Markôs 15

Yêsu Ƀơi Anăp Pilat

(Mat 27:1-2,11-14; Luk 23:1-5; Yô 18:28-38)

1Man ưm mơguah, ƀing khua ngă yang prŏng, ƀing kŏng tha, ƀing nai pơtô tơlơi juăt, abih bang ƀing khua phat kơđi črŏng sai; gơñu čaŏ Yêsu laih anŭn ba jao kơ Pilat. 2Pilat tơña kơ Yêsu: “Djơ̆ mơ̆ Ih jing pơtao ană Yuđa?” Yêsu laĭ glaĭ: “Sĭt, djơ̆ tui hăng ih laĭ yơh.” 3Ƀing khua ngă yang prŏng pơčŭt kơ Yêsu lu tơlơi. 4Pilat tơña kơ Yêsu: “Ih ƀu laĭ glaĭ ôh hă? Hmư̆ bĕ tơlơi gơñu pơčŭt kơ Ih lu biă mă.” 5Samơ̆ Yêsu ƀu laĭ glaĭ ôh, tui anŭn Pilat kơtuă hling biă mă.

Arăng Klă Kơđi Pơdjai Yêsu

(Mat 27:15-26; Luk 23:13-25; Yô 18:39 – 19:16)

6Rĭm wơ̆t phĕt Tơlơi Găn Pilat juăt phư brơi sa čô mơnă, tui hăng hlơi ană plei pla rơkâo. 7Hlăk anŭn hmâo sa čô mơnuih anăn ñu Barabas arăng krư̆ hrŏm hơbĭt hăng ƀing ngă pơrŭng, jing ƀing mơnuih soh yua kơ tơlơi pơdjai mơnuih amăng tơlơi ngă pơrŭng pơkơdơ̆ng glaĭ. 8Ƀing mơnuih lu rai rơkâo kơ Pilat ngă tui hăng tơlơi juăt ñu hmâo ngă laih kơ ană plei pla. 9Pilat tơña kơ gơñu: “Ƀing gih kiăng mơ̆ kâo phư brơi kơ ƀing gih pơtao ană Yuđa?” 10Yua kơ ñu thâo rơđah ƀing khua ngă yang prŏng hmâo jao Yêsu kơ ñu yua kơ gơñu rơañ. 11Samơ̆ ƀing khua ngă yang prŏng pơsur ană plei pla rơkâo kơ Pilat phư brơi Barabas. 12Pilat tơña dơ̆ng kơ ƀing ană plei pla: “Tui anŭn hơgĕt kâo či ngă hăng mơnuih pô ƀing gih iâu Pơtao ană Yuđa?” 13Gơñu ur dơ̆ng: “Pơ̆ng hĭ Ñu pơ kơyâo bơrơkal!” 14Pilat tơña: “Hyư̆m, hơgĕt tơlơi soh Ñu hmâo ngă?” Ƀing gơñu ur jai kơtang hloh dơ̆ng: “Pơ̆ng hĭ Ñu pơ kơyâo bơrơkal!” 15Yua kơ Pilat kiăng ngă bơmơak kơ ană plei pla, tui anŭn ñu phư Barabas brơi kơ gơñu. Giơ̆ng ñu brơi arăng taih Yêsu hăng gai, ñu jao Yêsu brơi kơ ƀing tơhan ba nao pơ̆ng ƀơi kơyâo bơrơkal.

Ƀing Tơhan Mưč Kơ Yêsu

(Mat 27:27-31; Yô 19:2-3)

16Ƀing tơhan ba Yêsu mŭt amăng wăl sang khua čar (kiăng laĭ sang phat kơđi), gơñu iâu pơƀŭt abih bang tơpul tơhan hrŏm hơbĭt. 17Gơñu buh brơi Yêsu sa blah ao phyung mriah, laih anŭn gơñu mơñam sa boh mŭk pơtao hăng drơi laih anŭn đua brơi ƀơi akŏ Yêsu. 18Gơñu čơdơ̆ng kơkuh kơ Yêsu: “Kơkuh kơ Ih, Ơ pơtao ƀing ană Yuđa ah!” 19Gơñu taih akŏ Yêsu hăng gai trang bô, kơčuh ia bah ƀơi Yêsu, hăng čon tơŭt kơkuh kơ Yêsu. 20Giơ̆ng gơñu mưč kơ Yêsu, gơñu toh hĭ ao phyung mriah, gơñu buh brơi ao Yêsu Pô dơ̆ng. Laih anŭn gơñu ba nao pơ̆ng Yêsu pơ kơyâo bơrơkal.

