ᐃᓯᐦᒋᑫᐃᐧᓂᐋᐧᐊᐧ 13

1ᐁᑯᐢᐱ ᒫᑲ ᐅᑕᔭᒥᐦᐋᐊᐧᐠ ᐊᓂᑕ ᐋᐣᑎᔮᐠ ᑳ ᐊᔮᒋᐠ, ᑭ ᐊᔮᐊᐧᐠ ᐅᑭᐢᑭᐁᐧᐦᐃᑫᐊᐧᐠ ᒥᓇ ᐅᑭᐢᑭᓄᐦᐊᒫᑫᐊᐧᐠ, ᐹᕒᓇᐹᐢ, ᒥᓇ ᓯᒥᔭᐣ ᓇᐃᒐᕒ ᑳ ᐃᓯᔨᐦᑳᓱᐟ, ᒥᓇ ᓬᐅᓯᔭᐢ ᓴᐃᕒᐃᓂ ᐅᐦᒋ, ᒥᓇ ᒫᓀᐃᐣ ᐅ ᐃᐧᒋᐅᐱᑭᒫᑲᓇ ᐁᕒᐊᐟ ᐊᓇ ᑌᑕᕒᐋᕒᐠ, ᒥᓇ ᓵᓬ. 2ᒣᑳᐧᐨ ᒫᑲ ᐁ ᐊᔭᑐᐢᑲᐋᐧᒋᐠ ᑳ ᑎᐯᔨᐦᒋᑫᔨᐟ ᒥᓇ ᐁ ᐃᔨᐊᐧᓂᓯᐃᓱᒋᐠ, ᑳ ᑲᓈᑎᓯᔨᐟ ᐊᐦᒑᐦᑲᐧ ᑭ ᐃᑎᑲᐧᐠ, ᐹᑳᓂᑐᐃᐧᐠ ᐹᕒᓇᐸᐢ ᒥᓇ ᓵᓬ ᐊᓂᒪ ᐊᑐᐢᑫᐃᐧᐣ ᐅᐦᒋ ᑳ ᑭ ᐃᓯ ᓇᑐᒪᑭᐠ. 3ᐁᑲᐧ, ᐃᐢᐱ ᑳ ᐃᔨᐊᐧᓂᓯᐃᓱᒋᐠ ᒥᓇ ᑳ ᐊᔭᒥᐦᐋᒋᐠ ᒥᓇ ᑳ ᓴᓵᒥᓈᒋᐠ, ᑭ ᓯᐯᐧᑎᓴᐁᐧᐊᐧᐠ.

4ᐁᑯᓯ ᐃᐧᔭᐋᐧᐤ, ᐁ ᑭ ᓭᐯᐧᑎᓴᐅᑯᒋᐠ ᑳ ᑲᓈᑎᓯᔨᐟ ᐊᐦᒑᐦᑲᐧ, ᑭ ᐃᑐᐦᑌᐊᐧᐠ ᓭᓬᐅᓯᔭᐃᕽ; ᐁᑯᑕ ᒫᑲ ᐅᐦᒋ ᑭ ᐃᑖᓯᐊᐧᐠ ᓵᐃᐸᓬᐊᓯᕽ. 5ᒣᑳᐧᐨ ᒫᑲ ᓵᓬᐊᒥᓯᕽ ᐁ ᐊᔮᒋᐠ, ᑭ ᐃᐧᐦᑕᒪᐧᐠ ᑭᓭᒪᓂᑐ ᐅᐟ ᐃᑌᐧᐃᐧᐣ ᐅᐟ ᐊᔭᒥᐦᐁᐃᐧᑲᒥᑯᔨᕽ ᒍᐊᐧ: ᐁᑯᓯ ᒥᓇ ᒑᓇ ᑭ ᐊᔮᐁᐧᐊᐧᐟ ᐁ ᓇᓂᓱᑲᒫᑯᒋᐠ.

