Yela 34
34
Korowii duura
Kooro Devid yel
1Mɛɛ kpɛɛ Korowii
saŋ bɛlbwaa.
Maa o jaamaa ɡel bwa.#1Sa 21:13-15
2Mɛɛ kpɛɛro n bambile
bwa nee,
ɡel nɛra baa dɛ fiɡ ba no,
ba sie lɛ.
3Hé ɡel n ne he bwa
kpɔ jirima tɛ Korowii,
yá ɡɔɔ o sɔn.
4N soŋe Korowii,
asɛ o chaŋ mɛ,
dɛ lɛɛ mɛ le ɔmewa
bɛlbwa ta.
5Nɛra baa kpɔ ba te dawɛ
o nɛɛ sie dɛ lɛ,
sihiih aa ban kpo bwa.
6Nɛŋɡwɛɡra wio no Korowii,
o no ba be,
dɛ lɛɛ ba le
ba wenaale bwa ta.
7Korowii nyundua torome
dɛ daah nɛra baa
dɛ tomɛ Korowii,
dɛɛ lɛɛ ba.#Dan 3:28
8Hé daɡɛ Korowii waa la,
dɛ́ na kɛ o wer,
nɛra baa chwaa kaa marɔ la,
ba na som.
9Korowii nɛra he wa aa toɡra,
hɛ́ɛ duuru,
dɛkalkɛ nɛra baa dɛ teŋɛ
o waa ta la,
ba dɛ dɔ komɛlbwa
baa dɛ nyin.
10Lɔr ɛɛ won kpo
nyujentena a ɡwɛɡre,
kɛ banɔ la baa dɛ no
Korowii be la,
kondɛɛɡa aa ban paŋɛ.
11N bii, hé ba dɛ́ ba cheɡ
deŋne no n be,
mɛɛ baɡle heyaa ɡɛ haa kpɔ
duure tɛ Korowii.
12Nomɛlbwa waa dɛ nyin
mkpajaŋ, dɛɛ nyin
kɛ o bwara sɔɔhno la,#1Pi 3:10-12
13wɛ́ɛ nyiŋi o nyoa kɛrɛdɛ.
O bɛ wobochɔɡa dɛɛ bol,
o bɛ nyosone dɛɛ teŋe.
14Wɛ́ɛ ke o te wechɔɡa ta,
dɛ́ɛ ɛ wedɛɛɡa.
Ó swɛɛ siwi dɛ́ɛ ɛ waa
aa dɛ ba nyopɛo ne.
15Nɛra ba wa aa toɡra
dɛɛ su Korowii siwi la,
Korowii dɛ nyiŋ ba,
dɛɛ no ba wesoŋa.
16Kɛ wechɔɡ-ɛɛra te, o kii ba,
ba sewaa, baa ba waa lii
kpa.
17Nɛra ba wa aa toɡra
wio no Korowii aa, o dɛ no,
dɛ lɛɛ ba dɛɛ le ba wahala
bwa ta.
18Korowii dɛ bɛne banɔ la
ba bambile aa chɔɡa,
dɛɛ lɛ banɔ la baa wola
hwɛɡa bɛlbwa dɔe.#Aes 66:2
19Nɛra ba wa aa toɡra
ɛɛ won na wahala kohona,
kɛ Korowii lɛɛ ba
dɛɛ le a bwa ta,
20Korowii dɛ nyiŋi
ba nɛɛ kɛrɛdɛ,
ba hoɡ beŋkpoŋ
kwara aa ku.#Jɔn 19:36
21Nyubinikpeɡ tena wechɔɡa
baa dɛ ɛ laanee
dɛɛ kpoo ba,
nɛra baa hah nɛra
ba wa aa toɡra
ɡe ɛɛ dɔ deŋnetɛra.
22Korowii ɛɛ lɛ o nɛraa,
wɛɛ lɛ banɔ la baa chwaa
kaa marɔ laanee.
Currently Selected:
Yela 34: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
