ᐃᓯᐦᒋᑫᐃᐧᓂᐋᐧᐊᐧ 9

1ᒫᑲ ᓵᓬ, ᑫᔮᐱᐨ ᐁ ᔭᑲᑖᒧᑐᑕᐋᐧᐟ ᐊᓱᒥᐁᐧᐃᐧᐣ ᒥᓇ ᓂᐸᑖᑫᐃᐧᐣ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ ᑳ ᑎᐯᔨᐦᒋᑫᔨᐟ, ᑭ ᓇᑕᐋᐧᐸᒣᐤ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ, 2ᐁᑯᓯ ᑭ ᓇᑐᑕᒪᐁᐧᐤ ᒪᓯᓇᐦᐊᒫᑫᐃᐧᓇ ᑕᒫᐢᑲᐢᐃᕽ ᐊᔭᒥᐦᐁᐃᐧᑲᒥᑲᐧ ᐁᑯᑕ, ᑭᐢᐱᐣ ᐊᐃᐧᔭ ᒥᐢᑲᐋᐧᐟ ᐁᑯᑐᐊᐧ ᓈᐯᐊᐧ ᐊᐦᐳ ᐃᐢᑫᐧᐊᐧ, ᑭᑕ ᑭ ᐯᓯᐋᐧᐟ ᐁ ᒪᒫᒋᑲᐧᐱᓱᔨᐟ ᒉᕒᐅᓴᓬᐊᒥᕽ. 3ᐁ ᐊᑎ ᐱᒧᐦᑌᐟ ᒫᑲ, ᑭ ᐊᔨᑭᐣ ᑭᓯᐋᐧᐠ ᑭ ᐊᑎ ᐊᔮᐤ ᑕᒫᐢᑲᐢᐃᕽ: ᐁᑯᓯ ᓯᓯᑯᐨ ᑭ ᐋᐧᐢᑳᐢᑳᐠ ᐁ ᐋᐧᐢᑌᐸᔨᐠ ᑭᓯᑯᕽ ᐅᐦᒋ: 4ᑭ ᐸᐦᑭᓯᐣ ᒫᑲ ᒧᒋᕽ, ᐁᑯᓯ ᑭ ᐯᑕᒼ ᐃᑌᐧᐃᐧᐣ ᐁ ᐃᑎᑯᐟ, ᓵᓬ, ᓵᓬ, ᑖᓀᑭ ᑳ ᒫᔨᑐᑕᐃᐧᔭᐣ? 5ᑭ ᐃᑌᐧᐤ ᒫᑲ, ᐊᐁᐧᓇ ᑭᔭ, ᑌᐯᔨᐦᒋᑫᔭᐣ? ᐁᑯᓯ ᑭ ᐃᑎᐠ, ᓂᔭ ᐅᒪ ᒋᓴᐢ ᑳ ᒫᔨᑐᑕᐊᐧᐟ: 6ᒫᑲ ᐊᐧᓂᐢᑳ, ᒥᓇ ᐱᐦᑐᑫ ᐅᑌᓈᕽ, ᐁᑯᓯ ᑭ ᑲ ᐃᐧᐦᑕᒫᑲᐃᐧᐣ ᑫ ᐃᑐᑕᒪᐣ. 7ᐊᓂᐦᐃ ᓈᐯᐊᐧ ᒫᑲ ᑳ ᐃᐧᒉᐃᐧᑯᐟ ᑭ ᓂᐸᐃᐧᔨᐊᐧ ᐁᑳ ᐁ ᑭᑐᔨᐟ, ᐁ ᐯᐦᑕᐦᑭᐠ ᐃᑌᐧᐃᐧᐣ ᒫᑲ ᐁᑳ ᐊᐃᐧᔭ ᐁ ᐋᐧᐸᒫᒋᐠ. 8ᓵᓬ ᒫᑲ ᒧᒋᕽ ᑭ ᐅᐦᒋ ᐊᐧᓂᐢᑳᐤ; ᐃᐢᐱ ᒫᑲ ᐁ ᑐᑳᐱᐟ, ᓇᒪ ᑫᑲᐧᐩ ᐋᐧᐸᐦᑕᒼ; ᒫᑲ ᑭ ᓴᑭᓂᐢᑫᑕᐁᐊᐧᐠ, ᐁᑯᓯ ᑭ ᐃᑐᐦᑕᐦᐁᐊᐧᐠ ᑕᒫᐢᑲᐢᐃᕽ. 9ᓂᐢᑐ ᑭᓯᑳᐊᐧ ᒫᑲ ᓇᒪᐃᐧᔭ ᐋᐧᐸᐦᑕᒼ, ᐁᑯᓯ ᓇᒪᐃᐧᔭ ᒥᒋᓱ ᒥᓇ ᓇᒪᐃᐧᔭ ᒥᓂᑫᐧᐤ.

