Sawmus 21
21
Kibeyne pis keh nah mataka nuvetunyavu
1Kiyavwiye Uhokri, ig ikivarat ka aynsima batek gimin awaku pis ike git gidatni. Ig ka aynsima batek gimin awaku pis kehe ig ka gidatnisima adahan matekene givetunyavu.
2Pis ike git ku pariye gimawkan. Pis ka kavigsa git ku pariye gayapni pit.
3Pis amevevgi akak ka aynsima kabayka adahan ig kumadukene pihiyegavu. Pis kawihkise gitewharit paha iyuti kehka akak karukri wahano egyewatnene.
4Ig aye pit gidehetni. Pisme ike git gidehetni kiyabawkad, yuma amaksemni.
5Gikiytani ka aynsima awaku pis ayavevgi. Pis ike git gikiytani hawata pis kehe ig hiyakan muwapuw.
6In pabay ay givit adahan avanenekwa. Kibeyne, pis keh ig batek ka aynsima awaku ig ay pimun.
7Mmanawa ig ikivarat kamaxwa givitit Kiyavwiye. Awaku Kiyavwiye Uhokri inurikyene gamnihra, ig humawnek ikivarat adahan avanenekwa.
8 Nikwe aysawnemenek ig ikivarat kamaxavenek madikte givetunyavu ku pariye gamniyhetni. Mmanawa Uhokri inurikyene gidatni ay givit.
9 Avim ini, ignewa Kiyavwiye Uhokri Dehetniye, hiyapkiswanek gitkis. Akak madikte gihawna ig pisenwanek gikakkis givetunyavu ku samah tiket abukepten ahamna. Ig pisenwanek gikakkis madikte.
10Ig ikivarat umahavenek madikte hiyeg ku pariye wewne akak gihiyekemnikis adahan ig pisenwa akak gihiyekemnikis amebyemni pahatte amadgatak inin.
11Ig ikivarat givetunyavu igkis ahegbeta ginetnikis adahan kehne mbayka gitivut, heneme igkis ka hiya gisamanaknek.
12Ig ikivarat havisnek giyaka gitivutkis. Igkisme wagesnek giduhyakis igkis bisikbetnek gavit.
13Kiyavwiye Uhokri, ba ayta akka pidatni gitkis pihiyegavu! Ayge nikwe usuhme paksapnek, usuh kabayhapnek adahan ini pidatni!
Currently Selected:
Sawmus 21: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
