ᐃᓯᐦᒋᑫᐃᐧᓂᐋᐧᐊᐧ 2

1 # ᓬᐃᐱᑎᑲᐢ 23:15-21; ᑎᔪᑕᕒᐊᓇᒥ 16:9-11 ᐃᐢᐱ ᒫᑲ ᐊᓂᒪ ᐯᐣᑎᑲᐢᐟ ᑭᓯᑳᐤ ᐁᐧᑎᒋᐸᔨᐠ, ᑲᐦᑭᔭᐤ ᐯᔭᑲᐧᓄᕽ ᑭ ᒫᒪᐃᐧ ᐊᔮᐊᐧᐠ. 2ᓯᓯᑯᐨ ᒫᑲ ᑭᓯᑯᕽ ᑭ ᐅᐦᒋ ᐯᐦᑖᑲᐧᐣ ᑖᐱᐢᑯᐨ ᐁ ᒥᐢᑕᐦᐃ ᐱᒣᐧᐁᐧᐢᑎᕽ, ᐁᑯᓯ ᒥᓯᐁᐧ ᑭ ᑌᐱᑖᑲᐧᐣ ᐋᐧᐢᑳᐦᐃᑲᓂᕽ ᐃᑕ ᐁ ᐊᐱᒋᐠ. 3ᐁᑯᓯ ᑭ ᓄᑯᐦᐃᓱᐢᑖᑲᐧᐠ ᒥᑌᔭᓂᔭ ᐁ ᐸᐯᐢᑭᒋ ᐊᔭᑭ, ᑖᐱᐢᑯᐨ ᐃᐢᑯᑌᐤ; ᐁᑯᓯ ᑲᐦᑭᔭᐤ ᑭ ᐅᑎᐦᑎᑲᐧᐠ. 4ᑲᐦᑭᔭᐤ ᒫᑲ ᑭ ᒧᐢᑭᓀᐢᑳᑲᐧᐠ ᑳ ᑲᓈᑎᓯᔨᐟ ᐊᐦᒑᐦᑲᐧ, ᒥᓇ ᑭ ᒫᒋ ᐱᑭᐢᑫᐧᐊᐧᐠ ᑯᑕᑲ ᐱᑭᐢᑫᐧᐃᐧᓇ, ᐊᐦᒑᐦᑲᐧ ᐁ ᐃᓯ ᒥᔨᑯᒋᐠ ᐃᑌᐧᐃᐧᐣ.

