Nikamowina 65
65
mamihcim mīna nanāskom kisē-manitow
onikamon David
1kisē-manitow, nahipayin kita-mamihcimitāhk Zionihk
mīna kita-kistēyihtamāhk kā‑kī-isi-asotamātāhk,
2ayisk kinatohtēn ayamihāwina.
ayisiyiniwak misiwēskamik ohci kika-pē-nātikwak
3omaci-tōtamowiniwāwa ohci.
nimāyi-tōtamowinināna nisākōcihikonān,
māka kiya kikāsīnamawinān.
4miywēyihtamwak aniki kā‑kī-nawasōnacik,
mīna kā‑pēsiwacik kita-ayācik kikihci-ayamihēwikamikohk.
nika-takahkēyihtēnān miyo-kīkway kikihci-wāskāhikanihk ohci,
mīna sawēyihcikēwina ohci kā‑kanātahk kikihci-ayamihēwikamikohk.
5kinaskwēwasiminān ē‑miyiyāhk sākōcihiwēwin,
mīna mamāhtāwi-kīkway kitōtēn kita-pimācihiyāhk.
ēkosi ayisiyiniwak misiwē askīhk
mīna akāmaskīhk kimamisītotākwak.
6kiwiyastān asinīwaciya kimaskawisīwin ohci,
ē‑wāpahtihiwēyan iyikohk ē‑sōhkisiyan.
7kikāmwācihtān kihcikamiy kā‑pēhtākwahk
mīna kā‑pitihkwēki mamahkāskāwa;
kikāmwācihāwak kā‑māyahkamikisicik ayisiyiniwak.
8kahkiyaw ōta askīhk māmaskātamwak
anihi kihci-kīkwaya kā‑kī-tōtaman.
kitōtamowina ohci tēpwēwak
ē‑mōcikēyihtahkik itē kā‑sākāstēk isko itē kā‑pahkisimohk.
9kinākatohkān askiy ē‑kimiwanihtāyan ohci;
kimiyoskamikāwihtān mīna miyo-ohpikihcikēmakan.
kisākaskinēyāpāwatān sīpīsisa,
kimiyokihtān kistikāna ōta askīhk.
ēkosi ōma ē‑isi-tōtaman:
10kwayask kikimiwanihtān ita ē‑pīkopicikātēk askiy
mīna kwayask kisāpopatān kiyōskihtān asiskiy,
ēkosi oski-kiscikānisa ohpikinwa.
11tāpwē piko kiwēyōcihtān kistikāna kimiywātisiwinihk ohci!
piko itē ē‑itohtēyan miyopayiwak.
12misiwēkāpawiwak māyatihkwak;
miywēyihtākwan yīpēhcāhk.
13misiwē ēkotē ayāwak māyatihkwak;
pasatināhk sākaskinēwi-ohpikinwa kistikāna.
kahkiyaw kīkway tēpwēmakan
mīna nikamōmakan ē‑miyawātamohk.
Currently Selected:
Nikamowina 65: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
