Nikamowina 67
67
nikamon ē‑nanāskomohk
1kisē-manitow, kisēwātotawinān mīna sawēyiminān;
kitimākinawinān,
2ēkosi ta‑kiskēyihtākwanwa kitisīhcikēwina piko itē ōta askīhk;
kipimācihiwēwi-sōhkisiwin ka‑kiskēyihcikātēw piko itē ayisiyinīnāhk.
3hāw, kisē-manitow, kiyām kahkiyaw iyiniwak kika-mamihcimikwak;
kiyām kahkiyaw iyiniwak kika-wī-mamihcimikwak!
4mahti kahkiyaw ayisiyiniwak kita-wī-miywēyihtamwak
mīna kita-nikamowak ē‑miyawātahkik,
ayisk kwayask kititasiwātāwak ayisiyiniwak
mīna kikiskinohtahāwak ē‑itahtōskānēsicik iyiniwak ōta askīhk.
5hāw, kisē-manitow, kiyām kahkiyaw iyiniwak kika-mamihcimikwak;
kiyām kahkiyaw iyiniwak kika-wī-mamihcimikwak!
6askiy kwayask ohpikihcikēmakan;
kisē-manitow, kimanitōminaw kikī-sawēyimikonaw.
7ē‑kī-sawēyimikoyahk kisē-manitow,
mahti kahkiyaw iyiniwak piko itē kita-kistēyimēwak.
Currently Selected:
Nikamowina 67: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