5ᐁᑯᑕ ᒫᑲ ᑭ ᐊᔮᐊᐧ ᒉᕒᐅᓴᓬᐊᒥᕽ, ᒍᐊᐧᐠ, ᐊᔭᒥᐦᐋᐋᐧᑎᓯᐃᐧ ᐊᔨᓯᔨᓂᐊᐧᐠ, ᑲᐦᑭᔭᐤ ᐁ ᐃᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᓯᐹ ᑭᓯᑯᕽ ᐅᐦᒋ. 6ᐃᐢᐱ ᒫᑲ ᐅᒪ ᐁ ᐯᒋᑳᑌᐠ, ᐁ ᐅᓴᒣᔭᑎᒋᐠ ᐊᔨᓯᔨᓂᐊᐧᐠ ᑭ ᐯ ᒫᒪᐃᐧ ᐃᑐᐦᑌᐊᐧᐠ, ᐁᑯᓯ ᑭ ᐊᐧᐋᐧᓀᔨᑕᒪᐧᐠ, ᒋᑫᒫ ᑲᐦᑭᔭᐤ ᐊᐃᐧᔭᐠ ᐯᑕᐁᐧᐤ ᐁ ᐱᑭᐢᑫᐧᔨᐟ ᐃᐧᔭ ᐅᐟ ᐃᓯ ᐱᑭᐢᑫᐧᐃᐧᓂᕽ. 7ᐁᑯᓯ ᑲᐦᑭᔭᐤ ᑭ ᒫᒪᐢᑳᑕᒪᐧᐠ ᒥᓇ ᑖᓂᓯ ᐃᐧᔭ ᐅᒪ ᑭ ᐃᑌᔨᑕᒪᐧᐠ, ᐁ ᐃᑌᐧᒋᐠ, ᒋᐢᐟ, ᓇᒪ ᒋ ᑲᐦᑭᔭᐤ ᐅᑭ ᑳ ᐱᑭᐢᑫᐧᒋᐠ ᑳᓬᐊᓬᐃᐃᐧᔨᓂᐊᐧᐠ? 8ᑖᓂᓯ ᒫᑲ ᐁᓯ ᐯᑕᐋᐧᔭᑯᐠ, ᑲᐦᑭᔭᐤ ᐊᔨᓯᔨᓂᐤ ᑭᐟ ᐃᓯ ᐱᑭᐢᑫᐧᐃᐧᓂᓈᕽ, ᐃᑕ ᑳ ᑭ ᓂᐦᑖᐃᐧᑭᔭᕽ? 9ᐹᓬᑎᔭᓇᐠ ᒥᓇ ᒥᑕᐠ ᒥᓇ ᐁᓬᐊᒪᐃᑕᐠ, ᒥᓇ ᑳ ᐅᐟ ᐊᐢᑭᒋᐠ ᒣᓱᐳᑌᒥᔭ, ᒍᑎᔭ ᒥᓇ ᑳᐸᑖᓯᔭ, ᐹᐣᑕᐢ ᒥᓇ ᐁᓯᔭ. 10ᐸᕒᐃᒋᔭ ᒥᓇ ᐸᒼᐱᓬᐃᔭ, ᐃᒋᑊᐟ ᒥᓇ ᐸᑭ ᓬᐃᐱᔭ ᒋᑭ ᓵᐃᕒᐃᓂ ᑳ ᐊᔮᐠ, ᐅᑲᐯᓯᐊᐧᐠ ᕒᐅᒼ ᐅᐦᒋ, ᒍᐊᐧᐠ ᐋᑎᐦᐟ ᒥᓇ ᑫᐧᐢᑭᓈᑲᓇᐠ. 11ᑲᕒᐃᑕᐠ ᒥᓇ ᐊᕒᐁᐱᔮᓇᐠ, ᒥᑐᓂ ᑭ ᐯᑕᐋᐧᓇᐊᐧᐠ ᑭᔮᓇᐤ ᑭᐟ ᐃᓯ ᐱᑭᐢᑫᐧᐃᐧᓂᓈᕽ, ᐁ ᑕᓯᑕᑭᐠ ᑭᓭᒪᓂᑐ ᐅ ᑭᐦᒋ ᐃᓯᐦᒋᑫᐃᐧᓇ. 12ᑲᐦᑭᔭᐤ ᒫᑲ ᑭ ᒫᒪᐢᑳᑕᒪᐧᐠ, ᒥᓇ ᐁ ᑭ ᐊᐧᐋᐧᓀᔨᑕᐦᑭᐠ, ᐅᒥᓯ ᐁ ᐊᔨᑎᑐᒋᐠ, ᑫᑲᐧᐩ ᐃᐧᔭ ᐅᒪ ᑳ ᐊᔨᑭᕽ? 13ᑯᑕᑲᐠ ᒫᑲ ᐃᐧᔮ ᐁ ᐹᐱᓄᑕᑭᐠ ᑭ ᐃᑌᐧᐊᐧᐠ, ᐅᐢᑭ ᓱᒥᓈᐳ ᓵᑲᐢᑭᓀᐢᑳᑲᐧᐠ.