6ᐃᐢᐱ ᒫᑲ ᑳ ᓵᐳᐢᑲᑭᐠ ᐊᓂᒪ ᒥᓂᐢᑎᐠ ᐱᔨᐢ ᐊᓂᑕ ᐯᐸᐢ, ᑭ ᒥᐢᑲᐁᐧᐊᐧᐠ ᐯᔭᐠ ᐁ ᒥᑌᐃᐧᔨᐟ, ᑭᔮᐢᑭᐁᐧ ᐅᑭᐢᑭᐁᐧᐦᐃᑫᐊᐧ, ᒍᐤ, ᐹᕒᒋᓴᐢ ᐁ ᐃᓯᔨᐦᑳᓱᐟ; 7ᐁ ᐃᐧᒋᐊᔮᒫᐟ ᐊᓂᐦᐃ ᐅᔭᓱᐁᐧᐃᐧᑭᒫᐊᐧ, ᓴᕒᒋᔭᐢ ᐹᓬᐊᐢ, ᐅᓂᓯᑐᑕᒧᐃᐧ ᐊᔨᓯᔨᓂᐤ. ᐁᐊᐧᑯ ᑭ ᓇᑐᒣᐤ ᐹᕒᓇᐸᓴ ᒥᓇ ᓵᓬᐊ, ᒥᓇ ᑭ ᓇᑕᐁᐧᔨᑕᒼ ᑭᑕ ᐯᐦᑕᕽ ᑭᓭᒪᓂᑐ ᐅᐟ ᐃᑌᐧᐃᐧᐣ. 8ᒫᑲ ᐁᓬᐃᒪᐢ ᐊᓇ ᒥᑌᐤ (ᒋᑫᒫ ᐁᐊᐧᑫᐧᔨᐤ ᐅ ᐃᐧᔪᐃᐧᐣ ᐁ ᐃᑌᐧᐢᑕᒪᐋᐧᑕᒥᕽ) ᑭ ᓈᓇᑳᐢᑲᐁᐧᐤ, ᐁ ᓇᑐᓇᕽ ᑭᑕ ᑫᐧᐢᑭᓈᐟ ᐅᔭᓱᐁᐧᐃᐧᑭᒫᐊᐧ ᑖᐯᐧᔦᔨᑕᒧᐃᐧᓂᕽ ᐅᐦᒋ.

9ᒫᑲ ᓵᓬ, ᑳ ᐃᓯᔨᐦᑳᓱᐟ ᒥᓇ ᐹᓬ, ᐁ ᒧᐢᑭᓀᐢᑳᑯᐟ ᑳ ᑲᓈᑎᓯᔨᐟ ᐊᐦᒑᐦᑲᐧ, ᓱᑭ ᑭ ᑲᓇᐋᐧᐸᒣᐤ, 10ᒥᓇ ᑭ ᐃᑌᐤ, ᐋ ᑭᔭ ᑳ ᒧᐢᑭᓀᐢᑳᑯᔭᐣ ᑲᐦᑭᔭᐤ ᑲᑲᔦᔨᓯᐃᐧᐣ ᒥᓇ ᒪᒑᑎᓯᐃᐧᐣ, ᐅᑯᓯᓴ ᒪᒑᔭ, ᑭᔭ ᑳ ᓄᑎᓇᒪᐣ ᑲᐦᑭᔭᐤ ᑲᐧᔭᐢᑭᑖᑎᓯᐃᐧᐣ, ᓇᒫ ᒋ ᐃᐧᑳᐨ ᑭ ᑲ ᐳᓂ ᐊᐧᓈᑖᐋᐧᐣ ᑳ ᑲᐧᔭᐢᑲᐧᓂᔨᑭ ᐅᐟ ᐃᓯᑖᐧᐃᐧᓇ ᑳ ᑎᐯᔨᐦᒋᑫᐟ? 11ᐁᑲᐧ ᒫᑲ, ᒫᑎᑲ, ᐅᒋᐦᒋ ᑳ ᑎᐯᔨᐦᒋᑫᐟ ᑭ ᐹᑕᑯᓂᑯᐋᐧᐣ, ᐁᑯᓯ ᓇᒪᐃᐧᔭ ᑭ ᑲ ᐋᐧᐱᐣ, ᐁᑳ ᐁ ᐋᐧᐸᒪᐟ ᐱᓯᒼ ᓄᒪᑫᐢ. ᓭᒫᐠ ᒫᑲ ᑭ ᐸᑲᒥᐢᑳᐠ ᐱᑭᓭᔮᐸᑕᒫᐃᐧᐣ ᒥᓇ ᐊᐧᓂᑎᐱᐢᑳᐤ; ᐁᑯᓯ ᑭ ᐸᐹᒧᑌᐤ ᐁ ᓇᑐᓇᐋᐧᐟ ᓈᐣᑕᐤ ᐊᐃᐧᔭ ᑭᑕ ᓴᑭᓂᐢᑫᓂᑯᐟ. 12ᐁᑲᐧ ᐊᓇ ᐅᔭᓱᐁᐧᐃᐧᑭᒫᐤ, ᐃᐢᐱ ᐃᐧᔮᐸᐦᑕᕽ ᐊᓂᒪ ᑳ ᑭ ᐃᑐᒋᑳᑌᔨᐠ, ᑭ ᑖᐯᐧᑕᒼ, ᐁ ᒫᒪᐢᑳᑕᕽ ᐅ ᑭᐢᑭᓄᐦᐊᒫᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ.

