Zechariah 14
14
TOPA Hong Tungin Uk
1Gal sunga na vanlakte uh note lakah a kihawm hun, TOPA hong pai ni ding hong tung ding hi.
2 Jerusalem do dingin minam khempeuh ka khawm ding hi; khuapi kila dinga, innte kilong gawpin numeite kibuan gawp ding hi. Khuapi alang salin kikai dinga, a om lai teng khuapi pan a kipaikhiatpih kei ding hi.#Isa 2:3; Zec 12:3
3 Tua ciangin TOPA kuankhia-in gal kido hun lai-a kido bangin tua minamte a do ding hi. 4 Tua ni ciangin Jerusalem nisuahna Olive Vum tungah a khe in ding dinga, Olive Vum nisuahna pan nitumna lamah phel nih kisuah in, mual alang leilu lamah kikhinin, alang leitaw lamah kikhin dinga kuampi khat a piang ding hi. 5 Azel dongah mualkuam kizalh ding ahi manin note ka mualkuam tawnin na tai ding uh hi. Judah kumpipa Uzziah hun lai-a zinlin a#14.5 Ahikeh 5 Ka mualkuam kikhaktan bangin a kikhaktan ding hi. a na tai bangun na tai ding uh hi. Tua ciangin TOPA ka Pasian hong pai dinga, a siangthote khempeuh amah tawh a paikhawm ding uh hi.#Am 1:1; Zec 9:14-15
6 Tua ni ciangin khuavak, ahi a, a vot ahikeh vuk ahi zongin a om kei ding hi. 7 Ni tangkai ni - TOPA in a theih ni khat hi dinga, sun hun, zan hun cih a om kei ding hi. Nitak hun a tun ciangin khua a vak ding hi.
8 Tua ni ciangin Jerusalem pan a nungta tui luangkhia dinga, a kimkhat nisuahna tuipi b#14.8 Tua pen Si Tuipi ah luangin a kimkhat nitumna tuipi c#14.8 Tua pen Mediterranean ah tuk tawh khal tawh a luang ding hi.#Eze 47:1-12; Jn 7:38
9 Leitung buppi ah TOPA , kumpi a hi ding hi. Tua ni ciangin TOPA khat bek om dinga, ama min bek min ahi ding hi.#Ph 22:28
10 Gamsung buppi, Geba pan Jerusalem leitaw-lam Rimmon dong Arabah tawh kibang ding hi. Ahi hangin Jerusalem kisangsakin a omna ngei-ah om dinga, Benjamin Kongpi a kipan Kongpi Masapen lampang Kiu Kongpi dong, Hananel Tausang panin kumpi lenggah sukna dong ahi hi. 11 Tua lai-ah mi teng dinga, a kisusia kik ngei nawn kei ding hi. Jerusalem a lungmuang ta ding hi.#1Ku 15:22
12 Jerusalem a do minam dangte tungah TOPA in a tunsak ding hih gimna ahi hi: A khe un a ding kimlai asa uh muatin, a mit uh a mitbu sungah muatin, a kam sunguah a leii uh a muat ding hi. 13 Tua ni ciangin TOPA in mite patauhna lianpi a vat ding hi. Khat le khat kikhutmat ding uh a, khat le khat a kilai ding uh hi. 14 Judah in zong Jerusalem ah a do ding hi. A kimkota minamte khempeuh hauhnate - ngun le kham le puante tampitak a kikhopsak ding hi. 15 Tua giahphualte a om sakolte, sakolneute, kala-ohte, laate le ganhing om khempeuh tungah tua gimna lianpi bangmah a tung ding hi.#Isa 11:4
16 Tua ciangin minamte khempeuh pana Jerusalem sima a suakta laite khempeuh Thahatpen TOPA bia dingin kum simin kuanto ding uh a, Biakbuk Pawi va bawl ding uh hi. 17 Thahatpen TOPA Kumpipa bia dingin leitunga om mite peuhmah Jerusalem ah a kuantoh kei uh leh amau gamah guah a zu kei ding hi. 18 Egypt gam mite paito-in a va kihel kei uh leh a gamuah guah a zu kei ding hi. Biakbuk Pawi a, a pai nuam lote tungah TOPA d#14.18 Ahikeh khenkhat, tuateh TOPA in a tunsak gimna mah amaute tungah a tungsak ding hi. 19 Hih in Biakbuk Pawi a sim nuam lo minamte khempeuh le Egypt-te thuak ding dan ahi hi.#2Ku 19:31
20 Tua ni ciangin sakol longte tungah TOPA TUNGAH SIANGTHO HI ci-in kigelh dinga, TOPA inn sunga beelte biakna-tau mai-a kuangkum siangthote a bang ding hi. 21 Jerusalem le Judah a bel peuhmah Thahatpen TOPA aa in siangtho dinga, biakna pia dinga paite in beel pawlkhat la ding uh a, an huanna-in a zang ding uh hi. Tua hi-a tua ni ciangin Thahatpen TOPA inn sungah Canaan mi e#14.21 Ahikeh sumbukte kicite khat zong a om nawn kei ding hi.#Pk 39:30; Ne 8:10
Currently Selected:
Zechariah 14: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