14ᒫᑲ ᐱᑕᕒ, ᐁ ᓂᐸᐃᐧᐟ ᐊᓯᒋ ᐊᓂᑭ ᒥᑖᑕᐟ ᐯᔭᑯᓵᑊ, ᓱᑭ ᑭ ᐱᑭᐢᑫᐧᐤ, ᒥᓇ ᑭ ᑭᑐᑌᐤ ᐁᐊᐧᑲᐧᓂ, ᐁ ᐃᑌᐧᐟ, ᑭᔭᐋᐧᐤ ᒍᑎᔭ ᐊᔨᓯᔨᓂᑎᐠ, ᒥᓇ ᑲᐦᑭᔭᐤ ᑭᔭᐋᐧᐤ ᑳ ᐅᐟ ᐃᑖᐃᐧᓂᔦᐠ ᒉᕒᐅᓴᓬᐊᒥᕽ, ᑭᐢᑫᔨᑕᒧᐠ ᐅᒪ ᒥᓇ ᓇᑐᐦᑕᒧᐠ ᓂᐟ ᐃᑌᐧᐃᐧᓇ. 15ᒋᑫᒫ ᓇᒪᐃᐧᔭ ᐅᑭ ᑭᐢᑫᐧᐯᐊᐧᐠ ᑳ ᐃᑌᔨᑕᒣᐠ; ᐃᐧᔭ ᐱᒉᔭᐠ ᓂᐢᑐ ᑎᐸᐃᑲᐣ ᐊᓄᐦᐨ ᑳ ᑭᓯᑳᐠ; 16ᒫᑲ ᐁᐊᐧᑯ ᐅᒪ ᑳ ᑭ ᐃᑌᐧᐠ ᐅᑭᐢᑭᐁᐧᐦᐃᑫᐤ ᒍᐃᓬ;

17 # ᒍᐃᓬ 2:28-32 ᑭᑕ ᐊᔨᑭᐣ ᒫᑲ ᐃᐢᑳᐧᔮᐨ ᐊᑎ ᑲᑭᓯᑳᑭ ᐃᑌᐧᐤ ᑭᓭᒪᓂᑐ, ᓂ ᑲ ᓯᑭᓇᒪᐋᐧᐊᐧᐠ ᓂᐟ ᐊᐦᒑᐦᑲᐧ ᑲᐦᑭᔭᐤ ᑳ ᐅ ᐃᐧᔮᓯᐟ: ᐁᑯᓯ ᑭᑯᓯᓯᐋᐧᐊᐧᐠ ᒥᓇ ᑭᑖᓂᓯᐋᐧᐊᐧᐠ ᑭᑕ ᑭᐢᑭᐁᐧᐦᐃᑫᐊᐧᐠ, ᒥᓇ ᑯᐢᑭᓂᑭᒥᐋᐧᐊᐧᐠ ᑭᑕ ᐋᐧᐸᐦᑕᒪᐧᐠ ᐃᓯᓇᒧᐃᐧᓇ, ᒥᓇ ᑭ ᑭᓭᔨᓂᒥᐊᐧᐊᐧᐠ ᑭᑕ ᐸᐊᐧᒥᐊᐧᐠ ᐸᐋᐧᒥᐃᐧᓇ:

18ᐁᐦᐁ ᒥᓇ ᓂᐟ ᐊᑐᐢᑫᔮᑲᓇᐠ ᒥᓇ ᓂᐟ ᐊᑐᐢᑫᔮᑲᓂᐢᑫᐧᒪᐠ ᐁᐊᐧᑯ ᑲᑭᓯᑳᑭ ᓂ ᑲ ᓯᑭᓇᒪᐊᐧᐊᐧᐠ ᓂᐟ ᐊᐦᒑᐦᑲᐧ ᐁᑯᓯ ᑭᑕ ᑭᐢᑭᐁᐧᐦᐃᑫᐊᐧᐠ.

