Psalmyn 14
14
PSAL. 14.
Dixit insipiens.
1Ta’n ommydan er ghra ayns e chree:
Cha vel Jee erbee.
2T’ad er jeet dy ve feer vee-chrauee, as dwoaiagh ayns nyn yannoo:
cha vel unnane erbee ta jannoo dy-mie, cha vel unnane.
3Yeeagh y Chiarn neose veih niau er cloan gheiney:
dy akin row veg jeu yinnagh toiggal, as shirrey lurg Jee.
4Agh t’ad ooilley er gholl magh ass y raad, t’ad ooilley-cooidjagh er jeet dy ve feohdoil:
cha vel unnane ta jannoo dy-mie, cha vel eer unnane.
5Ta’n scoarnagh oc oaie foshlit; lesh nyn jengey t’ad er volley:
ta pyshoon ard-nieughyn fo nyn meillyn.
6Ta’n beeal oc laane dy ghweeaghyn as dy herriuid:
ta ny cassyn oc tappee dy gheayrtey fuill.
7Ta toyrt-mow as mee-vaynrys ayns nyn raaidyn, as raad y chee cha bione daue:
cha vel aggle erbee dy Yee roish nyn sooillyn.
8Vel veg y tushtey oc, dy vel ad ooilley myr shoh cur rish olkys:
gee seose my phobble myr arran, as cha vel ad geamagh er y Chiarn?
9Shen y raad v’ad er nyn goyrt lhieu ayns aggle vooar, dy-jarroo raad nagh row veg yn aggle:
son ta Jee ayns sheeloghe y sleih cairal.
10Er nyn son euish, ta shiu er n’yannoo craid er coyrle y voght:
er-yn-oyr dy vel eh coyrt e hreishteil ayns y Chiarn.
11Quoi ver Saualtys da Israel magh ass Sion? Tra ta’n Chiarn chyndaa cappeeys e phobble:
eisht gowee Jacob boggey, as bee Israel gennal.
Currently Selected:
Psalmyn 14: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
