ᐃᓯᐦᒋᑫᐃᐧᓂᐋᐧᐊᐧ 8

1ᓵᓬ ᒫᑲ ᑭ ᓇᐢᑯᒧ ᐁ ᓂᐸᐃᒥᐦᐟ.

ᑭ ᐸᓯᑯᒪᑲᐣ ᒫᑲ ᐁᐊᐧᑳᐧᓂᒪ ᐁ ᑭᓯᑳᐠ ᐁ ᑭᐦᒋ ᑯᑕᑭᐦᐃᐦᒋᐠ ᐅᑕᔭᒥᐦᐋᐊᐧᐠ ᒉᕒᐅᓴᓬᐊᒥᕽ ᑳ ᐊᔮᒋᐠ; ᐁᑯᓯ ᒫᑲ ᑲᐦᑭᔭᐤ ᑭ ᓯᓭᐧᔮᒧᑳᑖᐊᐧᐠ ᒥᓯᐁᐧ ᒍᑎᔭᐃᕽ ᒥᓇ ᓴᒣᕒᐃᔭᐃᕽ, ᐱᑯ ᐊᐹᐢᑎᓬᐊᐠ ᓇᒪᐃᐧᔭ. 2ᐁ ᐊᔭᒥᐦᐋᐋᐧᑎᓯᒋᐠ ᒫᑲ ᐊᔨᓯᔨᓂᐊᐧᐠ ᑭ ᓇᐦᐃᓀᐊᐧᐠ ᐃᐢᑎᐱᓇ, ᒥᓇ ᒥᐢᑕᐦᐃ ᑭ ᒪᐃᐧᑳᑌᐊᐧᐠ. 3#ᐃᓯᐦᒋᑫᐃᐧᓂᐋᐧᐊᐧ 22:4,5; 26:9-11ᒫᑲ ᓵᓬ ᑭ ᑭᑎᒪᐁᐤ ᐅᑕᔭᒥᐦᐋᐊᐧ, ᐁ ᐱᐦᑐᑫᐟ ᑲᐦᑭᔭᐤ ᐋᐧᐢᑳᐦᐃᑲᓇ, ᐁ ᐅᑎᑎᓈᐟ ᓈᐯᐊᐧ ᒥᓇ ᐃᐢᑫᐧᐊᐧ ᑭᐸᐦᐅᑐᐃᐧᑲᒥᑯᕽ ᐁ ᐃᓯᐁᐧᐱᓈᐟ.

4ᐊᓂᑭ ᒫᑲ ᑳ ᓯᓭᐧᔮᒧᑳᑎᒋᐠ ᑭ ᐸᐹ ᐃᐧᐦᑕᒫᑫᐊᐧ ᐃᑌᐧᐃᐧᐣ. 5ᐱᓬᐃᑊ ᒫᑲ ᑭ ᐃᑐᐦᑌᐤ ᐅᑌᓈᕽ, ᓴᒣᕒᐃᔭᐃᕽ, ᐁᑯᓯ ᑭ ᐊᐧᐃᐧᑕᒪᐁᐧᐤ ᐁᑯᑕ ᙭ᐊ ᐁ ᐋᒋᒫᐟ. 6ᐁ ᒫᒪᐁᐧᔭᑎᒋᐠ ᒫᑲ ᐊᔨᓯᔨᓂᐊᐧᐠ ᑭ ᐯᔭᑯᑖᐊᐧᐠ ᐁ ᐃᓯ ᓇᑐᐦᑕᐦᑭᐠ ᐊᓂᐦᐃ ᑳ ᐃᐧᐦᑕᒫᑫᔨᐟ ᐱᓬᐃᐸ, ᐃᐢᐱ ᐱᔦᐦᑕᐦᑭᐠ, ᒥᓇ ᐁ ᐋᐧᐸᐦᑕᐦᑭᐠ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ ᑳ ᐃᑐᑕᒥᔨᐟ. 7ᒋᑫᒫ ᒥᐦᒉᐟ ᐊᓂᑭ ᑳ ᐊᔮᐋᐧᒋᐠ ᐁᑳ ᐁ ᐯᑭᓯᔨᐟ ᐊᐦᒑᐦᑲᐧ, ᑭ ᓇᑲᑎᑲᐧᐠ ᐁ ᑌᐯᐧᔨᐟ ᐁ ᑭᓯᐁᐧᔨᐟ: ᒥᓇ ᒥᐦᒉᐟ ᑳ ᓇᓇᒫᐢᐱᓀᒋᐠ, ᒥᓇ ᐁᑳ ᑳ ᑭ ᐱᒧᐦᑌᒋᐠ ᑭ ᐃᔨᓂᑲᐋᐊᐧᐠ. 8ᒥᐢᑕᐦᐃ ᒫᑲ ᒥᔭᐋᐧᑕᒧᐃᐧᐣ ᑭ ᐊᔮᐤ ᐁᐊᐧᑳᐧᓂᒪ ᐅᑌᓈᕽ.