19ᐁᑯᓯ ᓂ ᑲ ᐋᐧᐸᐦᑕᐃᐋᐧᐣ ᑳ ᒫᒪᐢᑳᑌᔨᑖᑲᐧᑭ ᑭᓯᑯᕽ ᐃᐢᐱᒥᕽ, ᒥᓇ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᐊᐢᑭᕽ ᓂᒑᔨᕽ. ᒥᐦᑯ, ᒥᓇ ᐃᐢᑯᑌᐤ. ᒥᓇ ᐁ ᐱᑭᓭᔮᐸᑌᐠ:

20ᑭᓯᑳᐃᐧ ᐱᓯᒼ ᑭᑕ ᐊᐧᓂᑎᐱᐢᑭᐋᐤ, ᒥᓇ ᑎᐱᐢᑳᐃᐧ ᐱᓯᒼ ᑭᑕ ᒥᐦᑯᓯᐟ, ᒪᐧᔦᐢ ᐅ ᑭᓯᑳᒼ ᑳ ᑎᐯᔨᐦᒋᑫᐟ ᐅᑎᐦᒋᐸᔨᔨᐠ, ᐊᓂᒪ ᑭᐦᒋ ᒥᓇ ᐃᔮᑐᑖᑲᐧᕽ ᑭᓯᑳᐤ:

21ᑭᑕ ᐊᔨᑭᐣ ᒫᑲ, ᐱᑯ ᐊᐃᐧᔭᐠ ᑫ ᒪᐃᐧᒧᐢᑕᒧᑫᐧ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭᑕ ᐱᒫᒋᐦᐋᐤ.

22ᑭᔭᐋᐧᐤ ᐃᐢᕒᐁᐃᓬ ᐊᔨᓯᔨᓂᑎᐠ, ᓇᑐᐦᑕᒧᐠ ᐅᐦᐃ ᐊᔭᒥᐃᐧᓇ: ᒋᓴᐢ ᓈᓴᕒᐃᑎᕽ ᑳ ᐅᐦᒋᐟ, ᐊᔨᓯᔨᓂᐤ ᑳ ᑭ ᒥᔪ ᐋᐧᐸᑎᐃᑯᔦᐠ ᑭᓭᒪᓂᑐ ᐁ ᑭᐦᒋ ᐃᓯᐦᒋᑫᐟ ᒥᓇ ᒪᒫᑖᐃᐧ ᐋᐧᐸᐦᑕᐦᐃᐁᐧᐟ ᐁᐊᐧᑲᐧᓂ ᐅᐦᒋ ᒣᑳᐧᐨ ᐃᑕ ᐁ ᐊᔮᔦᐠ, ᑭᔭᐋᐧᐤ ᐊᐦᐳ ᐁᐊᐧᑯ ᐁ ᑭᐢᑫᔨᑕᒣᐠ: 23#ᒫᐟᔪ 27:35; ᒫᕒᐠ 15:24; ᓬᐅᐠ 23:33; ᒑᐣ 19:18ᐁᐊᐧᑳᐧᓇ, ᐅᔭᐢᒋᑫᐃᐧᓂᕽ ᒥᓇ ᐅ ᓂᑳᓂ ᑭᐢᑫᔨᑕᒧᐃᐧᓂᕽ ᑭᓭᒪᓂᑐ, ᑭᔭᐋᐧᐤ ᐅᒋᐦᒋᐋᐧᕽ ᐅᐦᒋ ᐁᑳ ᐅᔭᓱᐁᐧᐃᐧᐣ ᑳ ᐱᒥᑎᓴᐦᐊᐦᑭᐠ ᐊᔨᓯᔨᓂᐊᐧᐠ, ᑭ ᑭ ᒋᐢᑕᐦᐋᐢᑳᐧᑖᐋᐧᐤ ᒥᓇ ᑭ ᑭ ᓂᐸᐦᐋᐋᐧᐤ 24#ᒫᐟᔪ 28:5,6; ᒫᕒᐠ 16:6; ᓬᐅᐠ 24:5ᐁᐊᐧᑲᐧᓂ ᑭᓭᒪᓂᑐ ᑭ ᐊᐧᓂᐢᑳᓀᐤ, ᐁ ᑭ ᐋᐱᑯᓇᕽ ᑳ ᐋᑲᐧᕽ ᓂᐳᐃᐧᐣ: ᒋᑫᒫ ᓇᒪᐃᐧᔭ ᑭᑕ ᑭ ᐃᐦᑭᐣ ᑭᑕ ᑭ ᒥᒋᒥᓂᑯᐟ. 25#ᓂᑲᒧᓇ 16:8-11ᐃᐧᔭ ᑌᐱᐟ ᐃᑌᐧᐤ ᐁᐊᐧᑲᐧᓂ ᐁ ᐃᑖᐟ,