10ᐁᑯᑕ ᒫᑲ ᑭ ᐊᔮᐤ ᐯᔭᐠ ᑭᐢᑭᓄᐦᐊᒪᐋᐧᑲᐣ ᑕᒫᐢᑲᐢᐃᕽ, ᐋᓇᓈᔭᐢ ᐁ ᐃᓯᔨᐦᑳᓱᐟ; ᐁᑯᓯ ᑳ ᑎᐯᔨᐦᒋᑫᔨᐟ ᑭ ᐃᑎᐠ ᐃᓯᓇᒧᐃᐧᓂᕽ, ᐋᓇᓈᔭᐢ. ᑭ ᐃᑌᐧᐤ ᒫᑲ, ᐅᑕ ᓂᐟ ᐊᔮᐣ ᑌᐯᔨᐦᒋᑫᔭᐣ. 11ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᐊᐧᓂᐢᑳ, ᐃᑐᐦᑌ ᒫᑲ ᐊᓂᑕ ᐱᒧᐦᑌᐢᑲᓇᐤ ᑲᐧᔭᐢᑳᐧᐣ ᑳ ᐃᓯᔨᐦᑳᑌᐠ, ᐁᑯᓯ ᐅ ᐋᐧᐢᑳᐦᐃᑲᓂᕽ ᒍᑕᐢ ᓇᑐᐢᑲᐤ ᐯᔭᐠ ᓵᓬ ᑳ ᐃᓯᔨᐦᑳᓱᐟ ᒋᑫᒫ ᒫᑎᑲ, ᐊᔭᒥᐦᐋᐤ; 12ᒥᓇ ᑭ ᐋᐧᐸᒣᐤ ᓈᐯᐊᐧ ᐋᓇᓈᔭᐢ ᐁ ᐃᓯᔨᐦᑳᓱᔨᐟ ᐁ ᐯ ᐱᐦᑐᑫᔨᐟ, ᒥᓇ ᐁ ᓵᒥᓂᑯᐟ, ᑳᐃᐧ ᑭᑕ ᐋᐧᐸᐦᑕᕽ. 13ᒫᑲ ᐋᓇᓈᔭᐢ ᑭ ᓇᐢᑫᐧᐊᐧᓯᒣᐤ, ᑌᐯᔨᐦᒋᑫᔭᐣ, ᒥᐦᒉᐟ ᓂ ᑭ ᐋᒋᒧᐢᑖᑲᐧᐠ ᐅᐦᐃ ᓈᐯᐊᐧ ᐅᐦᒋ, ᑖᓂᔨᑯᕽ ᐁ ᑭ ᒫᔨᑐᑕᐋᐧᐟ ᑭ ᑲᓈᑎᓯᒪ ᒉᕒᐅᓴᓬᐊᒥᕽ: 14ᒥᓇ ᐅᑕ ᑭ ᒥᔨᐠ ᑲᐢᑭᐦᐁᐃᐧᓯᐃᐧᐣ ᑭᐦᒋ ᐊᔭᒥᐦᐁᐃᐧᔨᓂᐊᐧ ᑭᑕ ᒪᒫᒋᑲᐧᐱᑖᐟ ᑲᐦᑭᔭᐤ ᑳ ᑳᑭᓯᒧᑐᑕᐦᑭᐠ ᑭ ᐃᐧᔪᐃᐧᐣ. 