Mark 11

Gualzo-a Lutna

1Amaute Jerusalem zuana a pai laitak, Olive Vum panga om Bethphage le Bethany a tun uh ciangin Jesu in a nungzuite nih a mapaisak hi. 2 Amah in amaute kiangah "Na mai-ua khua ah pai le uh cin na lut phetun kuama tuan ngei nai lohna laano khat a kikhih na mu ding uh hi. Sut unla hong paipih un. 3 Mi khatpeuh in, ‘Bang hangin hih banga hih na hi uh hiam?’ ci-a hong dot leh, ‘Topa in a deihna om hi; hong puak kik pah ding hi,’ ci un," ci-in a sawl hi.#Mt 21:1; Lk 19:29; Jn 12:12

4 Amaute pai uh a inntual kong pualam kongzinga kikhih laano khat a mu uh hi. Amaute in a sut laitakun 5 tua lai-a ding mi pawlkhat in, "Bang dinga tua laano sut na hi uh hiam?" ci-in a dong uh hi. 6 Amau gel in Jesu hilhsa bangin a dawn uh ciangin tua mite in amaute a paisak uh hi. 7 Tua laano Jesu kiang a tunpih uh ciangin a tungah a puantualpite uh phah uh a, amah a tungah a tu hi. 8 Mi tampi in a puantualpite uh lampi ah a phah uh hi. Pawlkhat in gamlak singhiangte khiakin lampi ah a phah uh hi. 9 A nung le a mai-a pai mihonpite in,

"Hosanna!" a#11.9 Hebrew pau in "Honkhia!" tua pen phatna kammal suak hi; tg.10 ah zong

"Topa min-a hong paipa in thupha a ngah hi!" b#11.9 Ph.118:25,26

10 "Hong tung ding i pa David kumpi gam in thupha a ngah hi!"

"A sangpenna munah Hosanna!" ci-in a awng uh hi.

11 Jerusalem ah Jesu lutin biakinnpi ah a pai hi. Amah in na khempeuh en kawikawi a, ahi hangin khuanung lua ta ahi manin Sawm-le-nihte tawh Bethany ah a pai uh hi.

Jesu in Biakinnpi Hahsiang

12 A zing ciangin Bethany nusia-a a pai laitakin Jesu a gil kial hi. 13 Theikung a teh pha khat a galmuh ciangin, a gah kha hiam cih en dingin a va pai hi. Thei gah hun hi lo ahi manin thei phung a tun ciangin a teh simloh bangmah a om kei hi. 14 Tua ciangin amah in theikung kiangah, "Kuamah in na gah ne ngei nawn kei ta hen," a ci hi. A nungzuite in tua a cih a za uh hi.#Mt 21:18; Lk 13:6-9

15 Jerusalem a tun uh ciangin biakinnpi huangah Jesu lut-a, tua lai-a sum lei sum zuakte a hawlkhia hi. Sum khengte sabuaite le vakhu zuakte tutphahsaute sawnthalsak gawpin, 16 biakinntualte ah sumbuk van paipih ding kuamah a phal kei hi. 17 Amah in amaute hilh a,

" ‘Ka inn, minamte khempeuh thungetna inn

kici ding hi,’ c#11.17 Isa. 56:7 ci-in kigelh hi lo ahi hiam?

Ahi hang-in note in ‘misuamte kua’ d#11.17 Jer. 7:11 na suaksak tazen uh hi," a ci hi.

18 Siampi makaite le thukham siate in hih thu a zak uh ciangin Jesu a thah theih nading uh lampi a zong uh hi. Ahang in, mihonpite khempeuh in ama thuhilhna lamdang sa mahmah uh ahi manin amaute in amah a kihta uh hi.#Mt 21:46

19 Nitak lam ciangin amaute e#11.19 Khutgelh masa pawlkhatah amah khuapi pualamah a paikhia uh hi.#Lk 21:37

Theikung Dinggaw

20 A zingsang ciangin amaute a pai laitakun tua theikung a zunga kipan a dinggaw-a om a mu uh hi. 21 Peter in phawka Jesu kiangah, "Rabbi aw, en in! Na hamsiat theikung dinggaw hi!" a ci hi.

22 Jesu in, "Pasian muang f#11.22 Khutgelh masa pawlkhatah upna na neih leh un. 23 Thutak kong geninah, mi khatpeuh in hih mualpi kiangah, ‘Pai inla tuipi sungah kipai in,’ ci-in lunghei loin a cih bang piang ding hi, ci-a a up leh ama cih bang tektekin a piang ding hi. 24 Tua ahi manin ken kong geninah, na nget peuhpeuh uh ka ngah khin hi, ci-a na up uh leh na ngah ding uh hi. 25 Thungena na din laitakin mi khatpeuh tungah lungkimlohna na neih leh vantunga om na Pa in na mawhnate g#11.25 Khutgelh pawlkhatah mawhnate hong maisak theih nadingin tuapa na maisak in. 26 Ahi zongin na maisak kei uh leh vantunga om na Pa un no mawhnate hong maisak lo ding hi," h#11.26 khut gelh pawlkhat in tg. 26 nei lo hi. ci-in a dawng hi.#Mt 21:21

Jesu Thuneihna Kidong

27 Amaute Jerusalem tung kik uh a, biakinnpi tualte ah Jesu a vak kawikawi laitakin siampi makaite, thukham siate le upate ama kiangah a pai uh hi. 28 Amaute in, "Bang thuneihna tawh hihte hih na hiam? Hihte hih nading thuneihna kua in hong pia hiam?" ci-in a dong uh hi.#Mt 21:23

29 Jesu in, "Kei zong khat kong dong ding hi. Hong dawng un; tua ciangin ken zong bang thu neihna tawh hihte hih ka hi hiam, cih kong gen ding hi. 30 John baptisena koi pana hong pai ahi hiam? Vantung pan hiam, mihing tung pan hiam? Hong gen dih un!" ci-in a dawng hi.

31 Amaute kikum uh a, "Vantung pan hi,’ ci leng, ‘Tua ahileh bang hangin amah um lo na hi uh hiam?’ hong ci ding hi. 32 Ahi hangin ‘Mihing tung pan hi,’ ci leng lah..., (John pen mi khempeuh in kamsang taktakin sang uh ahi manin amaute in mipite a kihta uh hi.)" a ci uh hi..

33 Tua ciangin amaute in, "Ka thei kei uh hi," ci-in Jesu a dawng uh hi.

Jesu in, "Kei zong bang thuneihna tawh hihte ka hih cih kong gen kei ding hi," a ci hi.

Currently Selected:

Mark 11: ZIV

Highlight

Copy