13ᐁᑲᐧ ᒫᑲ ᐹᓬ ᒥᓇ ᐊᓂᐦᐃ ᑳ ᐃᐧᒉᐃᐧᑯᐟ ᑭ ᓯᐯᐧᔮᓯᐊᐧᐠ ᐯᐹᐢ ᐅᐦᒋ, ᒥᓇ ᑭ ᑕᑳᐧᓯᐊᐧᐠ ᐊᓂᑕ ᐸᕒᑲ ᐹᒼᐱᓬᐃᔭᐃᕽ: ᐁᑯᑕ ᒫᑲ ᒑᐣ ᑭ ᓇᑲᑎᑲᐧᐠ ᒥᓇ ᑭ ᑭᐁᐧᔨᐊᐧ ᒉᕒᐅᓴᓬᐊᒥᕽ. 14ᒫᑲ ᐃᐧᔭᐋᐧᐤ, ᐁ ᓵᐳᐱᒧᑌᒋᐠ ᐊᓂᑕ ᐅᐦᒋ ᐸᕒᑲ, ᑭ ᑕᑯᓯᓇᐧᐠ ᐊᓂᑕ ᐋᐣᑎᔮᐠ ᐱᓯᑎᔭᐃᕽ; ᐁᑯᓯ ᑭ ᐱᐦᑐᑫᐊᐧᐠ ᐊᔭᒥᐦᐁᐃᐧᑲᒥᑯᕽ ᐁ ᐊᔭᒥᐦᐁᑭᓯᑳᔨᐠ, ᒥᓇ ᑭ ᓇᐦᐊᐱᐊᐧᐠ. 15ᑳ ᐳᓂ ᐊᔭᒥᑖᕽ ᒫᑲ ᐅᔭᓱᐁᐧᐃᐧᐣ ᒥᓇ ᐅᑭᐢᑭᐁᐧᐦᐃᑫᐊᐧᐠ, ᑳ ᐅᔭᓱᐋᐧᑕᑭᐠ ᐊᔭᒥᐦᐁᐃᐧᑲᒥᐠ ᑭ ᐃᓯᑎᓴᐊᒫᑲᐧᐠ ᐊᐃᐧᔭ ᐁ ᐃᑎᑯᒋᐠ, ᓂᒋᐋᐧᒥᑎᐠ, ᑭᐢᐱᐣ ᐁᔮᐁᐧᑫᐧ ᐃᑌᐧᐃᐧᐣ ᐁ ᐃᐧ ᐃᓯ ᓯᑭᒫᔦᑯᐠ ᐊᔨᓯᔨᓂᐊᐧᐠ, ᐱᑭᐢᑫᐧᐠ. 16ᐹᓬ ᒫᑲ ᑭ ᓂᐸᐃᐧᐤ, ᒥᓇ ᐁ ᐊᔨᑎᓂᑫᐢᑕᐋᐧᐟ ᑭ ᐃᑌᐤ,

