Matthieu 20
20
1Mbata béh kö ke dara to tokou ndjè kei ke téh daka ke sindò ta doudjou ndjè kouladjé mbata ndòò kake ndouou la.
2Gè té nè ndiki gè kedè mbata narè denier kada ke ndò kada, nè naredè dao mè ndòò kake ndouou té la.
3Tokou kade ï dél ase mouta nè nao daka, nè no mare dooudjé ke arr nata té ba.
4Nè mpa naredè, Abidjé mè ndòò kake ndouou té tò, ke ma ma karesè né ke to gaté gaté. Tokou ban dèdè dao.
5Tokou nè nao daka mare bai tokou kade arr dana ase misä, ke tokou kade tél ase djikada, nè nda deo kadaba.
6Ke lowoul té tokou kade ase dòkou gérè kada nè nao daka, nè no maredjé arr ba, nè mpa naredè, Mbata di a sésè arridjé ba nèn kade toï wa?
7Dèdè mpa darè, Mbata doou kada aredjè koula ang. Nè mpa naredè, Abidjé mè ndòò kake ndouou té tò.
8Tokou kade woei mbä, ndjè ndòò pa are doou ke ndjè ngem né la, Ebar ndjè kouladjé aredè kouka lodè, ounkotè ke ndjè ke goukou nderèng ndjè ke dongor.
9Tokou dèdè ke dao koula té ngosi ke kade dòkou gérè kada ndé, dèdè kada kada toï dinga narè denier kada.
10Bana tokou ndjè ke dongor dé, dèdè dedjina da kinga marè wota, a dèdè kada kada toï dinga narè denier kada.
11Tokou dèdè dinga narè lodè, dèdè mmaitar ke ndjè kei.
12Dèdè mpana, Ndjè ke goukou da koula kade ngadjiba ke i aredè ndé naaté kedjè, djèdjè ke djoto né dan kade té toï tokou loou tounga.
13A nè ntél tar nare kada horodè té mpana, Nam, mam nda sei madjang ang, i ndiki gè sem mbata narè denier kada ang wa?
14Etaa né ke to loi, ao. Mam ndiki ta kare ndjè ke goukou deo kadaba tokou ma mari.
15Ma mase da né ke mem ndiki ke né ke to né lom ang wa? Aséh kemi to madjang mbata mam nda madji wa?
16Tokou ban ndjè ke goukou a to ndjè ke dongor, ke ndjè ke dongor a to ndjè ke goukou.
17Tokou Jésus ao ta kao Jérusalem té, nè mmar ndjè kao gè tédjé dòkou gérè djo loou té ke dang, nè mpa naredè ke deo,
18Woidjé, djèdjè djao Jérusalem té, ke da kila Ngon lo doou dji tokou ndjè kòrdjé té ke ndjè da maketourou ndedjidjé, dèdè da gange saria yo dè té.
19Dèdè da kilè dji Gentildjé té ta karedè nkoukè, ke ta koundè, ke ta tòlè kake dèse té, a na kï ke ndò ke mouta.
20Bana ko ngan lo Zébédée dé rò Jésus té ke nganè ke dingao, nè nongou mekedjé gòlè ndè té, nè ndoudjè mbata mare né.
21Jésus pa arè, I ndiki di wa? Nè mpa nare Jésus, Epa ta kare nganem ke dingao djo nèn, kada ta kisi do dji té ke kòl, ke kada do dji té ke gèl mè béh ko té loi.
22Jésus tél tar pana, Sésè egeridjé né ke sésè edoudjidjé ang. Sésè asidjé ta kaih ke ngonarè ke ma ma kaih wa? Dèdè mpa darè, Djèdjè djase.
23Nè mpa naredè, Sésè a kaihdjé ke ngonarè lom, a ta kisi do dji kòlem té ke do dji gèlem té to tar lom ta kare ang, to mbata lodè dèdè ke Bòi da loou tokou ban mbata lodè.
24Tokou dèdè dòkou do tar nèn, mèdè toodè nya ke ngaköna ke djo nèn.
25Jésus bardè dé rè té pana, Sésè egeridjé mbaidjé lo Gentildjé waadè ngeng, ke tokou dooudjé lodè pa ngeng.
26A to tokou ban horosè té ang, nè ke ndiki ta dé bo wota horosè té, nè nase kisi ngonlokisi losè.
27Nè ke ndiki ta dé doou ke dongor horosè té, nè nase da bere losè.
28Deo kadaba tokou Ngon lo doou dé ta kare nda ngonlokisi la ang, a ta da ngonlokisi, ke ta kare tébe la tokou lo andé ta kouka né dooudjé nya.
29Tokou dèdè ntéh daka béh Jericho té, dooudjé ke baya baya ao gè té.
30Wo, dooudjé ke ndjè kem tòdjé djo isi mbòr deo té. Tokou dèdè do ke mbidè Jésus ao ndai, dèdè mpa ke tarr, Mbaibé Seigneur, Ngon lo David, eda mè madji kedjè.
31Dooudjé ke baya bayan lé ndangedè, mpa daredè ta kare disi tadè moundou, a dèdè mpa ke tarr wota, Mbaibé Seigneur, Ngon lo David, eda mè madji kedjè.
32Jésus arr loou kada, bardè pana, Sésè ndikimdjé ta kare nda di maresè wa?
33Dèdè mpa darè, Mbaibé Seigneur, are kemdjè teï.
34Jésus da mè madji, nè nòrou kemdè, loshénè loshénè dèdè do loou, ke dèdè dao gè té.
Currently Selected:
Matthieu 20: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