ᓂ ᑲᓇᐋᐧᐸᒫᐤ ᑳᑭᑫ ᑳ ᑎᐯᔨᐦᒋᑫᐟ ᐁ ᐅᑎᐢᑲᐃᐧᐢᑲᐃᐧᐟ; ᒋᑫᒫ ᓂ ᑭᐦᒋᓂᐢᑭᕽ ᐊᔮᐤ ᐁᑳ ᑭᑕ ᐊᐧᐢᑲᐃᐧᓂᑲᐃᐧᔮᐣ:

26ᐁᐊᐧᑯ ᐅᐦᒋ ᓂᑌᐦ ᑭ ᒪᒪᐦᑖᑯᓯᒪᑲᐣ, ᒥᓇ ᓂ ᑌᔭᓂ ᑭ ᒥᔭᐋᐧᑕᒧᒪᑲᐣ; ᐁᑯᓯ ᒥᓇ ᓂ ᐃᐧᔮᐢ ᑭᑕ ᐊᔦᐧᐱᒪᑲᐣ ᐊᐢᐯᔨᒧᐃᐧᓂᕽ:

27ᒋᑫᒫ ᓇᒪᐃᐧᔭ ᑭ ᑲ ᓇᑲᑖᐤ ᓂᐟ ᐊᒑᕽ ᐦᐁᑎᓯᕽ, ᓇᒪᐃᐧᔭ ᒥᓇ ᑭ ᑲ ᐸᑭᑎᓈᐤ ᑭ ᑲᓈᑎᓯᒼ ᑭᑕ ᐋᐧᐸᐦᑕᕽ ᐱᑭᐢᑲᑕᑎᐃᐧᐣ.

28ᑭ ᑭ ᑭᐢᑫᔨᑕᒧᐃᐣ ᐱᒫᑎᓯᐃᐧᓂ ᐃᓯᑖᐧᐃᐧᓇ; ᑭ ᑲ ᑌᐱ ᒪᒪᐦᑖᑯᐃᐣ ᑭ ᒥᔪ ᑭᑖᐸᑫᐃᐧᐣ ᐅᐦᒋ.