ᐃᐢᕒᐁᐃᓬ ᐊᔨᓯᔨᓂᑎᐠ, ᒥᓇ ᑭᔭᐋᐧᐤ ᑳ ᑯᓯᑫᐧᔨᒫᔦᐠ ᑭᓭᒪᓂᑐ, ᓇᑐᑕᒧᐠ. 17#ᐁᐠᓴᑕᐢ 1:7; ᐁᐠᓴᑕᐢ 12:51ᐅ ᑭᓭᒪᓂᑐᒥᐋᐧᐊᐧ ᐅᑭ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᓇᐊᐧᓱᓀᐤ ᑯᑖᐃᐧᓇᐊᐧ, ᒥᓇ ᑭ ᐅᐱᓀᐤ ᐊᔨᓯᔨᓂᐊᐧ ᒣᑳᐧᐨ ᐁ ᐅᐟ ᐃᑖᐃᐧᓂᔨᐟ ᐃᒋᑊᐟ ᐊᐢᑭᕽ, ᐁᑯᓯ ᐁ ᐃᐢᐸᑫᐱᑐᓀᔨᐟ ᐁᑯᑕ ᑭ ᐯ ᐅᐦᒋ ᐊᐧᔭᐃᐧᑕᐁᐤ. 18#ᓇᒼᐸᕒᐢ 14:34; ᑎᔪᑕᕒᐊᓇᒥ 1:31ᓈᐣᑕᐤ ᒫᑲ ᓀᐤ ᒥᑕᓇᐤ ᑕᐦᑐ ᐊᐢᑭ ᑭ ᓯᐯᔨᑕᒪᐁᐧᐤ ᐅᐟ ᐃᓯᐦᒋᑫᐃᐧᓂᔨᐊᐧ ᐸᑳᐧᑕᐢᑭᕽ. 19#ᑎᔪᑕᕒᐊᓇᒥ 7:1; ᒑᐢᔪᐊ 14:1ᐃᐢᐱ ᒫᑲ ᑳ ᓂᓯᐊᐧᓈᒋᐦᐋᐟ ᑌᐸᑯᑊ ᐁ ᐃᑕᐦᑐᐢᑳᓀᓯᔨᐟ ᐊᔨᓯᔨᓂᐊᐧ ᑫᓇᐣ ᐊᐢᑭᕽ, ᑭ ᒥᔦᐤ ᐅᐟ ᐊᐢᑭᔨᐤ ᑭᑕ ᐅᑕᐢᑭᔨᐟ, ᓈᐣᑕᐤ ᓀᐋᐧᐤ ᒥᑖᑕᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ ᑕᐦᑐ ᐊᐢᑭ: 20#ᐅᔭᓱᐁᐧᐊᐧᐠ 2:16; 1 ᓵᒼᔪᐃᓬ 3:20ᒣᐧᐢᑕᐢ ᐃᔨᑯᕽ ᒫᑲ ᐅᐦᐃ ᑭ ᒥᔦᐤ ᐅᔭᓱᐁᐧᐊᐧ ᐱᔨᐢ ᓵᒼᔪᐃᓬ ᐅᑭᐢᑭᐁᐧᐦᐃᑫᐤ. 21#1 ᓵᒼᔪᐃᓬ 8:5; 1 ᓵᒼᔪᐃᓬ 10:21ᐁᑯᓯ ᒣᐧᐢᑕᐢ ᐃᔨᑯᕽ ᑭ ᓇᑐᑕᒫᐊᐧᐠ ᑭᐦᒋ ᐅᑭᒫᐊᐧ: ᑭᓭᒪᓂᑐᐊᐧ ᒫᑲ ᑭ ᒥᔨᑲᐧᐠ ᓵᓬᐊ ᐅᑯᓯᓴ ᑭᐢ, ᓈᐯᐤ ᐯᐣᒋᒥᐣ ᐅ ᐱᐢᑭᑐᑌᐃᐧᓯᐃᐧᓂᕽ ᐅᐦᒋ, ᓀᐤ ᒥᑐᓇᐤ ᑕᐦᑐ ᐊᐢᑭ. 22#1 ᓵᒼᔪᐃᓬ 13:14; 1 ᓵᒼᔪᐃᓬ 16:12; ᓂᑲᒧᓇ 89:20ᐃᐢᐱ ᒫᑲ ᐁᐊᐧᑲᐧᓂ ᐅᐦᐱᒣ ᑳ ᐊᔮᐟ, ᑭ ᐸᓯᑯᓀᐤ ᑌᐯᑕ ᑭᑕ ᐅ ᑭᐦᒋ ᐅᑭᒫᒥᔨᐟ; ᐁᐊᐧᑲᐧᓂ ᒥᓇ ᑳ ᐃᓯ ᐋᒋᒫᐟ, ᑳ ᐃᑌᐧᐟ, ᓂ ᑭ ᒥᐢᑲᐋᐧᐤ ᑌᐱᐟ ᐅᑯᓯᓴ ᒉᓯ, ᐊᔨᓯᔨᓂᐤ ᐁ ᐃᑕᐢᑌᐠ ᓂᑌᐦ, ᑫ ᐃᑐᑕᕽ ᑲᐦᑭᔭᐤ ᑳ ᐃᑌᔨᑕᒫᐣ.

