Psalmyn 13
13
PSAL. 13.
Usque quo, Domine.
1Caid nee oo m'y yarrood, O Hiarn, nee son dy-bragh? caid nee oo follaghey dt’eddin voym?
2Caid nee’m coyrle y hirrey ayns m’annym, as ve cha seaghnit ayns my chree:
caid vees my noidyn boggyssagh harrym?
3Smooinee orrym, as eaisht rhym, O Hiarn my Yee:
soilshee my hooillyn, nagh gadlym ayns baase;
4Er aggle dy jir my noid, Ta mee er gheddyn y varriaght er:
son my vee’m er my hilgey sheese, nee adsyn ta dy my heaghney boggey ’ghoaill jeh.
5Agh ta my hreishteil ayns dty vyghin:
as nee my chree boggey ’ghoaill ayns dty haualtys.
6Nee’ms arrane y ghoaill jeh’n Chiarn, son dy vel eh er ghellal rhym er aght cha graihagh:
dy-jarroo ver-ym moylley da Ennym y Chiarn smoo Ard.
Currently Selected:
Psalmyn 13: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
