Popular Bible Verses from Mark 13

Share

Keima hangin mi khempeuh in note hong mudah ding uh hi. Ahi zongin a bei dongin a kipte kihonkhia ding hi.

Kigingsa-in om un! Kigalging un! c Tua hun cik ciangin hong tung ding cih na thei kei uh hi.

Note hong kimanin thu hong kisit peuhpeuh ciangin, bang ka gen ding hiam, ci-in ama-in lunghimawh khol kei un. A gen ding no hi loin Khasiangtho hizaw ding ahi manin tua huna hong kipia peuhpeuh na gen lel un.

Van le lei a mangthang ding hi; ahi zongin ka thu a mangthang ngei kei ding hi.

"A ni ahi zongin a hun ahi zongin kuamah in a thei kei hi; vantunga vansawltakte nangawn in a thei kei uh hi; Tapa in zong thei lo a, ahi zongin Pa khat bek in a thei hi.

Galthu le galthuthang na zak uh ciangin na patau nai kei un. Tua bangte a piang pelmawh ding mah ahi hi. Ahi hangin hun beina hi nai lo hi.

"Tua ahi ciangin inn neipa a tun kik ding hun—nitak hi ding hiam, zankim laitak hi ding hiam, akkhuan hi ding hiam, phalvak ciang hi ding hiam, cih thei lo na hi manun na vil gige un. Amah thakhatin hong tung vat leh ihmusa a na om laitak uh kituaksak kei un. Note kianga kong cih bangin a kuamahpeuh kiangah: ‘Vil un!’ ka ci hi," a ci hi.

Mi nam khat le nam khat kido dinga, gam khat le gam khat a kido ding uh hi. Mun tuamtuam ah zin lingin kialpi a tung ding hi. Hihte khempeuh nausuahnat kipatna ahi hi.

Minamte khempeuh tungah lungdamna-thu kihilh masa pelmawh ding hi.

Keima minin mi tampi hong pai ding uh a, ‘Keimah in amah ka hi hi’ ci teltalin mi tampi a khem ding uh hi.

Note kigingsa in om pelmawh un. Tualsung vaihawmte khutah note hong ap ding uh a, synagogue-te sungah hong sat ding uh hi. Keima hangin gam-ukte le kumpite mai-ah teci in na ding ding uh hi.

Ahang in, Christ zuaute le kamsang zuaute hong kilang ding uh a, hi thei hi leh teelsate nangawn a khem nadingun limte le nalamdangte a bawl ding uh hi.

"Ahi hangin tua lungdon nite khit ciangin, " ‘ni kimialsak dinga, kha a tang nawn kei ding hi; van panin aksite kiasuk dinga, van-a om nate kilingsak ding hi.’ a