9ᒫᑲ ᑭ ᐃᑖᐤ ᐯᔭᐠ ᓈᐯᐤ, ᓵᐃᒪᐣ ᐁ ᐃᓯᔨᐦᑳᓱᐟ, ᑲᔭᑌ ᐁᑯᑕ ᐅᑌᓈᕽ ᐁ ᑭ ᐋᐸᒋᐦᑖᐟ ᒥᑌᐃᐧᐃᐧᐣ, ᐁᑯᓯ ᐁ ᑭ ᒫᒪᐢᑳᑌᔨᑕᒥᐋᐟ ᐊᔨᓯᔨᓂᐊᐧ ᓴᒣᕒᐃᔭᐃᕽ, ᐁ ᑭᐦᒑᔨᐃᐟ ᐁ ᐃᑖᐧᓱᐟ: 10ᐁᐊᐧᑲᐧᓂ ᑲᐦᑭᔭᐤ ᑭ ᓇᑐᑕᐁᐧᐊᐧᐠ, ᑳ ᐊᐱᐢᑌᔨᑖᑯᓯᐟ ᒥᓇ ᑳ ᑭᐢᑌᔨᑖᑯᓯᐟ, ᐁ ᐃᑌᐧᒋᐠ, ᐊᐊᐧ ᓈᐯᐤ ᐁᐊᐧᑳᐧᓂᒪ ᐅ ᒪᐢᑲᐃᐧᓯᐃᐧᐣ ᑭᓭᒪᓂᑐ ᑭᐦᒑᔨᐊᐧᐣ ᑳ ᐃᓯᔨᐦᑳᑎᐠ. 11ᐁᑯᓯ ᑭ ᓇᑐᑕᐁᐧᐊᐧᐠ ᒋᑫᒫ ᑭᓀᐧᐢ ᑭ ᒫᒪᐢᑳᑌᔨᑕᒥᐃᑲᐧᐠ ᐅ ᒥᑌᐃᐧᐃᐧᓂᔨᐤ ᐅᐦᒋ. 12ᒫᑲ ᐃᐢᐱ ᑎᔮᐯᐧᑕᐋᐧᒋᐠ ᐱᓬᐃᐸ ᐁ ᐃᐧᐦᑕᒥᔨᐟ ᒥᔮᐧᒋᒧᐃᐧᐣ ᐅᐟ ᐅᑌᓇᐃᐧᐃᐧᐣ ᐅᐦᒋ ᑭᓭᒪᓂᑐ ᒥᓇ ᐅ ᐃᐧᔪᐃᐧᓂᔨᐤ ᒋᓴᐢ ᙭, ᑭ ᐹᑊᑖᐃᓯᐃᐧᐋᐊᐧᐠ ᓈᐯᐊᐧᐠ ᒥᓇ ᐃᐢᑫᐧᐊᐧᐠ. 13ᓵᐃᒪᐣ ᒫᑲ ᐃᐧᐢᑕ ᑭ ᑖᐯᐧᑕᒼ: ᐁᑯᓯ ᐁ ᑭ ᐹᑊᑕᐃᓯᐃᐧᐦᐃᐦᐟ, ᑭ ᐃᐧᒉᐁᐧᐤ ᐱᓬᐃᐸ; ᐁ ᐋᐧᐸᐦᑕᒫᐧᐟ ᒫᑲ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ ᒥᓇ ᑭᐦᒋ ᒪᒫᑖᐃᐧ ᐃᓯᐦᒋᑫᐃᐧᓇ ᑳ ᐃᑐᑕᒥᔨᐟ, ᑭ ᒫᒪᐢᑳᑕᒼ.