23ᐅᐦᐃ ᓈᐯᐊᐧ ᐅᐟ ᐊᐋᐧᓯᒥᓯᔨᐊᐧ ᐅᐦᒋ ᑭᓭᒪᓂᑐ ᐁ ᑭ ᐃᓯ ᐊᓱᑕᒫᑫᐟ ᑭ ᐯᑕᒪᐁᐧᐤ ᐃᐢᕒᐁᐃᓬᐊ ᐅᐱᒫᒋᐦᐃᐁᐧᐊᐧ, ᒋᓴᐢ; 24#ᒫᕒᐠ 1:4; ᓬᐅᐠ 3:3ᐃᐢᐱ ᒑᐣ ᓂᑳᐣ ᑳ ᑲᑫᐢᑭᒫᐟ, ᑲᐦᑭᔭᐤ ᐃᐢᕒᐁᐃᓬ ᐊᓂᒪ ᐸᑊᑖᐃᓯᐃᐧᐃᐧᐣ ᑫᐧᐢᑭᐱᒫᑎᓯᐃᐧᓂᕽ ᒪᐧᔦᐢ ᑕᑯᓯᓂᔨᐟ ᒋᓴᓴ. 25#ᒑᐣ 1:20; ᒫᐟᔪ 3:11; ᒫᕒᐠ 1:7; ᓬᐅᐠ 3:16; ᒑᐣ 1:27ᒑᐣ ᒫᑲ ᐁ ᐊᑎ ᑎᐱᐸᔨᑖᐟ ᐅᐟ ᐊᑐᐢᑫᐃᐧᐣ ᑭ ᐃᑌᐧᐤ, ᐊᐁᐧᓇ ᑭᔭᐋᐧ ᐁᑌᔨᒥᔦᐠ? ᓇᒪᔦᐤ ᓂᔭ ᐁᐊᐧᑯ. ᒫᑲ ᒫᑎᑲ, ᓂ ᐯ ᐊᐢᑳᐧᐠ ᐯᔭᐠ, ᐅ ᒪᐢᑭᓯᓇ ᐅᓯᑎᕽ ᐁᑳ ᐁ ᑌᐸᑫᔨᑖᑯᓯᔮᐣ ᑭᑕ ᐋᐱᑯᓇᒪᐧᐠ. 26ᓂᒋᐋᐧᒥᑎᐠ, ᐊᐋᐧᓯᓯᑎᐠ ᐁᑊᕒᐁᐋᒼ ᐁᐧᒋᔦᐠ, ᒥᓇ ᑕᐦᑐ ᑭᔭᐋᐧᐤ ᑳ ᑯᓯᑫᐧᔨᒫᔦᐠ ᑭᓭᒪᓂᑐ, ᑭᔮᓇᐤ ᐅᒪ ᐱᒫᒋᐦᐃᐁᐧᐃᐧ ᐃᑌᐧᐃᐧᐣ ᑳ ᐃᓯᑎᓴᐊᒫᑲᐃᐧᔭᕽ. 27ᒋᑫᒫ ᐊᓂᑭ ᒉᕒᐅᓴᓬᐊᒥᕽ ᑳ ᐅᐟ ᐃᑖᐃᐧᓂᒋᐠ, ᒥᓇ ᐅᔭᓱᐁᐧᐃᐧᔨᓂᒥᐋᐧᐊᐧ, ᐃᐧᔭ ᐁᑳ ᐁ ᑭᐢᑫᔨᒫᒋᐠ, ᐊᐦᐳ ᐅᐟ ᐃᑌᐧᐃᐧᓂᔨᐤ ᐅᑭᐢᑭᐁᐧᐦᐃᑫᐊᐧ ᑳ ᐊᔭᒥᑖᕽ ᑕᐦᑐ ᐊᔭᒥᐦᐁᑭᓯᑳᐤ, ᑭ ᑎᐱᐸᔨᑖᐊᐧᐠ ᐁ ᓈᓂᐳᒫᒋᐠ. 28#ᒫᐟᔪ 27:22,23; ᒫᕒᐠ 15:13,14; ᓬᐅᐠ 23:21-23; ᒑᐣ 19:15ᐁᑯᓯ ᐋᑕ ᐁᑳ ᐁ ᒥᐢᑲᐦᑭᐠ ᑫᑲᐧᐩ ᑭᑕ ᑭ ᐅᐦᒋ ᓂᐸᐃᒥᐦᐟ, ᐁᔨᐁᐧᕽ ᑭ ᑲᑫᐧᒋᒣᐊᐧᐠ ᐸᐃᓬᐊᑕ ᑭᑕ ᓂᐸᐃᒥᐦᐟ. 29#ᒫᐟᔪ 27:57-61; ᒫᕒᐠ 15:42-47; ᓬᐅᐠ 23:50-56; ᒑᐣ 19:38-42ᐃᐢᐱ ᒫᑲ ᑳ ᑎᐱᑐᑕᑭᐠ ᑲᐦᑭᔭᐤ ᑫᑳᐧᐩ ᑳ ᑭ ᒪᓯᓇᐃᑳᑌᔨᐠ ᐃᐧᔭ ᐅᐦᒋ, ᑭ ᓂᑎᓀᐊᐧᐠ ᒥᐢᑎᑯᕽ ᐅᐦᒋ, ᒥᓇ ᑭ ᐱᒥᓯᒣᐊᐧᐠ ᓇᐦᐃᓂᑐᐃᐧᑲᒥᑯᕽ. 30ᒫᑲ ᑭᓭᒪᓂᑐ ᑭ ᐊᐧᓂᐢᑳᓀᐤ ᓂᐳᐃᐧᓂ ᐅᐦᒋ: 31#ᐃᓯᐦᒋᑫᐃᐧᓂᐋᐧᐊᐧ 1:3ᐁᑯᓯ ᑭ ᐋᐧᐸᒥᐠ ᒥᒉᑐ ᑭᓯᑳᐤ ᐊᓂᐦᐃ ᑳ ᑭ ᐯ ᐃᐧᒉᐃᐧᑯᐟ ᒉᕒᐅᓴᓬᐊᒥᕽ, ᑳᓬᐊᓬᐃᕽ ᐅᐦᒋ ᐊᓂᐦᐃ ᐁᑲᐧ ᑳ ᐋᒋᒥᑯᐟ ᐊᔨᓯᔨᓂᓈᕽ.

