Sawmus 11

Kiyavwiye Uhokri ivegbeta hiyeg ayta inuriktak

1Kiyavwiye Uhokri ignewa nayemwekri. Yuma bisiket akiw kema igma. Nikwe ka yi muwaka awna nutuh:

“Asa bisike ke kuhivrabe arimkat nawenyewa bisiket akiw.

2Iveg ku samah muwapuw hiyeg mbayavye kadasene hiyeg kibeynevwi abet amisnavye. Igkis kuwis pakakah giyakakis adahan gihapseptenkis hiyeg wadityevwi.

3Mbeyne kuwis muwapuw, hiyeg ka ihpa akiw kibeyne hiyakemniki. Hiyawa pis uhokriyan, heneme yuma pesket pidahan akiw, nikwe asa bisike pisenwate.”

Nahme nah ka ihpanek inakni iwit.

4Ig Kiyavwiye Uhokri gidukwenewa ay amun giwskeki. Gevwi kiyatyo gudukwenewa aynte inurik, ayteke ig kumaduka hiyeg. Ig avuriw madikte hiyeg. Ig hiyak ku pariye gikehnikis.

5Ig Kiyavwiye Uhokri ivegbeta hiyeg kibeynevwi gihiyekemnikis. Ig hawata ivegbeta hiyeg mbayavye gihiyekemnikis. Ig ka batek aynesnima gikakkis hiyeg ku pariye kehnevwi mbayka.

6Ig Kiyavwiye Uhokri keh tiket wageska payegbitak akak ini pusukempiye ku pariye bixiwahnene arihri tuguhnek givititkis neras mbayavye gihiyekemnikis. Ig hiyapkisnek gitkis akak kamaygviye awahni kene tiketbe akadwey.

7Mmanawa ig Kiyavwiye Uhokri waditye hiyeg. Ig batek gikakkis hiyeg wadityevwi. Hiyeg kibeynevwi aymuhwanek gimun adahan avanenekwa.

Currently Selected:

Sawmus 11: pluPB

Highlight

Copy