14ᐃᐢᐱ ᒫᑲ ᐊᐸᐢᑎᓬᐊᐠ ᒉᕒᐅᓴᓬᐊᒥᕽ ᑳ ᐊᔮᒋᐠ ᐱᔦᐦᑕᐦᑭᐠ ᓴᒣᕒᐃᔭᐃᕽ ᐁ ᑭ ᐅᑎᓇᒥᔨᐟ ᑭᓭᒪᓂᑐ ᐅᐟ ᐊᔭᒥᐃᐧᐣ, ᑭ ᐃᓯᑎᓴᐦᐊᒪᐁᐧᐊᐧᐠ ᐱᑕᕒᐊ ᒥᓇ ᒑᓇ: 15ᐁᐊᐧᑯᓂᐠ, ᐃᐢᐱ ᑌᑯᓯᑭᐠ, ᑭ ᐊᔭᒥᐦᐁᐢᑕᒪᐁᐧᐊᐧᐠ, ᑭᑕ ᑭ ᒥᔨᑯᐃᐧᓯᔨᐟ ᑳ ᑲᓈᑎᓯᔨᐟ ᐊᐦᒑᐦᑲᐧ: 16ᒋᑫᒫ ᓇᒣᐢᑲᐧ ᐊᐃᐧᔭᐠ ᐁᑯᑕ ᐅᑎᐦᑎᐠ: ᐱᑯ ᑭ ᐹᑊᑖᐃᓯᐃᐧᐋᐊᐧᐠ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ ᒋᓴᓴ. 17ᐁᑲᐧ ᒫᑲ ᑭ ᓴᓵᒥᓀᐊᐧᐟ, ᐁᑯᓯ ᑭ ᒥᔨᑯᐃᐧᓯᐊᐧᐠ ᑳ ᑲᓈᑎᓯᔨᐟ ᐊᐦᒑᐦᑲᐧ. 18ᐃᐢᐱ ᒫᑲ ᓵᐃᒪᐣ ᐃᐧᔮᐸᐦᑕᕽ ᐁ ᓵᒥᓂᐁᐧᔨᐟ ᐊᐹᐢᑎᓬᐊ ᐁᑯᑕ ᐅᐦᒋ ᑳ ᑲᓈᑎᓯᔨᐟ ᐊᐦᒑᐦᑲᐧ ᐁ ᒥᔨᑯᐃᐧᓯᐃᐧᐦᐟ, ᑭ ᐊᓱᑕᒪᐁᐧᐤ ᓱᓂᔮᐊᐧ, 19ᐁ ᐃᑌᐧᐟ, ᒥᔨᐠ ᓂᐢᑕ ᐅᒪ ᑲᐢᑭᐦᐁᐃᐧᓯᐃᐧᐣ, ᐊᐃᐧᔭᐠ ᓴᓵᒥᓇᑭ, ᑭᑕ ᒥᔨᑯᐃᐧᓯᐟ ᑳ ᑲᓈᑎᓯᔨᐟ ᐊᐦᒑᐦᑲᐧ. 20ᒫᑲ ᐱᑕᕒ ᑭ ᐃᑌᐤ, ᑭ ᓱᓂᔮᒼ ᑭ ᑲ ᐃᐧ ᑭᑭ ᓂᓯᐊᐧᓈᑎᓯᐣ ᒋᑫᒫ ᐁ ᑭ ᐃᑌᔨᑕᒪᐣ ᐅ ᒣᑭᐃᐧᐣ ᑭᓭᒪᓂᑐ ᑭᑕ ᑭ ᐊᑖᐁᐧᕽ ᓱᓂᔮᐤ ᐅᐦᒋ. 21ᓇᒪᐋᐧᐨ ᑫᑲᐧᐩ ᑭ ᐃᐧᒋᐃᐋᐧᐣ ᐊᐦᐳ ᑭᐟ ᐊᓯᑕᑭᐦᒋᑳᓱᐣ ᐅᒪ ᐃᓯᐦᒋᑫᐃᐧᐣ: ᒋᑫᒫ ᓇᒪᐃᐧᔭ ᑲᐧᔭᐢᑲᐧᐣ ᑭᑌᐦ ᐁ ᐃᓯ ᐋᐧᐸᐦᑕᕽ ᑭᓭᒪᓂᑐ. 22ᒥᐦᑖᑕ ᒫᑲ ᐅᒪ ᑭ ᒪᒋᐃᑎᐃᐧᐣ, ᒥᓇ ᐊᔭᒥᐦᐁᐢᑕᐤ ᑳ ᑎᐯᔨᐦᒋᑫᐟ, ᒫᐢᑯᐨ ᒥᑐᓀᔨᒋᑲᓇ ᑭᑌᐃᕽ ᑭᑕ ᐳᓀᔨᑕᒫᑲᐃᐧᔭᐣ. 23ᒋᑫᒫ ᓂ ᐋᐧᐸᑌᐣ ᐁ ᐃᐧᓴᑭ ᒪᒑᔨᐃᐧᔭᐣ ᒥᓇ ᐁ ᒪᒫᒋᑲᐧᐱᑎᑯᔭᐣ ᒪᒋᐃᑎᐃᐧᐣ. 24ᓵᐃᒪᐣ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑌᐧᐟ, ᐊᔭᒥᐦᐁᐢᑕᐤ ᑳ ᑎᐯᔨᐦᒋᑫᐟ ᓂᔭ ᐅᐦᒋ, ᐁᑳ ᑫᑲᐧᐩ ᐊᓂᐦᐃ ᑳ ᑭ ᐃᑌᐧᔭᐣ ᑭᑕ ᐅᑎᐦᑎᑯᔮᐣ.