15ᒫᑲ ᑳ ᑎᐯᔨᐦᒋᑫᔨᐟ ᑭ ᐃᑎᐠ, ᓂᔮ ᐃᑐᐦᑌ: ᒋᑫᒫ ᓂ ᑭ ᓇᐊᐧᓱᓈᐤ ᐁᐊᐧᑯ ᑭᑕ ᐅᐟ ᐋᐸᒋᒋᑲᓂᔮᐣ, ᑭᑕ ᐱᒧᑕᑖᐟ ᓂ ᐃᐧᔪᐃᐧᐣ ᐁ ᐅᑎᐢᑲᐃᐧᐢᑲᐋᐧᐟ ᒉᐣᑖᐃᓬᐊ ᒥᓇ ᑭᐦᒋ ᐅᑭᒫᐊᐧ, ᒥᓇ ᐃᐢᕒᐁᐃᓬ ᐅᐟ ᐊᐋᐧᓯᒥᓴ: 16ᒋᑫᒫ ᓂ ᑲ ᐋᐧᐸᐦᑕᐋᐤ ᑖᓂᔨᑯᕽ ᒥᐦᒉᐟ ᑫᑲᐧᔭ ᑫ ᐃᓯ ᑯᑕᑭᑖᐟ ᓂ ᐃᐧᔪᐃᐧᐣ ᐅᐦᒋ. 17ᐋᓇᓈᔭᐢ ᒫᑲ ᑭ ᓯᐯᐧᑌᐤ, ᐁᑯᓯ ᑭ ᐱᐦᑐᑫᐤ ᐋᐧᐢᑳᐦᐃᑲᓂᕽ; ᐁ ᓵᒥᓈᐟ ᒫᑲ ᑭ ᐃᑌᐤ, ᓂᒋᐋᐧ ᓵᓬ, ᑳ ᑎᐯᔨᐦᒋᑫᐟ, ᒋᓴᐢ ᐅᑎ, ᑳ ᑭ ᓄᑯᐦᐃᓱᐢᑖᐢᐠ ᒣᐢᑲᓈᕽ ᒣᑳᐧᐨ ᐁ ᐯ ᐃᑐᑌᔭᐣ, ᓂ ᑭ ᐃᓯᑎᓴᐦᐅᐠ, ᑳᐃᐧ ᒥᓇ ᑭᑕ ᐋᐧᐸᐦᑕᒪᐣ, ᒥᓇ ᑭᑕ ᒧᐢᑭᓀᐢᑳᐢᐠ ᑳ ᑲᓈᑎᓯᐟ ᐊᐦᒑᕽ. 18ᓭᒫᐠ ᒫᑲ ᐅᐢᑭᓯᑯᕽ ᑭ ᐅᐦᒋ ᐸᑭᑎᓂᔨᐊᐧ ᑖᐱᐢᑯᐨ ᐊᐧᔭᑲᔭᐠ, ᐁᑲᐧ ᒥᓇ ᑭ ᐋᐧᐸᐦᑕᒼ; ᐁᑯᓯ ᑭ ᐊᐧᓂᐢᑳᐤ ᒥᓇ ᑭ ᐹᑊᑖᐃᓯᐃᐧᐋᐤ; 19ᑭ ᒥᒋᓱ ᒫᑲ ᐁᑯᓯ ᑭ ᒪᐢᑲᐃᐧᓯᐤ.

