Nikamowina 85
85
wāpahtihinān kisākihiwēwin, kā‑tipēyihcikēyan
otāniskē-pimātisak Korah onikamowiniwāw
1kā‑tipēyihcikēyan, kikī-kitimākēyihtēn kitaskiy;
kikī-miyopayihāwak Israelīwiyiniwak mīna kīhtwām.
2kikī-īkatēnēn kitiyinīmak omāyi-tōtamowiniwāwa
mīna kikī-kāsīnamawāwak kahkiyaw owanitōtamowiniwāwa.
3kikī-pōni-kisiwāhikwak
mīna kikī-miciminēn kikisiwāsiwin.
4kīhtwām sīhtoskawinān, kisē-manitow kā‑pimācihiyāhk,
mīna pōni-kisīstawinān!
5kika-kisiwāhitinān cī kākikē?
namōya cī wīhkāc kika-pōni-kisiwāhitinān?
6kīhtwām ēkwa miyinān maskawisīwin,
ēkwa niyanān kitiyinīmak kika-mamihcimitinān.
7wāpahtihinān kisākihiwēwin ēkāya wīhkāc kā‑kīsipipayik, kā‑tipēyihcikēyan,
mīna pimācihinān.
8nipēhtēn tānisi kisē-manitow kā‑tipēyihcikēt ē‑itwēt;
kitasotamākonaw pēyāhtakēyimowin kiyānaw otiyinīma,
kīspin ēkāya kīwētotamāhko kikakēpāci-isīhcikēwininawa.
9kēhcinā wīpac kita-pimācihēw anihi kā‑kistēyimikot,
ēkwa opimācihiwēwin nika-kisātikonān ōta kitaskīnāhk.
10sākihiwēwin ēkwa mamisīwātisiwin kita-nakiskātōmakanwa;
kwayask-itātisiwin mīna pēyāhtakēyimowin kita-micimitōmakanwa.
11ayisiyiniw owīcihiwēwin kita-ohpīmakaniyiw askīhk ohci,
ēkwa kisē-manitow okwayaskwātisiwin kita-itāpīmakaniyiw kihci-kīsikohk ohci.
12kā‑tipēyihcikēt kika-miyopayihikonaw,
ēkwa kitaskīnaw kita-miyokihcikēmakan.
13kwayaskwātisiwin kita-nīkānohtāk kā‑tipēyihcikēt
ēkwa ē‑kwayācihtamawāt mēskanaw.
Currently Selected:
Nikamowina 85: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