25ᐃᐧᔭᐋᐧᐤ ᒫᑲ, ᐃᐢᐱ ᑳ ᐋᑐᑕᑭᐠ ᒥᓇ ᑳ ᐃᐧᐦᑕᐦᑭᐠ ᑳ ᑎᐯᔨᐦᒋᑫᐟ ᐅᐟ ᐊᔭᒥᐃᐧᐣ, ᑭ ᑭᐁᐧᐊᐧᐠ ᒉᕒᐅᓴᓬᐊᒥᕽ, ᒥᓇ ᑭ ᐊᑎ ᐃᐧᐦᑕᒪᐁᐧᐊᐧᐠ ᒥᔮᐧᒋᒧᐃᐧᐣ ᒥᐦᒉᐟ ᐅ ᑭᐢᑕᐱᓈᓂᔨᕽ ᓴᒫᕒᐃᑖᓇ.

26ᒫᑲ ᐅ ᑭᓯᑯᒪ ᑳ ᑎᐯᔨᐦᒋᑫᐟ ᑭ ᑭᑐᑎᐠ ᐱᓬᐃᑊ, ᐁ ᐃᑎᑯᐟ, ᐸᓯᑯ, ᐃᑐᐦᑌ ᒫᑲ ᐋᐧᐸᓄᑖᕽ ᐊᓂᑕ ᒣᐢᑲᓈᕽ ᒉᕒᐅᓴᓬᐊᒥᕽ ᑳ ᐅᐦᑕᒧᐠ ᑫᓴᐃᕽ ᐃᓯ: ᐊᓂᒪ ᑳ ᐱᑲᐧᑕᐢᑭᐊᐧᕽ. 27ᐁᑯᓯ ᑭ ᐸᓯᑯ ᒥᓇ ᑭ ᓯᐯᐧᑌᐤ: ᐳᑎ ᒫᑲ, ᐊᔨᓯᔨᓂᐤ ᐃᑎᔮᐱᔭ ᐅᐦᒋ, ᔪᓇᐠ ᑐᐃᐧᑳᐣ ᓈᐢᐱᐨ ᐁ ᑭᐢᑕᑭᒥᑯᐟ ᑳᐣᑌᓯ, ᐅ ᑭᐦᒋ ᐅᑭᒫᐢᑫᐧᒥᐋᐧᐊᐧ ᐃᑎᔮᐱᔮᓇᐠ, ᐊᓂᐦᐃ ᑳ ᑲᓇᐁᐧᔨᑕᒫᑯᐟ ᑲᐦᑭᔭᐤ ᐅ ᐁᐧᔪᑎᓯᐃᐧᓇ, ᐁ ᑭ ᐯ ᐃᑐᐦᑌᐟ ᒉᕒᐅᓴᓬᐊᒥᕽ ᑭᑕ ᐊᔭᒥᐦᐋᐟ; 28ᐱᒥ ᑭᐁᐧᐤ ᐁ ᐊᐱᐟ ᒫᑲ ᐅ ᑎᐦᑎᐱᑖᐹᓈᐢᑯᕽ ᐁᑯᓯ ᐁ ᐊᔭᒥᑖᐟ ᐊᐩᓵᔭ ᐅ ᑭᐢᑭᐁᐧᐦᐃᑫᐃᐧᐣ.