29ᓂᒋᐋᐧᒥᑎᐠ, ᓇᒪᐃᐧᔭ ᑭᑕ ᒪᓈ ᐃᐧᐦᑕᒫᑕᑯᐠ ᐊᓇ ᑲᔮᐢ ᐅᑖᐃᐧᒫᐤ ᑌᐱᐟ, ᐁ ᑭ ᓂᐱᐟ ᒥᓇ ᐁ ᑭ ᓇᐃᓂᐦᐟ, ᐁᑯᓯ ᐅ ᓇᐃᓂᑯᐃᐧᑲᒥᐠ ᐁ ᐊᔮᐋᐧᔭᕽ ᐱᔨᐢ ᐊᓄᐦᐨ ᑳ ᑭᓯᑳᐠ. 30#ᓂᑲᒧᓇ 132:11; 2 ᓵᒼᔪᐃᓬ 7:12,13ᐃᐧᔭ ᒫᑲ ᐁ ᑭᐢᑭᐁᐧᐦᐃᑫᐃᐧᔨᓂᐃᐧᐟ, ᒥᓇ ᐁ ᑭᐢᑫᔨᑕᕽ ᑭᓭᒪᓂᑐᐊᐧ ᐁ ᑭ ᑭᐦᒋ ᐃᑎᑯᐟ, ᐃᐧᔭᐃᐧᕽ ᐁ ᐅᐦᒋᔨᐟ ᑭᑕ ᐊᐱᔨᐟ ᐅ ᑭᐦᒋ ᐅᑭᒫᐊᐧᐱᐃᐧᓂᕽ; 31ᐃᐧᔭ ᓂᔮᐠ ᐁ ᐋᐧᐸᐦᑕᕽ ᐁᐊᐧᑫᐧᔨᐤ ᑭ ᑕᓯᑕᒣᐧᐤ ᐅᐟ ᐋᐱᓯᓯᓄᐃᐧᓂᔨᐤ ᐊᓂᐦᐃ ᙭, ᐁᐃᑌᐧᐟ, ᓇᒪᐃᐧᔭ ᐅᐦᒋ ᓇᑲᑖᐤ ᐦᐁᑎᓯᕽ, ᓇᒪᐃᐧᔭ ᒥᓇ ᐅ ᐃᐧᔮᐢ ᐅᐦᒋ ᐋᐧᐸᐦᑕᒧᒪᑲᓂᔨᐤ ᐱᑭᐢᑲᑕᑎᐃᐧᐣ. 32ᐊᐊᐧ ᒋᓴᐢ ᑭᓭᒪᓂᑐᐊᐧ ᑭ ᐊᐧᓂᐢᑳᓂᐠ, ᐁᐊᐧᑯ ᑲᐦᑭᔭᐤ ᓂᔭᓈᐣ ᑳ ᐋᑐᑕᒫᕽ. 33ᐁᑯᓯ ᒫᑲ ᐅ ᑭᐦᒋᓂᐢᑭᔨᕽ ᑭᓭᒪᓂᑐᐊᐧ ᐁ ᑭ ᐃᐢᐸᑫᓂᑯᐟ, ᒥᓇ ᐁ ᑭ ᒥᔨᑯᐟ ᐁᐧᔪᑖᐃᐧᕽ ᐊᓂᒪ ᐊᓱᑕᒫᑯᐃᐧᐣ ᑳ ᑲᓈᑎᓯᐟ ᐊᒑᕽ, ᑭ ᓯᑭᓇᒫᑫᐤ ᐅᒪ ᑳ ᐋᐧᐸᐦᑕᒣᐠ ᒥᓇ ᑳ ᐯᐦᑕᒣᐠ. 34#ᓂᑲᒧᓇ 110:1ᒋᑫᒫ ᑌᐱᐟ ᓇᒪᐃᐧᔭ ᑭᐦᒋ ᑭᓯᑯᕽ ᑭ ᐃᓯ ᐅᐱᐢᑳᐤ: ᒫᑲ ᐃᐧᔭ ᐃᑌᐧᐤ,

ᑳ ᑎᐯᔨᐦᒋᑫᐟ ᐃᑌᐤ ᓄᑎᐯᔨᒋᑫᒪ, ᐊᐱ ᓂ ᑭᐦᒋᓂᐢᑭᕽ,

35ᐱᔨᐢ ᑭᑕ ᐃᓯᐊᑭᐠ ᑭ ᓄᑎᓈᑲᓇᐠ ᑭᑕ ᐅᐟ ᐊᐢᐱᓯᑌᓯᒧᓂᔭᐣ.