32 # ᓂᑲᒧᓇ 2:7 ᑭ ᐯᑕᒫᑎᓈᐣ ᒫᑲ ᐁ ᒥᔮᐧᑐᑖᑲᐧᕽ ᐊᓂᒪ ᑳ ᑭ ᐃᓯ ᐊᓱᑕᒫᐦᒋᐠ ᐅᑖᐃᐧᒫᐊᐧᐠ, 33ᑭᓭᒪᓂᑐ ᐁ ᑭ ᐃᓯ ᑎᐱᑐᑕᒪᐋᐧᐟ ᑭᐟ ᐊᐋᐧᓯᒪᓯᓇᐊᐧ ᐁᐊᐧᑫᐧᔨᐤ, ᐊᓂᒪ ᐁ ᑭ ᐊᐧᓂᐢᑳᓈᐟ ᒋᓴᓴ; ᑳ ᐃᑕᓯᓇᐦᐃᑳᑌᐠ ᒥᓇ ᓂᓱ ᓂᑲᒧᓂᕽ, ᑭᔭ ᓂᑯᓯᐢ, ᐊᓄᐦᐨ ᑳ ᑭᓯᑳᐠ ᑭ ᑭ ᓂᐦᑖᐃᐧᑭᐃᑎᐠ. 34#ᐊᐩᓵᔭ 55:3ᒥᓇ ᐊᓂᒪ ᑳ ᑭ ᐊᐧᓂᐢᑳᓈᐟ ᓂᐳᐃᐧᓂᕽ ᐅᐦᒋ, ᐁᑳ ᐃᐧᑲᐨ ᒥᓇ ᓂᓯᐋᐧᓈᑎᓯᐃᐧᓂᕽ ᑭᑕ ᐃᓯ ᑭᐁᐧᔨᐟ, ᐅᒥᓯ ᑭ ᐃᓯ ᐱᑭᐢᑫᐧᐤ, ᑭ ᑲ ᒥᔨᑎᓈᐋᐧᐤ ᑳ ᑲᓈᑕᓂᔨᑭ ᒥᓇ ᑳ ᑫᒋᓈᑕᓂᔨᑭ ᐅ ᑭᓭᐋᐧᑐᑖᑯᐃᐧᓇ ᑌᐱᐟ. 35#ᓂᑲᒧᓇ 16:10ᒋᑫᒫ ᐃᑌᐧᐤ ᒥᓇ ᑯᑕᐠ ᓂᑲᒧᓂᕽ, ᓇᒪᐃᐧᔭ ᑭ ᑲ ᒥᔮᐤ ᑭ ᑲᓈᑎᓯᒼ ᑭᑕ ᐋᐧᐸᐦᑕᕽ ᓂᓯᐊᐧᓈᑎᓯᐃᐧᐣ. 36ᒋᑫᒫ ᑌᐱᐟ, ᐃᐢᐱ ᐃᐧᔭ ᐁ ᒣᑳᐧ ᐱᒫᑎᓯᐟ ᑳ ᐊᑐᐢᑳᑕᒫᐧᐟ ᐅ ᑲᑫᐢᑭᒥᐁᐧᐃᐧᓂᔨᐤ ᑭᓭᒪᓂᑐᐊᐧ, ᑭ ᑲᐃᐧᑲᐧᓯᐤ, ᒥᓇ ᑭ ᐃᐧᒋ ᐱᒥᓯᓄᒣᐤ ᐅᑖᐃᐧᔭ, ᐁᑯᓯ ᑭ ᐋᐧᐸᐦᑕᒼ ᓂᓯᐊᐧᓈᑎᓯᐃᐧᐣ: 37ᒫᑲ ᐃᐧᔭ ᐊᓇ ᑳ ᑭ ᐊᐧᓂᐢᑳᓂᑯᐟ ᑭᓭᒪᓂᑐᐊᐧ ᓇᒪᐃᐧᔭ ᐅᐦᒋ ᐋᐧᐸᐦᑕᒼ ᓂᓯᐊᐧᓈᑎᓯᐃᐧᐣ.

38ᑭ ᑲ ᐃᐧ ᑭᐢᑫᔨᑌᓈᐋᐧᐤ ᒫᑲ, ᓂᒋᐋᐧᒥᑎᐠ, ᐁᐊᐧᑯ ᐊᐊᐧ ᐊᔨᓯᔨᓂᐤ ᐅᐦᒋ ᑭ ᑌᐹᐧᑕᒫᑲᐃᐧᓈᐋᐧᐤ ᐊᓭᓇᒫᑯᐃᐧᐣ ᒪᒋᐃᑎᐃᐧᓇ: 39ᒥᓇ ᐃᐧᔭ ᐅᐦᒋ ᑲᐦᑭᔭᐤ ᐊᐃᐧᔭᐠ ᑳ ᑖᐯᐧᑕᐋᐧᐟ ᑲᐧᔭᐢᑲᐧᐢᑐᐋᐧᐤ ᑲᐦᑭᔭᐤ ᑫᑲᐧᐩ, ᐊᓂᒪ ᐁᑳ ᑭᑕ ᑭ ᑲᐧᔭᐢᑲᐧᐢᑕᒫᑯᔦᐠ ᒧᓯᐢ ᐅᔭᓱᐁᐧᐃᐧᐣ. 40ᐊᔮᑳᐧᒥᓯᐠ ᒫᑲ, ᑫᑲ ᓈᐣᑕᐤ ᐃᓯ ᑭ ᑲ ᐅᑎᐦᑎᑯᓈᐋᐧᐤ, ᐊᓂᒪ ᑳ ᑭ ᐃᑌᐧᒋᐠ ᐅᑭᐢᑭᐁᐧᐦᐃᑫᐊᐧᐠ;