29ᐁᑯᓯ ᐊᐦᒑᐦᑲᐧ ᑭ ᐃᑎᐠ ᐱᓬᐃᑊ, ᑭᓯᐋᐧᐠ ᐃᑐᐦᑌ, ᐊᑎ ᐃᐧᒉᐤ ᐊᐊᐧ ᑎᐦᑎᐱᑖᐹᓈᐢᐠ. 30ᐱᓬᐃᑊ ᒫᑲ ᑭ ᒧᐢᑭᐢᑕᐁᐧᐤ, ᐁᑯᓯ ᐯᑕᐁᐧᐤ ᐁ ᐊᔭᒥᑖᔨᐟ ᐊᐩᓵᔭᐊᐧ ᐅ ᑭᐢᑭᐁᐧᐦᐃᑫᐃᐧᐣ, ᑭ ᐃᑌᐤ ᒫᑲ, ᑭ ᓂᓯᑐᑌᐣ ᒋ ᑳ ᐊᔭᒥᑖᔭᐣ? 31ᑭ ᐃᑌᐧᐤ ᒫᑲ, ᑖᓂᓯ ᑫ ᑭ ᐃᓯ ᓂᓯᑐᐦᑕᒫᐣ, ᑭᐢᐱᐣ ᐁᑳ ᐊᐃᐧᔭᐠ ᑭᐢᑭᓄᐦᐊᒫᐃᐧᒋ? ᑭ ᓇᑕᐁᐧᔨᒣᐤ ᒫᑲ ᐱᓬᐃᐸ ᑭᑕ ᐯ ᐃᐧᑕᐱᒥᑯᐟ. 32#ᐊᐩᓵᔭ 53:7,8ᐃᑕ ᒫᑲ ᑳ ᐊᔭᒥᑖᐟ ᑭᐦᒋ ᒪᓯᓇᐦᐃᑲᓂᕽ ᐁᐊᐧᑫᐧᔨᐤ ᐅᒪ,

ᑭ ᐃᑐᑕᐋᐤ ᑖᐱᐢᑯᐨ ᒫᔭᑎᕽ ᐁ ᐃᐧ ᓂᐸᐃᐦᐟ; ᒥᓇ ᑖᐱᐢᑯᐨ ᒫᔭᑎᐦᑯᓯᐢ ᐁᑳ ᑳ ᓂᑖᐁᐧᐟ ᐁ ᐅᑎᐢᑳᐃᐧᑳᐸᐃᐧᐢᑕᐋᐧᐟ ᐊᓂᐦᐃ ᑳ ᐸᐢᑯᓱᑯᐟ, ᐁᑯᓯ ᐃᓯ ᓇᒪᐃᐧᔭ ᐹᐢᑭᑐᓀᔨᐤ:

33ᐅ ᑕᐸᑌᔨᑖᑯᓯᐃᐧᓂᕽ ᐅᔭᓱᐋᐧᑎᑯᐃᐧᐣ ᑭ ᐅᑎᓇᒫᐧᐣ: ᐊᐁᐧᓇ ᒫᑲ ᑫ ᑭ ᐃᐧᐦᑕᒫᐧᐟ ᐁ ᐊᔮᓂᐢᑫ ᐱᒫᑎᓯᔨᐟ? ᒋᑫᒫ ᐅ ᐱᒫᑎᓯᐃᐧᐣ ᑭ ᐅᑎᓇᒫᐧᐣ ᐊᐢᑭᕽ ᐅᐦᒋ.

34ᐊᓇ ᔪᓇᐠ ᒫᑲ ᑭ ᓇᐢᑫᐧᐊᐧᓯᒣᐤ ᐱᓬᐃᐸ ᒥᓇ ᑭ ᐃᑌᐤ, ᑭ ᐸᑯᓭᔨᒥᑎᐣ, ᐊᐁᐧᓂᐦᐃ ᐅᒪ ᐅᑭᐢᑭᐁᐧᐦᐃᑫᐤ ᑳ ᐃᑖᐟ? ᐃᐧᔭ ᒋ, ᐊᐦᐳ ᒋ ᑯᑕᑲ ᐊᐃᐧᔭ?

