Jean 9
9
1Tokou nè nao ndai, nè no doou kada ke doudjè to ndjè kem to.
2Ndjè kao gè tédjé doudjè, pana, Ndjè tòdjou tar, doou di a da né ke madjang, doou nèn aséh bèdjè aséh këndjè, a doudjè to ndjè kem to wa?
3Jésus tél pana, Doou nèn aséh bèdjè ke këndjè nda né ke madjang ang, yèn to baa ta kare tòdjou né koula lo Allah ke daka mèa té.
4To tar lodjè ta da koula lo nè ke noulam, tokou kade nai bai, mbata til a dé ke doou kade ase da koula kendé ang.
5Tokou ma méh nange nèn, mam nto lokarè ke nange nèn.
6Tokou nè mpa ban mbä, nè ntiwëré nange nda to ba berre, nila ba berre nèn kem doou tén.
7Nè mpa narè, Ao etoko man Siloé, yèn pana, Doula mbä. Tokou ban nè nao ntoko mbä, nga nao ntél a no loou.
8Tokou ban dooudjé ke nin kei marè, ke mare dooudjé ke woè leo to ndjè né koi, dèdè mpana, Yèn to nè ke nisi to ndjè né koi lé ang wa?
9Maredjé pana, Yèn to nè ndja, maredjé pana, To nè ang, nga doou nèn wo to nè ndja. Nè mpana, Ma ndja san.
10Tokou ban dèdè mpa darè, Nteï kemi to di wa?
11Nè ntél mpana, Doou ke mmarè na Jésus, nè nda ba berre nila kem té, ke nè mpa sem, mpana, Ao man Siloé, ao etoko. Tokou ban mao ntoko, nga moun koutou ko loou.
12Dèdè mpa darè, Nè néh da wa? Nè mpana, Mam ngeré ang.
13Dèdè ndé sa, nè ke nto ndjè kem to leo, darè Pharisiendjé.
14Ndè to ndò sabbat ke Jésus da né ba berre teï né kèmè.
15Tokou ban Pharisiendjé doudjè to ke siki, nè no loou to di wa? Nè mpa naredè, Nè nila ba berre kem té, ke mao ntoko mbä, ke mo loou.
16Tokou ban maredjé horo Pharisiendjé té pana, Doou nèn ï rò Allah té ang, mbata nè ngem ndò sabbat ang. Maredjé pana, Doou ke ndjè né da ke madjang ase ta da né mori ke nè nda to di wa? Tokou ban tar tina ï horodè té.
17Tokou ban dèdè ntél mpa ke ndjè kem to bai, I pana di tar la, mbata nè nteï kemi wa? Nè mpana, Nè nto prophète.
18Tokou ban Juifdjé mbeté tar la, nè ke nto ndjè kem to leo, nè ke no loou bashénè, randang dèdè mmar bèdjè dè ke këndjè nè ke no loou bashénè.
19Dèdè ndoudjoudè, mpana, Doou nèn to ngonsè ke epaidjéna oudjèdjé to ndjè kem to wa? Nè no loou bashénè to di wa?
20Bèdjè dè ke këndjè ntél tar, mpana, Djèdjè ngeré to ngondjè ke djoudjè to ndjè kem to,
21A djèdjè ngeré tar ko ke no loou bashénè ang, ke djèdjè ngeré doou ke teï kèmè ang. Edoudjèdjé, nè nto doou ke tokou dang, nè ndja na pa tar la.
22Bèdjè dè ke këndjè mpa ban mbata nda bel lo Juifdjé, mbata Juifdjé oubou ròdè dongor, pana, Tokou bo doou ke pa ke daka nè nto Christ, a da kila ndjè daka giri kei Allah té.
23Mbata tar nèn bèdjè dè ke këndjè mpana, Nè nto doou ke tokou dang, edoudjèdjé.
24Tokou ban Pharisiendjé barè, doou ke to ndjè kem to leo, gar djo mpa darè, Òsou gadji Allah, djèdjè ngeré doou nèn to doou ke ndjè né da ke madjang.
25Tokou ban doou nèn tél pana, Tokou nè nto doou ke ndjè né da ke madjang mam ngeré ang. Mam ngeré né kada nèn, leo mam nto ndjè kem to, a bashénè ma mo loou.
26Tokou ban dèdè mpa darè, Di a nè nda sei wa? Nda to di a nteï kemi wa?
27Nè ntél mpa naredè, Ma mpa maresè loshénè bai nèn, sésé woidjé ang, mbata di a ndikidjé ta ko bai wa? Sésè ndikidjè ta dé to ndjè kao gè tédjé dem wa?
28Dèdè ntadjè, mpana, I to ndjè kao gè té, a djèdjè nto ndjè kao go Moïse té.
29Djèdjè ngeré Allah pa tar ke Moïse leo, a doou nèn, djèdjè ngeré loou ke nï kendé ang.
30Doou nèn tél pa aredè, Né nèn ta da baa ta kare mè dooudjé ounda do biä, mbata sésè egeridjé loou ke nï kendé ang, a nè nteï kem mbä.
31Djèdjè ngeré Allah wo tar lo doou ke ndjè né da ke madjang ang. Tokou bo doou doudjou Allah ke da né ke nè ndiki, Allah wo tar la.
32Leo ke dongor nange ounkotè, doou wo mare doou ke teï kem doou ke doudjè to ndjè kem tò ndò kada ang.
33Tokou doou nèn ï rò Allah té ang, ndjè a kase ta da né kada ang.
34Dèdè ntél mpa darè, Doudji ke né ke madjang, i ata tòdjoudjè tar wa? Tokou ban dilè daka.
35Jésus wo na dilè daka mbä. Tokou nè ningè, Jésus pa arè, pana, Wo mei té ke Ngon lo Allah wa?
36Nè ntél tar mpana, Nè nto doou di wa, Mbaibé, baa ta karem mo mem té sa wa?
37Jésus pa arè, I woè mbä, yèn to nè ke nao mpa sei tar loshénè nèn.
38Nè mpana, Mbaibé Seigneur, ma mo mem té, ke nè nwalè.
39Jésus pana, Mam ndé nange nèn ta gange saria, ta kare dooudjé ke wo loou ang ase ta ko loou, a ta kare dooudjé ke ndjè ko loou ase dé to ndjè kem tòdjé.
40Dooudjé lo Pharisiendjé ke éh sa, dèdè do tar nèn, mpa darè, Djèdjè nto ndjè kem tòdjé tò wa?
41Jésus pa aredè, Tokou bo sésè etoidjé ndjè kem tòdjé, sésè éhdjé ke né ke madjang ang, a ke epaidjéna, sésè woidjé, tokou ban né ke madjang losè nai ba.
Currently Selected:
Jean 9: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
