Sawmus 20
20
Piriyepkawka adahan matakaki
1 Nah kuwis piriyepkaw pidahan adahan Kiyavwiye Uhokri timap piviryepkawni ku aysaw pis abet mbeyne, adahan ig Jakó giwohkiga mpithap ariw mbeyne.
2Nah ayep git Kiyavwiye Uhokri adahan ig awahkis payavetni pimin ariwntak givin. Ig amnihpi ariwntak giwskeki Siyawh.
3Numawkan ig kiye madikte pihiyekemni ku pariye pis ike git, ig amava akak madikte gibetki ini ku pariye pikan git.
4Numawkan ig iki pit ku pariye pimawkan. Ig keh madikte pahegbetawni humaw pit wadit.
5Nikwe usuhme kabimannek akak ubetki ku aysaw pis matakanek madikte kabayka. Usuh wagahkisnek ubagba adahan kabeyhene giw uwohkigawiy. Ig Kiyavwiye Uhokri ikinek pit madike ku pariye payapni git!
6Kibeyne, nah hiyak ku Kiyavwiye Uhokri Dehetniye amnihpinek, mmanawa pis gikanyan. Inuriktak ig kaytwanek piwn. Akak madikte gidatni ig kehnek pis mataka madikte kabayka.
7Gaytakkis hiyeg, ku aysaw igkis patiptak gikakkis givetunyavu, igkis kamaxwa avitit gikehbetankis amadgaya inin. Igkis kamaxwa avitit gikahosakis, avitit gikawyukis. Wixwiyme kamaxwa avitit Kiyavwiye uwohkigawiy gidatni.
8Igkis taraksebdinek igkis tuguhbetwikisnek. Wixwiyme ka tuguhnek. Wixwiy udukwenewiywa tabirnenenek.
9Kiyavwiye Uhokri, uya iki ukivara gawaygi! Uya keh ku pariye wayapni pit ku avim inin!
Currently Selected:
Sawmus 20: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