41 # ᐦᐋᐹᑲᐠ 1:5 ᒫᑎᑲ, ᑭᔭᐋᐧᐤ ᐅᐱᐁᐧᔨᒥᐁᐧᐢᑲᐠ, ᒥᓇ ᒫᒪᐢᑳᑕᒧᐠ, ᒥᓇ ᓂᓯᐊᐧᓈᑎᓯᐠ; ᒋᑫᒫ ᓂᐟ ᐊᑐᐢᑳᑌᐣ ᐊᑐᐢᑫᐃᐧᐣ ᑭ ᑭᓯᑳᒥᐋᐧᕽ, ᐊᓂᒪ ᐊᑐᐢᑫᐃᐧᐣ ᐁᑳ ᓈᐣᑕᐤ ᐃᓯ ᑫ ᑖᐯᐧᑕᒣᐠ ᑭᐢᐱᐣ ᐋᑕ ᐊᐃᐧᔭᐠ ᐃᐧᐦᑕᒫᑯᔦᐠ.

42ᐁ ᐊᑎ ᐊᐧᔭᐃᐧᒋᐠ ᒫᑲ, ᑭ ᓇᑕᐁᐧᔨᑕᒪᐧᐠ ᐅᐦᐃ ᐊᔭᒥᐃᐧᓇ ᑭᑕ ᐃᐧᐦᑕᒫᒋᐠ ᒥᓇ ᑭᑕᐧᒼ ᐁ ᐊᑎ ᐊᔭᒥᐦᐁᑭᓯᑳᔨᐠ. 43ᐃᐢᐱ ᒫᑲ ᐊᓂᑭ ᑳ ᑭ ᒫᐊᐧᒋᐃᑐᒋᐠ ᐁᑎ ᓵᓯᐯᐧᑌᒋᐠ, ᒥᐦᒉᐟ ᐊᓂᑭ ᒍᐊᐧᐠ ᒥᓇ ᑳ ᐊᔭᒥᐦᐋᐋᐧᑎᓯᒋᐠ ᑫᐧᐢᑭᓈᑲᓇᐠ ᑭ ᐱᒥᑎᓴᐁᐧᐊᐧᐠ ᐹᓬᐊ ᒥᓇ ᐹᕒᓇᐸᓴ: ᐁᐊᐧᑲᐧᓂᐠ, ᐁ ᑭᑐᑖᒋᐠ, ᑭ ᓯᑭᒣᐊᐧᐠ ᑭᑕ ᑖᐱᑕᐁᐧᔨᑕᒥᔨᐟ ᐅ ᑭᓭᐋᐧᑎᓯᐃᐧᓂᔨᐤ ᑭᓭᒪᓂᑐᐊᐧ.

44ᑭᑖᐧᒼ ᒫᑲ ᐁ ᐊᔭᒥᐦᐁᑭᓯᑳᐠ ᑫᑳᐟ ᑲᐦᑭᔭᐤ ᐅᑌᓈᕽ ᑳ ᐊᔮᒋᐠ ᑭ ᐯ ᒫᒪᐃᐧ ᐃᑐᐦᑌᐊᐧᐠ ᑭᑕ ᐯᐦᑕᐦᑭᐠ ᑭᓭᒪᓂᑐ ᐅᐟ ᐃᑌᐧᐃᐧᐣ. 45ᒫᑲ ᐃᐢᐱ ᒍᐊᐧᐠ ᐃᐧᔮᐸᒫᒋᐠ ᐁ ᐃᓯ ᐅᓵᒣᔭᑎᔨᐟ, ᑭ ᒧᐢᑭᓀᐢᑳᑲᐧᐠ ᐃᓴᐋᐧᓇᑫᔨᒧᐃᐧᐣ, ᐁᑯᓯ ᑭ ᐊᔮᓀᐧᑕᒪᐧᐠ ᐊᓂᐦᐃ ᑳ ᐊᔨᑌᐧᔨᐟ ᐹᓬᐊ, ᒥᓇ ᑭ ᐹᐢᑖᒧᐃᐧ ᐱᑭᐢᑫᐧᐊᐧᐠ. 46ᐁᑲᐧ ᒫᑲ ᐹᓬ ᒥᓇ ᐹᕒᓇᐸᐢ ᑭ ᓱᑫᔨᒧᐃᐧ ᐱᑭᐢᑫᐧᐊᐧᐠ, ᒥᓇ ᑭ ᐃᑌᐧᐊᐧᐠ, ᑭ ᐃᑕᐢᑌᐤ ᑭᓭᒪᓂᑐ ᐅᐟ ᐃᑌᐧᐃᐧᐣ ᑭᔭᐋᐧᐤ ᓂᑳᐣ ᑭᑕ ᐃᐧᐦᑕᒫᑲᐃᐧᔦᐠ, ᒫᑲ ᐃᐧᔭ ᐁ ᒥᑖᑫᐧᓇᒫᓱᔦᐠ, ᒥᓇ ᐁ ᐃᑕᑭᒥᓱᔦᐠ ᐁᑳ ᐁ ᑌᐸᑫᔨᑖᑯᓯᔦᐠ ᑭᑕ ᐊᔮᔦᐠ ᑳᑭᑫ ᐱᒫᑎᓯᐃᐧᐣ, ᒫᑎᑲ, ᓂ ᑫᐧᐢᑭᐢᑕᐋᐧᓈᓇᐠ ᒉᐣᑖᐃᓬᐊᐠ. 47#ᐊᐩᓵᔭ 42:6; 49:6ᒋᑫᒫ ᐁᑯᓯ ᓂ ᑭ ᐃᑕᓱᐋᐧᑎᑯᓈᐣ ᑳ ᑎᐯᔨᐦᒋᑫᐟ, ᐁ ᐃᑌᐧᐟ,