Arăng Pơ̆ng Yêsu Pơ Kơyâo Bơrơkal

(Mat 27:23-44; Luk 23:26-43; Yô 19:17-27)

21 # Rôm 16:13. Ƀơi jơlan, gơñu bưp sa čô mơnuih anăn Simôn mơ̆ng čar Siren, ama Aleksandơ hăng Ruphus, rai mơ̆ng gah rơngiao plei găn nao ƀơi anŭn. Gơñu pơgŏ gơ̆ glăm kơyâo bơrơkal Yêsu. 22Gơñu ba Yêsu pơ anih arăng pơanăn Gôlgôtha, (kiăng laĭ anih klang akŏ). 23Gơñu pơgŏ Yêsu mơñum tơpai klai hăng ia jrao krŏn phĭ ƀâu mơngưi, samơ̆ Yêsu ƀu mơñum ôh. 24#Adoh 22:18.Giơ̆ng kơ gơñu pơ̆ng Yêsu pơ kơyâo bơrơkal laih, gơñu pơpha tơdruă gơñu bơnal ao Yêsu hăng tơlơi mă črăm, kiăng kơ thâo hơgĕt rĭm čô gơñu či mă tŭ. 25Ƀơi dua rơpăn mông mơguah#15:25 Mông tal klâo gơñu pơ̆ng Yêsu ƀơi kơyâo bơrơkal. 26Arăng čih tơlơi klă kơđi kơ Yêsu tui anai: “PƠTAO KƠ ɃING YUĐA” 27#Êsai 53:12.Gơñu ăt pơ̆ng mơ̆n dua čô mơnuih klĕ dŏp hrŏm hơbĭt hăng Yêsu, sa čô gah hơnuă, sa čô gah iao.#15:27 Đơđa Hră Ơi Adai Pơhiăp so đưm thim jơlan 28: Hnŭn yơh pơsĭt hră Ơi Adai hmâo čih laih tui anai: “Arăng yap Ñu hrŏm hơbĭt hăng ƀing soh sat.” (Êsai 53:12).

29 # Adoh 22:7; 109:25; Mar 14:58; Yô 2:19. Ƀing găn ƀơi anŭn mưč mač kơ Yêsu, tơtah akŏ hăng laĭ: “Ah hah! Ơ pô kiăng pơrai hĭ Sang Kơkuh Pơpŭ hăng pơdơ̆ng glaĭ dơ̆ng amăng klâo hrơi, 30pơklaih bĕ pô ih, hăng trŭn mơ̆ng kơyâo bơrơkal.” 31Ƀing khua ngă yang prŏng hrŏm hơbĭt hăng ƀing nai pơtô tơlơi juăt mưč kơ Yêsu kar kaĭ mơ̆n, tơdang bơlaĭ tơdruă gơñu tui anai: “Ñu hmâo pơklaih ƀing pơkŏn, samơ̆ Ñu ƀu dưi pơklaih pô Ñu ôh. 32Ơ Yang Krist, Pơtao ƀing Israel, trŭn bĕ mơ̆ng kơyâo bơrơkal ră anai, kiăng kơ ƀing gơmơi ƀuh hăng đaŏ!”

Dua čô mơnuih arăng pơ̆ng ƀơi kơyâo bơrơkal hrŏm hơbĭt hăng Yêsu ăt hơtoh djraĭ kơ Yêsu mơ̆n.

