Sawmus 36
36
Uhokri gabay kiyeste ariw waxri imuwadnene
1Avit hiyeg taraksevye giyakni awnih adahan ig taraksa akiw. Ig ka avis gibohri Kiyavwiye Uhokri aynesnima.
2Ig givewkan ku ig kibeyne hiyeg. Git kuri yuma pahavwinema hiyeg hiyap gitaraksan. Git gitaraksan ka sam.
3Ig awna iwit he mbaykanenwa he kinisakanenwa. Ig yuma gihiyekemni adahan ig kannu keh kabayka.
4Avit ig kannikaw ariw gisivamna ayipa ig ivegmina gihiyekemni adahan kehne mbayka. Ig ku ahegbet ginetni kuwis adahan ig kehne ku pariye kane wadit. Ig ka tukuhwekere ariw gikehni mbayka.
5 Pisme ka henema, Kiyavwiye Uhokri; pis ka pamnihrasima. Ini pamnihra in imuwte ariw madikte. In danuh tahan inurikut. Ini pikiytani in kiyeste ariw en.
6Ini pabay in ka aynsima kiyeste ariw waxri imuwadnene. Ini pihiyekemni kiyeste ariw parahwokwa nimihawni. Kiyavwiye, pisnewa gikavriwtenkis madikte hiyeg gikakkis madikte puwiknevyene.
7Kiyavwiye, yuma ariknawnama kabayte wotuh ariw ini pamnihra! Pisnewa gayemtenkis madikte hiyeg kewa pahavu kuhivrabe ayamno gukamkayh anavi guhanpi.
8Pis iki wot umana; pis iki wot uhigvan. Pis keh usuh batekvitaw awaku madikte kabayka ku pariye pis hiyapkisne wotuh. Pabay kewa pahatra warikbe ku kariwntak usuh higap kabayka ka madikti.
9Pisnewa keh usuh aymuhwa amadga inin. Pisnewa kabutniki ahawkri adahan uguhne uhiyekemni.
10Kiyavwiye, amnihnaba avanenekwa madikte hiyeg ku pariye pihiyekten. Kehnaba kabayka adahan avanenekwa gikakkis madikte hiyeg ku pariye barewbetye gihiyekemnikis piwtrik.
11 Kiyavwiye, ka ba isaksa hiyeg ku pariye ikawnamah pavitmin adahan igkis hiyapkis mbeyne nutuh. Ka ba isaksa hiyeg taraksavye matakun.
12 Kibeyne, igkis yumanene gidatniks pitivut. Iveg tahan ku kiney igkis, haritave kuwis; igkis padakavepka, igkis ka hiya gikannikawnikis akiw.
Currently Selected:
Sawmus 36: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