36ᑭᔮᒼ ᒫᑲ ᑲᐦᑭᔭᐤ ᐃᐢᕒᐁᐃᓬ ᐃᐧᑭᕽ ᑫᒋᓈ ᑭᑕ ᑭᐢᑫᔨᑕᒪᐧᐠ, ᑭᓭᒪᓂᑐ ᐁ ᑭ ᐃᓯᐋᐟ ᐁᐊᐧᑲᐧᓂ ᒫᒪᐃᐧ ᑳ ᑎᐯᔨᐦᒋᑫᐟ ᒥᓇ ᙭, ᐊᐊᐧ ᒋᓴᐢ ᑳ ᑭ ᒋᐢᑕᐦᐋᐢᑳᐧᑖᔦᐠ.

37ᐃᐢᐱ ᒫᑲ ᐅᒪ ᐱᔦᐦᑕᐦᑭᐠ, ᑭ ᒋᐢᑕᐅᑲᐧᐠ ᐅᑌᐃᐋᐧᕽ, ᐁᑯᓯ ᑭ ᐃᑌᐊᐧᐠ ᐱᑕᕒᐊ ᒥᓇ ᑯᑕᑲ ᐊᐸᐢᑎᓬᐊ, ᐁᐧᒋᐋᐧᒥᔮᕽ, ᑖᓂᓯ ᐅᒪ ᑫ ᑐᑕᒫᕽ? 38ᐱᑕᕒ ᒫᑲ ᑭ ᐃᑌᐤ, ᑫᐧᐢᑭᐱᒫᑎᓯᐠ ᒥᓇ ᐹᑊᑕᐃᓯᐃᐧᐠ ᑲᐦᑭᔭᐤ ᐁ ᐃᑕᓯᔦᐠ ᐅ ᐃᐧᔪᐃᐧᓂᕽ ᒋᓴᐢ ᙭ ᑭᑕ ᐳᓀᔨᑕᒫᑲᐃᐧᔦᐠ ᑭ ᒪᒋᐃᑎᐃᐧᓂᐋᐧᐊᐧ; ᐁᑯᓯ ᑭ ᑲ ᒥᔨᑲᐃᐧᓈᐋᐧᐤ ᐊᓂᒪ ᒣᑭᐃᐧᐣ ᑳ ᑲᓈᑎᓯᐟ ᐊᐦᒑᕽ. 39ᒋᑫᒫ ᑭᔭᐋᐧᐤ ᑭᐟ ᐊᓱᑕᒫᑲᐃᐧᓈᐋᐧᐤ, ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ, ᒥᓇ ᑲᐦᑭᔭᐤ ᐋᐧᔭᐤ ᑳ ᐊᔮᒋᐠ, ᑕᐦᑐ ᐅᑎ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑫ ᓇᑐᒫᐟ. 40ᒥᐦᒉᐟ ᒫᑲ ᑯᑕᑲ ᐊᔭᒥᐃᐧᓇ ᐅᐦᒋ ᑭ ᐊᐧᐦᐃᐧᑕᒪᐁᐧᐤ, ᒥᓇ ᑭ ᓴᓯᑭᒣᐤ, ᐁ ᐃᑌᐧᐟ, ᐱᒫᒋᐦᐃᓱᐠ ᐅᑕ ᐅᐦᒋ ᐁᑳ ᑳ ᓂᓯᑕᐋᐧᑳᑎᓯᒋᐠ ᐊᔨᓯᔨᓂᐊᐧᐠ.

