠ; 53ᑭᔭᐋᐧᐤ ᑳ ᑭ ᒥᔨᑲᐃᐧᔦᐠ ᐅᔭᓱᐁᐧᐃᐧᐣ ᐁ ᑭ ᐃᓯ ᐅᔭᑭᑕᑭᐠ ᐅᑭᓯᑯᐊᐧᐠ, ᐁᑳ ᒫᑲ ᐁ ᑲᓇᐁᐧᔨᑕᒣᐠ.

54ᐃᐢᐱ ᒫᑲ ᐅᐦᐃ ᐱᔦᐦᑕᐦᑭᐠ ᑭ ᐃᐧᓴᑲᐅᑲᐧᐠ ᐅᑌᐃᐋᐧᕽ, ᑭ ᑲᑭᒋᐢᑳᐱᑌᐢᑕᐁᐧᐊᐧᐠ ᒫᑲ. 55ᐃᐧᔭ ᒫᑲ, ᐁ ᒧᐢᑭᓀᐟ ᑳ ᑲᓈᑎᓯᔨᐟ ᐊᐦᒑᐦᑲᐧ, ᐃᐢᐱᒥᕽ ᓱᐦᑭ ᑭ ᐃᑖᐱᐤ, ᐁᑯᓯ ᑭ ᐋᐧᐸᐦᑕᒼ ᑭᓭᒪᓂᑐᐋᐧ ᐅ ᑭᐢᑌᔨᑖᑯᓯᐃᐧᓂᔨᐤ, ᒥᓇ ᒋᓴᓴ ᐁ ᓂᐸᐃᐧᔨᐟ ᐅ ᑭᐦᒋᓂᐢᑭᔨᕽ ᑭᓭᒪᓂᑐᐊᐧ, ᑭ ᐃᑌᐧᐤ ᒫᑲ, 56ᒋᐢᐟ, ᓂ ᐋᐧᐸᐦᑌᐣ ᑭᐦᒋ ᑭᓯᐠ ᐁ ᔪᑌᓂᑳᑌᐠ, ᒥᓇ ᐃᔨᓂᐃᐧᑯᓯᓵᐣ ᐁ ᓂᐸᐃᐧᐟ ᑭᓭᒪᓂᑐᐊᐧ ᐅ ᑭᐦᒋᓂᐢᑭᔨᕽ. 57ᒫᑲ ᑭ ᒥᐢᑕᐦᐃ ᑌᐯᐧᐊᐧᐠ, ᒥᓇ ᐁ ᑭ ᑭᐱᑕᐊᐧᑫᓂᓱᒋᐠ ᐁᑯᓯ ᐁ ᑭ ᒫᒪᐃᐧ ᒧᐢᑭᐢᑕᐋᐧᒋᐠ; 58ᑭ ᐊᐧᔭᐃᐧᐁᐧᐱᓀᐊᐧᐠ ᒫᑲ ᐅᑌᓈᕽ ᐅᐦᒋ, ᐁᑯᓯ ᐁ ᑭ ᐱᒫᐧᐱᐢᑲᐋᒋᐠ: ᐊᓂᑭ ᒫᑲ ᐅᑖᒋᒧᐊᐧᐠ ᑭ ᐊᐢᑖᐊᐧᐠ ᐅᐢᑯᑖᑳᐋᐧᐊᐧ ᐅᓯᑎᔨᕽ ᐅᐢᑭᓂᑭᐊᐧ ᓵᓬ ᐁ ᐃᓯᔨᐦᑳᓱᔨᐟ. 59ᑭ ᐱᒫᐧᐱᐢᑲᐁᐊᐧᐠ ᒫᑲ ᐃᐢᑎᐱᓇ, ᐁ ᒪᐃᐧᒧᐢᑕᐋᐧᔨᐟ ᑳ ᑎᐯᔨᐦᒋᑫᔨᐟ, ᐁ ᐃᑌᐧᔨᐟ, ᑌᐯᔨᐦᒋᑫᔭᐣ ᒋᓴᐢ, ᐅᑎᐣ ᓂᐟ ᐊᐦᒑᕽ. 60ᑭ ᐅᒋᐦᒋᑲᐧᓇᐱᐤ ᒫᑲ, ᒥᓇ ᑭ ᐃᓯ ᒪᐃᐧᒧᐢᒋᑫᐤ ᐁ ᑭᓯᐁᐧᐟ, ᑌᐯᔨᐦᒋᑫᔭᐣ, ᐁᑳᐃᐧᔭ ᐅᒪ ᒪᒋᐃᑎᐃᐧᐣ ᐅᑭᑕᒪᐃᐧᐠ. ᐃᐢᐱ ᒫᑲ ᐅᒪ ᑳ ᐃᑌᐧᐟ, ᑭ ᑲᐃᐧᑲᐧᓯᐤ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 7: KKMs

Highlight

Copy