ᓇᐦᐃ ᑕᐦᑐ ᑭᓯᑳᐊᐧ ᒫᑲ ᑭ ᐃᐧᒋ ᐊᔮᒣᐤ ᑭᐢᑭᓄᐦᐊᒪᐋᐧᑲᓇ ᑕᒫᐢᑲᓯᕽ ᑳ ᐊᔮᔨᐟ. 20ᐁᑯᓯ ᓭᒫᐠ ᐊᔭᒥᐦᐁᐃᐧᑲᒥᑯᕽ ᑭ ᐋᒋᒣᐤ ᒋᓴᓴ, ᐁ ᑭᓭᒪᓂᑐᐃᐧ ᑯᓯᓵᓂᐃᐧᔨᐟ. 21ᑲᐦᑭᔭᐤ ᒫᑲ ᑳ ᐯᑖᑯᐟ ᑭ ᒫᒪᐢᑳᑕᒥᔨᐊᐧ, ᐁ ᐃᑌᐧᔨᐟ, ᓇᒪ ᒋ ᐁᐊᐧᑯ ᐊᐊᐧ ᒉᕒᐅᓴᓬᐊᒥᕽ ᑳ ᑭ ᑲᑳᐧᐦᐃᔭᑲᐱᓇᑖᐟ ᐊᓂᐦᐃ ᑳ ᑲᑭᓯᒧᑐᑕᒥᔨᐟ ᐅᒪ ᐃᐧᔪᐃᐧᐣ? ᐁᑯᓯ ᐅᑕ ᑭ ᐯ ᐃᑐᐦᑌᐤ ᐁᐊᐧᑫᐧᔨᐤ ᐅᒪ ᐅᐦᒋ, ᑭᑕ ᐃᑐᐦᑕᐦᐋᐟ ᐁ ᒪᒫᒋᑲᐧᐱᓱᔨᐟ ᑭᑕ ᐅᑎᐢᑲᐃᐧᐢᑲᐋᐧᔨᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ. 22ᒫᑲ ᓵᓬ ᐊᑐᐢᑲᒼ ᑭ ᐊᑎ ᒪᐢᑲᐃᐧᓯᐤ, ᒥᓇ ᑭ ᐊᐧᐋᐧᓀᔨᑕᒥᒣᐤ ᐊᓂᐦᐃ ᒍᐊᐧ ᑕᒫᐢᑲᓯᕽ ᑳ ᐊᔮᔨᐟ, ᒥᑐᓂ ᐁ ᐋᐧᐸᐦᑕᐋᐟ ᐁᐊᐧᑯ ᐊᐊᐧ ᑖᐯᐧ ᙭.

23 # 2 ᑲᕒᐃᐣᑎᔭᓇ 11:32,33 ᐃᐢᐱ ᒫᑲ ᒥᐦᒉᐟ ᑭᓯᑳᐊᐧ ᑳ ᑎᐱᐸᔨᑭ, ᒍᐊᐧᐠ ᑭ ᒫᒪᐃᐧ ᐅᔭᓱᐁᐧᐊᐧᐠ ᑭᑕ ᓂᐸᐦᐋᒋᐠ: 24ᒫᑲ ᐅ ᑭᒧᒋ ᐃᓯᐦᒋᑫᐃᐧᓂᔨᐤ ᑭ ᑭᐢᑫᔨᑕᒼ ᓵᓬ. ᑭ ᐊᓴᐧᐃᑫᐊᐧᐠ ᒫᑲ ᑭᐦᒋ ᐃᐢᑳᐧᑌᒥᕽ ᐁ ᑭᓯᑳᔨᐠ ᒥᓇ ᐁ ᑎᐱᐢᑳᔨᐠ ᑭᑕ ᓂᐸᐦᐋᒋᐠ: 25ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᑭ ᐅᑎᓂᐠ ᓂᐹᑎᐱᐢᐠ, ᐁᑯᓯ ᑭ ᐸᐢᐱ ᐸᑭᑎᓂᐠ ᐃᑕ ᐁ ᐋᐧᐢᑳᐃᑳᑌᐠ, ᐁ ᐸᑭᑖᐯᑭᓂᑯᐟ ᐃᐧᑯᐱᐊᐧᑎᕽ.