35ᐁᑲᐧ ᒫᑲ ᐱᓬᐃᑊ ᐁ ᐱᑭᐢᑫᐧᐟ, ᐅᒪ ᑭᐦᒋ ᒪᓯᓇᐦᐃᑫᐃᐧᐣ ᐁ ᒫᒋ ᐅᑎᓇᕽ, ᑭ ᐃᐧᐦᑕᒪᐁᐧᐤ ᒋᓴᓴ ᐅᐦᒋ. 36ᐁ ᐊᑎ ᐱᒥᐸᔨᒋᐠ ᒫᑲ ᑭ ᐅᑎᑕᒪᐧᐠ ᓂᐱ; ᐁᑯᓯ ᐊᓇ ᔪᓇᐠ ᑭ ᐃᑌᐧᐤ, ᒋᐢᐟ, ᐅᒪ ᐃᑕ ᓂᐱ; ᑫᑲᐧᐩ ᐁᐧᑕᒥᐃᑯᔮᐣ ᑭᑕ ᐹᑊᑖᐃᓯᐃᐧᐃᑲᐃᐧᔮᐣ? 37ᐱᓬᐃᑊ ᒫᑲ ᑭ ᐃᑌᐤ, ᑭᐢᐱᐣ ᑎᔮᐯᐧᑕᒧᐊᐧᓂ ᒥᓯᐁᐧ ᑭᑌᐃᕽ, ᑭ ᑲ ᐹᑊᑖᐃᓯᐃᐧᐃᑲᐃᐧᐣ. ᑭ ᓇᐢᑫᐧᐊᐧᓯᒥᐠ ᒫᑲ ᐅᒥᓯ ᐁ ᑭ ᐃᑎᑯᐟ, ᓂ ᑖᐯᐧᑌᐣ ᒋᓴᐢ ᙭ ᐁᐊᐧᑯ ᑭᓭᒪᓂᑐ ᐅᑯᓯᓴ. 38ᑭ ᐃᑕᓱᐁᐧᐤ ᒫᑲ ᑭᑕ ᑭᐱᒋᐸᔨᔨᐟ ᑎᑎᐱᑖᐹᓈᐢᑲᐧ: ᑖᐱᐢᑯᐨ ᒫᑲ ᑭ ᐸᑯᐯᐊᐧᐠ, ᐱᓬᐃᑊ ᒥᓇ ᐊᓇ ᔪᓇᐠ; ᐁᑯᓯ ᑭ ᐹᑊᑖᐃᓯᐃᐧᐁᐤ. 39ᐃᐢᐱ ᒫᑲ ᓂᐱᕽ ᑳ ᐯ ᐅᐦᒋ ᑲᐹᒋᐠ, ᐅᐟ ᐊᐦᒑᐦᑲᐧ ᑳ ᑎᐯᔨᐦᒋᑫᔨᐟ ᑭ ᐅᑎᓂᐠ ᐱᓬᐃᑊ, ᐁᑯᓯ ᐊᓇ ᔪᓇᐠ ᓇᒪᐃᐧᔭ ᒥᓇ ᐋᐧᐸᒣᐤ, ᑭ ᐊᑎ ᓯᐯᐧᑌᐤ ᒫᑲ ᐁ ᒥᔭᐋᐧᑕᕽ. 40ᒫᑲ ᐱᓬᐃᑊ ᑭ ᒥᐢᑲᐋᐧᐤ ᐊᓱᑕᓯᕽ: ᐁᑯᓯ ᐁ ᐊᑎ ᓵᐳ ᐱᒧᐦᑌᐟ ᑭ ᐋᐧᐃᐧᑕᒪᐁᐧᐤ ᒥᔮᐧᒋᒧᐃᐧᐣ ᑲᐦᑭᔭᐤ ᐅᑌᓈᕽ, ᐱᔨᐢ ᓯᓴᕒᐃᔭᐃᕽ ᐁ ᑕᑯᓯᕽ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 8: KKMs

Highlight

Copy