Mark 12

Lo-khawhlawhte tawh Gentehna

1Tua ciangin amah in amaute kiangah gentehnate zangin thu gen a: "Lenggui a ciing mi khat a om hi. A kimkotah dai kai-a, lengtui sukna khat toin, tausang khat a dawh hi. Tua khit ciangin a lenggui lo lokho pawlkhat khawhlawhsakin khual a zinsan hi. 2 A lak hun a tun ciangin lenggah khawm dingin lo-khawhlawhte kiangah a nasemte khat a sawl hi. 3 Ahi hangin amaute in tuapa na man uh a, satgawpin a guak ciahsak uh hi. 4 Tua ciangin amah in tuate kiangah nasem dang khat a sawl kik hi. Amaute in hih pa lu sat sakin a zahlaksak ngi-ingei uh hi. 5 Amah in zong nasem dang khat sawl kik leuleu a, amaute in tuapa a that uh hi. Nasem adang tampi a sawl hangin amaute in pawlkhat satin, adangte a that uh hi.#Isa 5:1-7

6 "Amah in a sawl theih ding a it a tapa khat a nei lai hi. A tawpkhakna ah, ‘Ka tapa zahtak buang ding uh hi,’ ci-in a tapa a paisak hi.#Heb 1:1-3

7 "Ahi hangin lo-khawhlawhte in, ‘Hih pa a gouluahpa ahi hi; hong pai un amah that ni, a luah ding teng ei aa suakpah ding hi,’ kici uh hi. 8 Tua ciangin amah manin that uh a, daipua lamah a paikhia uh hi.

9 "Tua bangin hileh lenggui lo neipa in bang a cih ding hiam? Amah hong pai-in lo-khawhlawhte thatin ama lo midangte a pia ding hi. 10 Hih Laisiangtho thu:

"‘Inn lamte nilkhiat suang inntungkhum a#12.10 Ahikeh innkiu-suang

suang a suak hi;

11 hih thu Topa hih hi a,

eite mitmuh in piandang hi,’ b#12.11 Ph. 118:22, 23 cih sim ngei lo na hi uh hiam?" a ci hi.

12 Hih gentehna amaute a langgenna ahilam thei uh ahi manin amah mat nading lampi a zong uh hi. Ahi hangin amaute in mihonpite kihta uh a, tua ciangin amah nusia-in a paimang uh hi.#Mk 11:18

Caesar tungah Siah Piakna

13 Tua nung ciangin amaute in ama thugenin amah a mat theih nadingun Pharisee-te le Herod pawlte Jesu kiangah a paisak uh hi. 14 Amaute va pai-in ama kiangah, "Sia aw, nang mi thutak khat na hi lam ka thei uh hi. Kuamah maivil nei lo na hi manin, kuama thu-in na gamta kei a, Pasian thutak tawh kizui-in na hilh hi. Tua hi-a Caesar tungah siah piak tuak hiam, piak tuak lo hiam? 15 Pia ding ka hi uh hiam, pia lo ding ka hi uh hiam?" a ci uh hi.#Mt 22:16

Ahi hangin Jesu in amaute a kineih a hina thei-a, "Bang hangin kei hong thangsiah na hi uh hiam? Denarius khat hong la unla hong veelsak dih un," a ci hi. 16 Amaute in tua sumtang a paipih uh ciangin amaute kiangah, "Hih kua lim hi-a hih kua min ahi hiam?" ci-in a dong hi.

Amaute in, "Caesar aa ahi hi," ci-in a dawng uh hi.

17 Tua ciangin Jesu in amaute kiangah, "Caesar aa te Caesar na pia unla, Pasian aa te Pasian na pia un," a ci hi.#Ro 13:7

Tua ciangin amaute in amah lamdang a sa mahmah uh hi.

Thawhkik Nunga Kitenna

18 Tua khit ciangin thawhkikna om lo hi, a ci Sadducee-te thu dong dingin Jesu kiangah a pai uh hi. 19 Amaute in, "Sia aw, Moses in, ‘Ta nei man loin a zi a sihsan pasal khatpeuh a om leh a sanggampa in tua meigongnu tenpihin a sanggampa ading tate neihsak hen,’ ci-in ko adingin na gelh hi. 20 Tu-in unau pasal sagih a om hi. A u pen in zi nei a, ta nei man loin a si hi. A nihna pa in 21 tua meigongnu tenpih a, ahi hangin amah zong ta nei man lo mah in a si hi. A thumna pa zong tua mah bang ahi hi. 22 A taktak in tua unau sagihte khat beek in ta a nei man kei uh hi. A tawpkhakna ah tua numei zong a si hi. 23 Tua ahileh tua numei in unau pasal sagih teng tenpih kim ahi ciangin thawhkik c#12.23 Khutgelh pawlkhatah thawhkikna, mite misi pan a thawhkik ciangin ciangin amah kua pen zi hi ding hiam?" ci-in a dong uh hi.#Tp 25:5,6