26ᐃᐢᐱ ᒫᑲ ᑌᑯᓯᕽ ᒉᕒᐅᓴᓬᐊᒥᕽ, ᑭ ᐃᐧ ᐃᐧᒉᐁᐧᐤ ᑭᐢᑭᓄᐦᐊᒪᐋᐧᑲᓇ: ᒫᑲ ᑲᐦᑭᔭᐤ ᑭ ᑯᐢᑎᐠ, ᐁᑳ ᐁ ᑖᐯᐧᑕᒥᔨᐟ ᑖᐯᐧ ᐁ ᑭᐢᑭᓄᐦᐊᒪᐋᐧᑲᓂᐃᐧᐟ. 27ᒫᑲ ᐹᕒᓇᐹᓴ ᑭ ᐅᑎᓂᐠ, ᒥᓇ ᑭ ᐃᑐᑕᐃᐠ ᐃᑕ ᐁ ᐊᔮᔨᐟ ᐊᐹᐢᑎᓬᐊ, ᒥᓇ ᑭ ᐃᐧᐦᑕᒪᐁᐧᔨᐊᐧ ᑳ ᑭ ᐃᓯ ᐋᐧᐸᒫᐟ ᑳ ᑎᐯᔨᐦᒋᑫᔨᐟ ᒣᐢᑳᓈᕽ, ᒥᓇ ᐁ ᑭ ᑭᑐᑎᑯᐟ, ᐁᑯᓯ ᑕᒫᐢᑲᐢᐃᕽ ᑳ ᑭ ᐃᓯ ᓱᑫᔨᒧᐃᐧ ᑲᑫᐢᑭᒥᐁᐧᐟ ᐅ ᐃᐧᔪᐃᐧᓂᔨᕽ ᒋᓴᓴ. 28ᐁᑯᓯ ᑭ ᐃᐧᒉᐁᐧᐤ ᐁ ᐱᐦᑐᑫᒋᐠ ᒥᓇ ᐁ ᐊᐧᔭᐃᐧᒋᐠ ᒉᕒᐅᓴᓬᐊᒥᕽ, 29ᐁ ᓱᑫᔨᒧᐃᐧ ᑲᑫᐢᑭᒥᐁᐧᐟ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ: ᒥᓇ ᑭ ᑭᑐᑌᐤ ᒥᓇ ᑭ ᓇᓈᐢᑫᐧᐊᐧᓯᐁᐤ ᐊᓂᐦᐃ ᑲᕒᐃᓯᔭᓂᐃᐧ ᒍᐊᐧ; ᒫᑲ ᑭ ᓇᑐᓇᒥᔨᐊᐧ ᑭᑕ ᓂᐸᐃᑯᐟ. 30ᐃᐢᐱ ᒫᑲ ᐅᒋᐋᐧᒥᒫᐊᐧᐠ ᑫᐢᑫᔨᑕᐦᑭᐠ, ᑭ ᐃᑐᐦᑕᐦᐁᐊᐧᐠ ᓯᓴᕒᐃᔭᐃᕽ, ᒥᓇ ᑭ ᐃᓯᑎᓴᐁᐧᐊᐧᐠ ᑖᕒᓴᓯᕽ.

31ᐁᑯᓯ ᒫᑲ ᐅᑕᔭᒥᐦᐋᐊᐧᐠ ᒥᓯᐁᐧ ᒍᑎᔭᐃᕽ ᒥᓇ ᑳᓬᐊᓬᐃᕽ ᒥᓇ ᓴᒣᕒᐃᔭᐃᕽ ᑭ ᐯᔭᑕᑭ ᐊᔮᐊᐧᐠ, ᐁ ᔭᐦᑭ ᐊᔮᒋᐠ; ᒥᓇ, ᐁ ᐱᒧᐦᑌᒋᐠ ᐅ ᑯᓯᑫᐧᔨᒥᑯᐃᐧᓂᕽ ᑳ ᑎᐯᔨᐦᒋᑫᐟ ᒥᓇ ᐅ ᒥᔪᑌᐁᐃᐁᐧᐃᐧᓂᕽ ᑳ ᑲᓈᑎᓯᐟ ᐊᐦᒑᕽ, ᑭ ᐊᑎ ᒥᐦᒉᑎᐊᐧᐠ.