Tơlơi Yêsu Djai

(Mat 27:45-56; Luk 23:44-49; Yô 19:28-30)

33Ƀơi yang hrơi dơ̆ng#15:33a Mông tal năm. hmâo tơlơi kơnăm mơmŏt djŏp djang čar tơl truh klâo mông klam#15:33b Mông tal dua rơpăn.. 34Ƀơi klâo mông klam Yêsu ur kraih kơtang, “Êloi, Êloi, Lama sabaktani?” kiăng laĭ: “Ơ Ơi Adai kâo, Ơ Ơi Adai Kâo, yua hơgĕt Ih lui hĭ kâo?”#Adoh 22:1. 35Hmâo đơđa amăng ƀing dŏ giăm ƀơi anŭn hmư̆ tơlơi anŭn hăng laĭ: “Hmư̆ bĕ, Ñu iâu Êli.” 36#Adoh 69:21.Hmâo sa čô mơnuih nao mă pông diăn, añrŭ amăng ia tơpai mơsăm, kă ƀơi jŭng sa ƀĕ gai trang bô, yơr đĭ ƀơi amăng bah Yêsu hăng laĭ: “Tơguan bĕ, brơi ƀing ta krăp lăng thâo dah Êli či rai ba trŭn Ñu.” 37Yêsu ur kraih kơtang, giơ̆ng anŭn Ñu tơĭ pran.

38 # Tơb 26:31-33. Hlăk anŭn khăn păng amăng Sang Kơkuh Pơpŭ tơhek hĭ dua mơ̆ng ngŏ truh pơ yŭ. 39Pô khua tơhan dŏ klă anăp Yêsu ƀuh hyư̆m Ñu tơĭ pran,#15:39 tơĭ pran; Đơđa Hră Ơi Adai Pơhiăp so đưm čih Ñu ur kraih laih anŭn tơĭ pran. ñu laĭ: “Sĭt biă mă pô anai jing Ană Ơi Adai!” 40#Luk 8:2-3.Hmâo mơ̆n đơđa ƀing đah kơmơi dŏ lăng mơ̆ng ataih. Amăng ƀing anŭn hmâo HʼMari Madala, HʼMari amĭ Yakơ anĕt hăng Yôse, hrŏm hơbĭt hăng HʼSalômê. 41Klâo čô anai hmâo đuaĭ tui hăng mă bruă kơ Yêsu hlăk Ñu dŏ pơ Galilê. Ăt hmâo mơ̆n lu ƀing đah kơmơi pơkŏn dơ̆ng, jing ƀing mơnuih hmâo tui Yêsu nao pơ Plei Yêrusalem.

Tơlơi Dơr Yêsu

(Mat 27:57-61; Luk 23:50-56; Yô 19:38-42)

42Adai giăm mơmŏt yơh, hrơi anŭn jing hrơi prăp pre kơ phĕt Tơlơi Găn, kiăng laĭ hrơi hlâo kơ hrơi saƀat, 43hnŭn yơh Yôsep, mơnuih plei Arimathê, jing sa čô amăng ƀing khua phat kơđi arăng pơpŭ, Ñu pô mơ̆n jing pô dŏ čang tơguan kơ dêh čar pơtao Ơi Adai, hăng tơlơi khĭn ñu nao pơ Pilat rơkâo drơi jan Yêsu. 44Pilat kơtuă biă mă yua kơ Yêsu djai laih. Ñu iâu khua tơhan hăng tơña kơ gơ̆ kiăng thâo klă Yêsu djai sui laih ƀôdah phrâo. 45Giơ̆ng ñu thâo sĭt tui hăng khua tơhan hmâo laĭ pơthâo, ñu brơi drơi jan Yêsu kơ Yôsep. 46Yôsep blơi sa blah khăn kơbuă, mă pơtrŭn drơi jan Yêsu, ñu pŏn hrôm Ñu hăng khăn kơbuă anŭn hăng pơđih Ñu amăng pơsat arăng hmâo ƀoh amăng boh pơtâo. Giơ̆ng anŭn ñu glung boh pơtâo kơđơ̆l hĭ ƀơi bah amăng pơsat. 47HʼMari Madala hăng HʼMari amĭ Yôse leng kơ ƀuh anih arăng dơr drơi jan Yêsu.

Currently Selected:

Markôs 15: JRA2016

Highlight

Copy