24 Jesu in, "Note in Laisiangtho ahi zongin, Pasian vang ahi zongin thei lo na hi manun khial hi lo na hi uh hiam? 25 Misite a thawh kik ciangin mopina le mokhakna a om kei ding hi. Amaute vana vansawltakte a bang ding uh hi. 26 Misite thawhkikna tawh kisai-in Pasian in, Moses kiangah, ‘Abraham’ Pasian, Isaac’ Pasian le Jacob’ Pasian ka hi hi,’ d#12.26 Pk. 3:6 ci-a sawlbawk laka a genna thu Moses laibu sungah sim ngei lo na hi uh hiam? 27 Amah a site Pasian hi loin a nungtate Pasian ahi hi. Note nakpi takin na khial uh hi!" ci-in a dawng hi.#2Ti 3:15-17

Thupiak Lianpen

28 Tua laitakin thukham siate lakah khat va pai-a amaute kam kinialna a za hi. Jesu in amaute hoihtakin a dawn theih lam tuapa in a theih ciangin, "Thupiakte khempeuh lakah koi a thupi pen ahi hiam?" ci-in amah a dong hi.#Lk 10:25-28

29 Jesu in, "A thupi penpen hih ahi hi: ‘Israel aw, ngai dih in i Topa eite Pasian in Topa khat ahi hi. e#12.29 Ahikeh i Topa Pasian in Topa khat bek ahi hi30 Na Topa Pasian, na lungtang khempeuh, na hinna khempeuh, na lungsim khempeuh le na thahatna khempeuh tawh it in.’ f#12.30 Tp. 6:4,531 A nihna hih ahi hi: ‘Nang le nang na ki-it bangin na vengte it in.’ g#12.31 Sp. 19:18 Hihte gel sanga lianzaw thupiak khat beek a om kei hi," ci-in a dawng hi.

32 Tuapa in, "Sia aw, na gente ahi takpi ahi hi. Pasian khat bek hi-a, amah longal Pasian dang a om kei hi, na cih a maan hi. 33 Na lungtang khempeuh, na theihna khempeuh le na thahatna khempeuh tawh amah it ding le nang le nang na ki-it banga na vengte na it ding pen meihal biakna buppi le biakpiaknate sangin thupizaw mah hi," ci-in a dawng kik hi.#Tp 4:35

34 Jesu in tuapa in pilna tawh dawng cih a theih ciangin ama kiangah, "Nang Pasian gam tawh na kigamla kei hi," a ci hi. Tua-a kipan kuamah in thu dang a dong ngam nawn kei uh hi.

Christ Kua Tapa Hiam?

35 Biakinntualte ah Jesu in thu a hilh laitakin, "Christ a#12.35 Ahikeh Messiah pen David Tapa hi, ci-in bangci a thukham siate in gen thei uh ahi hiam? 36 David mahmah in:

"Topa in ka Topa kiangah:

‘Na galte khempeuh

na khe nuai-ah ka koih matengin ka taklamah na tu in’"

ci-in Khasiangtho in na pulakkhia khin hi. b#12.36 Ph. 110:1

37 "Amah pen David mahmah in ‘Topa’ ci ahileh bangci in ama tapa hi thei ding hiam?" ci-in a dong hi.

Mihon tampite in lungkimtakin ama thugen a ngai uh hi.#Jn 12:9

38 Tua bang a hilh kawmin Jesu in, "Thukham siate panin na kikem un. Amaute puantual deldal silhin vak kawikawi nuam uh a, vanzuakna munte ah pibawl ding a ut uh hi. 39 Synagogue-te sunga tutna thupi pente ah tu nuam diakin, pawite ah pahtawina munte ah a tu nuam uh hi. 40 Amaute in meigongte inn netum uh a, kineih khemin sauvei pipi thu a ngen uh hi. Tua bang mite a nasia penin kigawt ding hi," a ci hi.#Lk 11:43

Meigongnu Sumpiak

41 Sumpi khiatna mun mai-ah Jesu tu-in mihonpite in biakinnpi sumkholna sunga amau sumpi a khiat uh a vil hi. Sumhau tampi in sum tampipi a khia uh hi. 42 Ahi hangin azawng meigongnu khat va pai-a sum c#12.42 Greek in kodrantes tawmkha bek a man sumsan d#12.42 Greek in lepta nih tangneu nih a khia hi.#2Ku 12:9; Jn 8:20

43 Jesu in a nungzuite ama kiangah sama, "Thutak kong geninah, hih a zawng meigongnu in midang teng khempeuh sangin sumkholna ah tam a khia zaw hi. 44 Amaute in a hauhna lak panun a pia uh hi; tuanu in ahileh a zawnsa pipi-in ama kivak nadinga a neih khempeuh a khia hi," a ci hi.#2Co 8:12

Currently Selected:

Mark 12: ZIV

Highlight

Copy