32ᑭ ᐊᔨᑭᐣ ᒫᑲ, ᐱᑕᕒ ᒥᓯᐁᐧ ᐃᑌ ᐁ ᐊᔨᑐᑎᐟ, ᑭ ᐅᑎᐦᑌᐤ ᐅᑲᓈᑎᓯᐊᐧ ᓬᐃᑕᐃᕽ ᑳ ᐊᔮᔨᐟ. 33ᐁᑯᑕ ᒫᑲ ᑭ ᒥᐢᑲᐁᐧᐤ ᐯᔭᐠ ᓈᐯᐊᐧ ᐃᓂᔮᐢ ᐁ ᐃᓯᔨᐦᑳᓱᔨᐟ, ᐅ ᓂᐯᐃᐧᓂᔨᕽ ᐁ ᑭ ᐱᒥᓯᓂᔨᐟ ᐊᔨᓈᓀᐤ ᑕᐦᑐ ᐊᐢᑭ; ᒋᑫᒫ ᑭ ᓂᐳᐃᐧᓯᐤ. 34ᐱᑕᕒ ᒫᑲ ᑭ ᐃᑌᐤ, ᐃᓂᔮᐢ, ᒋᓴᐢ ᙭ ᑭᐟ ᐃᔨᓂᑲᐃᐠ: ᐊᐧᓂᐢᑳ, ᒥᓇ ᐅᓯᑖ ᑭ ᓂᐯᐃᐧᐣ. ᐁᑯᓯ ᓭᒫᐠ ᑭ ᐊᐧᓂᐢᑳᐤ. 35ᑲᐦᑭᔭᐤ ᒫᑲ ᑳ ᐊᔮᒋᐠ ᓬᐃᑕᐃᕽ ᒥᓇ ᓭᕒᐊᓂᕽ ᑭ ᐋᐧᐸᒣᐊᐧᐠ, ᐁᑯᓯ ᑭ ᑫᐧᐢᑭᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ.

36ᑭ ᐊᔮᐤ ᒫᑲ ᐁᑯᑕ ᒑᐸᐃᕽ ᐯᔭᐠ ᑭᐢᑭᓄᐦᐊᒪᐋᐧᑲᐣ ᑖᐱᑕ ᐁ ᐃᓯᔨᐦᑳᓱᐟ, ᐁᐊᐧᑯ ᐁ ᐃᑌᐧᐢᑕᒪᐋᐧᑕᒥᕽ ᑖᕒᑲᐢ ᑳ ᐃᑌᐧᕽ; ᐊᐊᐧ ᐃᐢᑫᐧᐤ ᑭ ᒧᐢᑭᓀᐢᑳᐠ ᒥᔪ ᐊᑐᐢᑫᐃᐧᓇ ᒥᓇ ᑭᓭᐋᐧᑎᓯᐃᐧ ᐃᓯᐦᒋᑫᐃᐧᓇ ᐁ ᐃᑐᑕᕽ. 37ᑭ ᐊᔨᑭᐣ ᒫᑲ ᐁᑯᐢᐱ ᐁ ᑲᑭᓯᑳᐠ, ᑭ ᐋᑯᓯᐤ, ᒥᓇ ᑭ ᐳᓂ ᐱᒫᑎᓯᐤ: ᐃᐢᐱ ᒫᑲ ᑳ ᓈᓇᐹᒋᐋᒋᐠ, ᐁ ᐱᐢᑭᒋ ᑭᐸᐦᐃᑳᑌᐠ ᑕᐦᑯᒑᔨᕽ ᑭ ᐱᒥᓯᒣᐊᐧᐠ. 38ᐁᑯᓯ ᒫᑲ ᓬᐃᑕ ᐁ ᑭᓯᐋᐧᑭᐊᐧᕽ ᒑᐸᐃᕽ ᐅᐦᒋ, ᑭᐢᑭᓄᐦᐊᒪᐋᐧᑲᓇᐠ, ᐁ ᐯᐦᑕᐦᑭᐠ ᐱᑕᕒᐊ ᐁᑯᑕ ᐁ ᐊᔮᔨᐟ, ᑭ ᐃᓯᑎᓴᐦᐊᒪᐁᐧᐊᐧᐠ ᓂᓱ ᓈᐯᐊᐧ, ᐁ ᐃᓯ ᑳᑭᓯᒧᑐᑕᐋᐧᒋᐠ; ᐁᑳᐃᐧᔭ ᐅᑕᒥᐊᔮ ᓭᒫᐠ ᐯ ᓇᑐᐋᐧᐸᒥᓈᐣ. 