41ᐁᑲᐧ ᒫᑲ ᐊᓂᐦᐃ ᑳ ᐅᑎᓇᒥᔨᐟ ᐅᐟ ᐊᔭᒥᐃᐧᐣ ᑭ ᐹᑊᑕᐃᓯᐃᐧᐋᐊᐧᐠ: ᐁᑯᓯ ᑭ ᑕᑯᐋᐊᐧᐠ ᐁᐊᐧᑳᐧᓂᒪ ᐁ ᑭᓯᑳᐠ ᓈᐣᑕᐤ ᓂᐢᑖᐧᐤ ᑭᐦᒋ ᒥᑖᑕᑐᒥᑕᓈᐤ ᐊᐦᒑᐦᑲᐧᐠ. 42ᑕᐦᑭᓀ ᒫᑲ ᑭ ᑖᐱᑕᐃᐧ ᐊᔮᐊᐧᐠ ᐊᐹᐢᑎᓬᐊ ᐅ ᑭᐢᑭᓄᐦᐊᒫᑫᐃᐧᓂᔨᕽ ᒥᓇ ᐅ ᐃᐧᒉᑐᐃᐧᓂᔨᕽ, ᐁ ᐸᐸᑫᐧᓂᐦᐟ ᐸᑫᐧᓯᑲᐣ ᒥᓇ ᐊᔭᒥᐦᐋᐃᐧᓂᕽ. 43ᓭᑭᓯᐃᐧᐣ ᒫᑲ ᑭ ᐸᑲᒥᐢᑳᐠ ᑲᐦᑭᔭᐤ ᐊᐦᒑᕽ: ᒥᐦᒉᐟ ᒫᑲ ᒪᒫᑕᐤ ᒥᓇ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ ᑭ ᐃᑐᑕᒪᐧᐠ ᐊᐹᐢᑎᓬᐊᐠ. 44#ᐃᓯᐦᒋᑫᐃᐧᓂᐋᐧᐊᐧ 4:32-35ᑲᐦᑭᔭᐤ ᒫᑲ ᐊᓂᑭ ᑳ ᑖᐯᐧᑕᐦᑭᐠ ᑭ ᒫᒪᐃᐧ ᐊᔮᐊᐧᐠ, ᒥᓇ ᑲᐦᑭᔭᐤ ᑫᑲᐧᐩ ᑖᐱᐢᑯᐨ ᑭ ᐋᐸᒋᑖᐊᐧᐠ; 45ᐁᑯᓯ ᑭ ᐊᑖᐋᐧᑫᐊᐧᐠ ᐅ ᑎᐱᔭᐁᐧᐃᐧᓯᐃᐧᓂᐋᐧᐊᐧ ᒥᓇ ᐅᐟ ᐊᔮᐃᐧᓂᐋᐧᐊᐧ, ᑲᐦᑭᔭᐤ ᐁ ᒫᑎᓇᒪᐋᐧᒋᐠ, ᐱᑯ ᐁ ᐃᓯ ᑭᐧᑕᒫᐟ ᐱᑯ ᐊᓇ ᐊᔨᓯᔨᓂᐤ. 46ᐁᑯᓯ ᑕᐦᑐ ᑭᓯᑳᐤ, ᑕᐦᑭᓀ ᑭ ᑖᐱᑕᐃᐧ ᒫᒪᐃᐧ ᐊᔮᐊᐧᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᒥᓇ ᐁ ᓇᔭᐃᐧᓈᒋᐠ ᐸᑫᐧᓯᑲᓇ ᐃᐧᑭᐋᐧᕽ, ᑭ ᐅᑎᓇᒪᐧᐠ ᐅ ᒥᒋᐃᐧᓂᐋᐧᐤ ᒪᒪᐦᑖᑯᓯᐃᐧᓂᕽ ᒥᓇ ᓇᔦᐢᑕᐃᐧ ᒥᑌᐦᐃᕽ, 47ᐁ ᒪᒥᒋᒫᒋᐠ ᑭᓭᒪᓂᑐᐊᐧ, ᒥᓇ ᐁ ᒥᔦᐧᔨᒥᑯᒋᐠ ᑲᐦᑭᔭᐤ ᐊᔨᓯᔨᓂᐊᐧ. ᐁᑯᓯ ᑳ ᑎᐯᔨᐦᒋᑫᐟ ᑭ ᑕᑯᑐᐁᐧᐤ ᑕᐦᑐ ᑭᓯᑳᐤ ᐊᓂᐦᐃ ᑳ ᐊᑎ ᐱᒫᒋᐃᐦᒋᐠ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 2: KKMs

Highlight

Copy