Matthieu 18
18
1Ndò té ke nou, ndjè kao gè tédjé dé rò Jésus té pana, Na bo wota maredjé mè béh kö té ke dara wa?
2Nè mmar ngon kada nare dé rè té, nè nilè horodè té.
3Nè mpana, Tokoro ma mpa maresè, tokou sésè etouridjé ta dé tokou ngandjé ang, sésè a kabidjé mè béh kö té ke dara ndò kada ang.
4Doou ke da nè ndja ngadji tokou lo ngon nèn, nè mbo nouta maredjé mè béh kö té ke dara.
5Doou ke taa ngon kada tokou ban ke rim, ntaam.
6A doou ke ere ngon ke ngadji kada horodè té ke wo mèa té sem ta kare nda né ke madjang, to madji wota mbata la ta tò tokou biri err gòsè té, ta karè noei mè tokou man té.
7Ongou ö nange nèn mbata tar kere koso. Mbata tar kere ase ta dé a madjang dò doou té ke are tar kere dé deo té la ndja.
8Tokou dji aséh gòli eri ta kari da madjang, egangè, ilè deo eo sei, to madji wota mbata loi ta kinga tébe ke ròi ke dji ke kada aséh ròi ke oso mete, wota ta kare dilai kem pourou té ke ke ndò ke ndò ke dji djokem aséh ke gòli djokem.
9Tokou kemi eri ta kari da madjang, etò kemi ke dang, ilè deo eo sei, to madji wota mbata loi ta kinga tébe ke kemi kada, wota ta kare dilai kem pourou té ke kemi djokem.
10Ngemidjé madji ta kare sésè mbetidjé kada lo ngandjé ke ngadji nèn ang, mbata ma mpa maresè, angedjé lodè ke dara wo kem Bòi ke ndò toï, nè ke néh dara.
11Mbata Ngon lo doou dé ta kadji né ke nai mbä.
12Sésè edjidjé di wa? Tokou doou kada éh ke batidjé dòdòkou, ke mare kada lodè nai, nè nïya batidjé ke dòdjikada gérè djikada do err té, nè nao nsange yéh ke kada ke nai ang wa?
13Tokou nè ningè, tokoro ma mpa maresè, mèa koukou nya mbata yéh ke kada wota dèdè dòdjikada gérè djikada ke nai ndò kada ang.
14Bana Bòsésè ke éh dara ndiki kada lo ngandjé ke ngadji nèn ta kwoei ang.
15Tokou ngokoi ke dingao da madjang sei, ao tòdjè né ke madjang la horosè té sei sa djo ba. Tokou nè no tar loi, i inga ngokoi mbä.
16Tokou nè no ang, are mare kada aséh djo ao sei ta kare tar kada kada toï dé to tar ke tokoro, deo té lo tar nadji lo ndjè nadjidjé djo aséh mouta.
17Tokou nè mbeté ta ko tar lodè, etòdjou tarè kei Allah, tokou nè mbeté ta ko tar kei Allah ndja, are nè nto tokou Gentil aséh ndjè taa narè lʼimpôt kemi té.
18Tokoro ma mpa maresè, né ke sésè etoidjé ke nange nèn, da to ke dara, né ke sésè etouridjé ke nange nèn, da toutou ke dara.
19Ma mpa maresè mare bai, tokou maredjé djo horosè té ke nange nèn ndiki gè mbata mare tar kada ke dèdè ndoudjou, Bòi ke éh dara a da né karedè.
20Mbata loou té ke dooudjé djo aséh mouta mbòna ke rim, ma méh horodè té nou.
21Bana Pierre dé rè té pa arè, Mbaibé Seigneur, ngoköm ke dingao ase da sem né ke madjang gar ban wa ke ma mïya marè? Ase gar shiri wa?
22Jésus pa arè, Ma mpa mari gar shiri ang, a gar dòshiri gérè shiri.
23Tokou ban béh ko ke dara asena ke mare mbaibé kada ke ndiki ta kouka tar lo nganlokisidjé la.
24Tokou nè nounkotè ta toura, ndé rè té ke ngonlokisi kada ke baange dè té to narè talent dourou dòkou.
25Mbata nè nase kouka pi, ebèèdjè pa ta kare ndokè ke dènè la ke nganè ke né toï ke to dja té, ta kouka né baange la.
26Bana ngonlokisi oso nange ke mekedjé gòlè, ndoudjè nya, Ebemdjè, ngebe ke mè ke dèkèkè, ma ma koukai né toï.
27Mbata mè madji dè mbata ngonlokisi la, ebèèdjè ïya baange dè té.
28A ngonlokisi nèn tokou nè nao daka, nè no mare ngonlokisi ke horodè té ke tounè ngan narè dòdòkou, nè nwaa gòsè mpana, Ouka baange loi.
29Bana ngonlokisi nèn oso nange, ndoudjè nya mpana, Ngebe ke mè ke dèkèkè, ma ma koukai bai.
30Nè mbeté, nè nao nilè mè kei koula té sar nè na kouka baange.
31Tokou nganlokisidjé horodè té wo né ke nda nèn, ongou dadè nya, dèdè dao ntòdjou ebèèdèdè né toï ke nda nèn.
32Bana ebèèdjè barè arè ndé rè té, mpa narè, I ngonlokisi ke madjang, ma mïya baange loi toï mbata i da ròi to ndoo nya.
33To tar loi ta da mè madji ke ngonlokisi mari horosè té ang wa, deo kadaba tokou mam nda mè madji sei?
34Mbata ongou da ebèèdjè, nè nilè dji ndjè ngem kei koula té sar nè na kouka baange la toï.
35Tokou ban Bòi ke dara a da karesè kada kada toï, tokou sésè ïyaidjé tar lo ngokösè ke mèsè ang.
Currently Selected:
Matthieu 18: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