39ᐱᑕᕒ ᒫᑲ ᑭ ᐸᓯᑯ ᒥᓇ ᑭ ᐃᐧᒉᐁᐧᐤ. ᐃᐢᐱ ᒫᑲ ᑌᑯᓯᕽ, ᑭ ᐃᑐᐦᑕᐦᐁᐊᐧᐠ ᐃᑕ ᐊᓂᒪ ᐁ ᐱᐢᑭᒋ ᑭᐸᐦᐃᑳᑌᔨᐠ ᑕᐦᑯᒑᔨᕽ: ᐁᑯᑕ ᒫᑲ ᑲᐦᑭᔭᐤ ᓯᑳᐃᐧᐢᑫᐧᐊᐧᐠ ᑭ ᓂᐸᐃᐧᐊᐧᐠ ᐁ ᒫᑐᒋᐠ, ᐁ ᐋᐧᐸᐦᑕᐦᐃᐁᐧᒋᐠ ᒥᐢᑯᑖᑲᔭ ᒥᓇ ᑭᑭᐢᑳᒋᑲᓇ ᑖᕒᑲᐢ ᑳ ᑭ ᐅᓯᑖᐟ, ᐁ ᐁᐢᑳᐧ ᐃᐧᒉᐃᐧᑯᒋᐠ, 40ᒫᑲ ᐱᑕᕒ ᑭ ᐊᐧᔭᐃᐧᑎᓯᓀᐤ ᑲᐦᑭᔭᐤ, ᐁᑯᓯ ᑭ ᐅᒋᐦᒋᑲᐧᓇᐱᐤ, ᒥᓇ ᑭ ᐊᔭᒥᐊᐤ; ᐁᑲᐧ ᒫᑲ ᐁ ᑫᐧᐢᑭᐟ ᒥᔭᐃᐧᕽ ᐃᓯ, ᑭ ᐃᑌᐧᐤ, ᑖᐱᑕ, ᐊᐧᓂᐢᑳ. ᐁᑯᓯ ᑭ ᑐᑳᐱᐤ, ᐃᐢᐱ ᒫᑲ ᐃᐧᔮᐸᒫᐟ ᐱᑕᕒᐊ, ᑭ ᓴᒪᑕᐱᐤ. 41ᑭ ᒥᔦᐤ ᒫᑲ ᐅᒋᐦᒋ, ᒥᓇ ᑭ ᐊᐧᓂᐢᑳᓀᐤ; ᐁᑯᓯ ᐁ ᓇᑐᒫᐟ ᐅᑲᓈᑎᓯᐊᐧ ᒥᓇ ᓯᑳᐃᐧᐢᑫᐧᐊᐧ, ᑭ ᐸᑭᑎᓇᒪᐁᐧ ᐁ ᐱᒫᑎᓯᔨᐟ. 42ᑭ ᑭᐢᑫᔨᑖᑲᐧᐣ ᒫᑲ ᒥᓯᐁᐧ ᐊᓂᑕ ᒑᐸᐃᕽ: ᐁᑯᓯ ᒥᐦᒉᐟ ᑭ ᑖᐯᐧᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ. 43ᑭ ᐊᔨᑭᐣ ᒫᑲ, ᒥᐦᒉᐟ ᑭᓯᑳᐊᐧ ᒑᐸᐃᕽ ᑭ ᐊᔮᐤ, ᐁ ᐃᐧᒋ ᐊᔮᒫᐟ ᓵᐃᒪᓇ ᐅᐸᑫᑭᓄᑫᐊᐧ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 9: KKMs

Highlight

Copy