Zechariah 13
13
Mawhna pan Siansakna
1"Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.
2 "Tua ni ciangin gamsung panin milimte min khempeuh ka phiatmang dinga tuate a kiphawkkha ngei nawn kei ding hi," Thahatpen TOPA in cikhia hi. "Gam sung panin a nin khate a kamsangte tawh ka paikhia khawm ding hi. 3 Mi khatpeuh in mailam thu a gen lai leh a pianna a nu le a pa in, ‘TOPA minin zuau phuak na hi manin na sih kul ding hi,’ ci ding uh hi. Mailam thu a gen ciangin a nu le a pate in amah dawtlum ding uh hi.#Tp 13:6-11; Jer 43:12
4 "Tua ni ciangin kamsang peuhmah in a mangmuh theihna uh a maizumpih ding uh hi. Mi a khem nadingun a kamsang samul puanpi uh zong a silh kei ding uh hi. 5 Amah in, ‘Kamsang ka hi kei hi. Lo kho ka hi-a, ka neu tunga kipan leitang kho-a kivak ka hi hi,’ c#13.5 Ahikeh lokhopa; mi khat in ka neu lai-a hong zuak ahi hi. ci ding hi. 6 Mi khatpeuh in, ‘Na pumpi tunga liammate bang hiam? d#13.6 Ahikeh na khut kikala liammate ci-a a dot ciangin, amah in, ‘Ka lawmte inn-a ka liamna hi,’ ci-in dawng ding hi.
Tuucingpa Kisatin Tuute Kithehthang
7 "Namsau aw, ka tuucingpa le
kei tawh kinai mipa do dingin tho in,"#Isa 40:11
Thahatpen TOPA in cikhia hi.
"Tuucingpa sat in
tuute kithehthang dinga,#2Sa 17:2
a note tungah ka khut ka viik ding hi.
8 TOPA in cikhia hi, "Gamsung buppi ah
sehthum suah sehnih kisattukin a kisia ding hi;
sehthum-a khat ahileh kinusia ding hi.#Eze 5:2-4; 12
9 Hih a thumna pen meikhuk ah ka khul ding hi.#Isa 4:4
Ngun siansuah bangin ka siangsak dinga,
kham bangin ka zia-et ding hi.
Amaute in ka min hong lo ding uh a,
ka dawng ding hi;
‘Amaute ka mite ahi uh hi,’ ka ci dinga#Sp 26:12
amaute in, ‘TOPA in kote Pasian ahi hi,’ ci ding uh hi."#Isa 44:5
Currently Selected:
Zechariah 13: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
