Popular Bible Verses from Mark 12

Share

Jesu in, "A thupi penpen hih ahi hi: ‘Israel aw, ngai dih in i Topa eite Pasian in Topa khat ahi hi. e Na Topa Pasian, na lungtang khempeuh, na hinna khempeuh, na lungsim khempeuh le na thahatna khempeuh tawh it in.’ f A nihna hih ahi hi: ‘Nang le nang na ki-it bangin na vengte it in.’ g Hihte gel sanga lianzaw thupiak khat beek a om kei hi," ci-in a dawng hi.

Jesu in a nungzuite ama kiangah sama, "Thutak kong geninah, hih a zawng meigongnu in midang teng khempeuh sangin sumkholna ah tam a khia zaw hi. Amaute in a hauhna lak panun a pia uh hi; tuanu in ahileh a zawnsa pipi-in ama kivak nadinga a neih khempeuh a khia hi," a ci hi.

Sumpi khiatna mun mai-ah Jesu tu-in mihonpite in biakinnpi sumkholna sunga amau sumpi a khiat uh a vil hi. Sumhau tampi in sum tampipi a khia uh hi. Ahi hangin azawng meigongnu khat va pai-a sum c tawmkha bek a man sumsan d tangneu nih a khia hi.

Na lungtang khempeuh, na theihna khempeuh le na thahatna khempeuh tawh amah it ding le nang le nang na ki-it banga na vengte na it ding pen meihal biakna buppi le biakpiaknate sangin thupizaw mah hi," ci-in a dawng kik hi.

Tua ciangin Jesu in amaute kiangah, "Caesar aa te Caesar na pia unla, Pasian aa te Pasian na pia un," a ci hi. Tua ciangin amaute in amah lamdang a sa mahmah uh hi.