ᑭ ᑭ ᐃᑕᔨᑎᐣ ᑭᑕ ᐋᐧᐢᑌᓇᒪᐊᐧᒋᐠ ᒉᐣᑖᐃᓬᐊᐠ, ᑭᑕ ᑭ ᐱᒫᒋᐦᐃᐁᐧᔭᐣ ᐃᐢᑯ ᐁ ᑳᑭᓯᐸᐢᑲᒥᑳᐠ ᐊᐢᑭ.

48ᐃᐢᐱ ᒫᑲ ᒉᐣᑕᐃᓬᐊᐠ ᐅᒪ ᐱᔦᐦᑕᐦᑭᐠ, ᑭ ᒪᒪᐦᑖᑯᓯᐊᐧᐠ, ᒥᓇ ᑭ ᑭᐢᑕᑭᑕᒪᐧᐠ ᑭᓭᒪᓂᑐ ᐅᐟ ᐃᑌᐧᐃᐧᐣ: ᑕᐦᑐ ᒫᑲ ᑳ ᑭ ᐅᔭᑭᒥᐦᒋᐠ ᑳᑭᑫ ᐱᒫᑎᓯᐃᐧᓂᕽ ᑭ ᑖᐯᐧᑕᒪᐧᐠ. 49ᑳ ᑎᐯᔨᐦᒋᑫᐟ ᒫᑲ ᐅᐟ ᐃᑌᐧᐃᐧᐣ ᑭ ᐋᑐᒋᑳᑌᐤ ᒥᓯᐁᐧ ᐃᑌ ᐁᐊᐧᑳᐧᓂᒪ ᐊᐢᑭ. 50ᒫᑲ ᒍᐊᐧᐠ ᑭ ᓯᑭᐢᑲᐁᐧᐊᐧᐠ ᐁ ᐊᔭᒥᐦᐋᐋᐧᑎᓯᔨᐟ ᐃᐢᑫᐧᐊᐧ ᑳ ᑭᐢᑌᔨᑖᑯᓯᔨᐟ, ᒥᓇ ᑭᐦᒋᔨᓂᐊᐧ ᐁᑯᑕ ᐅᑌᓈᕽ, ᐁᑯᓯ ᑭ ᐅᐯᐧᐃᐁᐧᐊᐧᐠ ᑭᑕ ᒫᔨᑐᑖᒥᐦᐟ ᐹᓬᐊ ᒥᓇ ᐹᕒᓇᐸᓴ, ᑭ ᐊᐧᔭᐃᐧᐁᐧᐱᓀᐊᐧᐠ ᒫᑲ ᐅᐟ ᐊᐢᑭᐋᐧᕽ ᐅᐦᒋ. 51#ᒫᐟᔪ 10:14; ᒫᕒᐠ 6:11; ᓬᐅᐠ 9:5; 10:11ᒫᑲ ᐃᐧᔭᐋᐧᐤ ᑭ ᐸᐸᐃᐧᓯᑌᔨᐢᑕᐁᐧᐊᐧᐠ, ᐁᑯᓯ ᑭ ᐯ ᐃᑐᐦᑌᐊᐧᐠ ᐋᐩᑳᓂᔭᒥᕽ. 52ᐁᑯᓯ ᑭᐢᑭᓄᐦᐊᒪᐋᐧᑲᓇᐠ ᑭ ᒧᐢᑭᓀᐢᑳᑲᐧᐠ ᒪᒪᐦᑖᑯᓯᐃᐧᐣ ᒥᓇ ᑳ ᑲᓈᑎᓯᔨᐟ ᐊᐦᒑᐦᑲᐧ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 13: KKMs

Highlight

Copy