Zefaniya 2
2
Pempho la kung'anamuka
1Imwe mwa ŵanthu ŵambula soni
wunganani pamoza,
2pambere mundachimbizgike
nga ndi mwerero wakawuruka,
pambere ukari wakofya wa Fumu
undize pa imwe
pambere zuŵa la ukari wa Fumu
lindize pa imwe.
3Penjani Fumu, mose imwe
mukujiyuyura mu charu,
imwe mukusunga marango ghakhe.
Penjani urunji, penjani kujiyuyura,
panji muti mubisikenge
pa zuŵa la ukari wa Fumu.
Kumara kwa mafuko ghakuzingirizga charu cha Israele
4Pakuti Gaza wazgokenge mapopa,
ndipo Ashikeloni wapasukenge.
Ŵanthu ŵa ku Ashidodi, wachimbizgikenge muhanya pakati,
ndipo Ekuroni wamkuzgoka mahami.#Yes 14.29-31; Yer 47.1-7; Eze 25.15-17; Yoy 3.4-8; Amo 1.6-8; Zak 9.5-7
5Soka kwa imwe mukukhara mu mphepete mwa nyanja,
imwe fuko la ŵaKereti!
Mazgu gha Fumu ghakumususkani,
imwe mwa ŵanthu ŵa Kanani,
charu cha ŵaFilisiti.
Nditi ndimumarani petu,
mpaka kuŵavye na yumoza wakukharako.
6Ndipo iwe charu cha mu mphepete mwa nyanja
wamkuzgoka waka maluhari,
madambo gha ŵaliska na vitupa vya miskambo mberere na mbuzi.
7Charu cha mu mphepete mwa nyanja
chamkuŵa cha ŵakukharako ŵaYuda,
kwenekura ŵaliskenge miskambo yawo.
Mu zinyumba za msumba wa Ashikeloni ŵamkugona.
Chifukwa Fumu, Chiuta wawo wizamkuŵakumbuka,
na kuŵawezgera mauweme ghawo.
8Ndapulika ŵaMowabu ŵakusunjizgika
umo ŵaAmoni ŵakutuka,
na umo ŵasunjizgira ŵanthu ŵane
na umo ŵajikuzgira mu charu chawo.#Yes 15.1—16.14, 25.10-12; Yer 48.1—49.6; Eze 21.28-32, 25.1-11; Amo 1.13-15
9 Fumu Mwenenkhongono zose, Chiuta wa Israele, wakuti,
kwa chifukwa ichi, nkhurapa nadi nkhuti,
“ŵaMowabu waŵenge nga Sodomu,
ndipo ŵaAmoni nga Gomora,
charu cha nkhunga na cha muchere,
na malo agho nga chiparamba muyirayira.
Ŵakukharako ŵa ŵanthu ŵane ŵamkuŵapasura.
Ŵakukhara ŵamoyo ŵa mtundu wane ŵamkuŵaskogha.”#Mut 19.24
10Ichi ndicho chiŵenge chilango pakujikuzga kwawo,
chifukwa cha nthombozgo na kujikuzga
pa ŵanthu ŵa Fumu Mwenenkhongono zose.
11 Fumu yisungunurenge mitima yawo,
nadi, Fumu yiŵazgorenge wose ŵachiuta ŵa mu charu
nga nkhanthu chara.
Ndipo kwa iyo ndiko ŵajikamirenge,
wose mu malo ghakhe,
mu vyaru vyose vya mafuko.
12Imwe namwe, ŵaEtiyopiya,
muti mukomekenge na lupanga lwane.#Yes 18.1-7
13 Fumu yiti yiŵalange ŵa ku mpoto,
na kubwangandula Asiriya.
Yamkuzgora Nineve kuŵa mapopa,
mapopa gha chiparamba.#Yes 10.5-34, 14.24-27; Nah 1.1—3.19
14Miskambo yamkugona pasi mukati mwakhe,
na vinyama vyose vya mu thengere.
Makuŵi na ŵakhwitha vikharenge pachanya pa nchindamira zakhe.
Phururu wamkulira pa chidangazi,
chihoŵe nayo wamkulira pa miryango,
pakuti mizati ya milanje yamkuŵa pakweru.
15Uwu ndi msumba wakujikuzga
uwo ukakhara mu kufwasa.
Msumba uwu ukati kwa iwo wekha,
“Ine ndine, ndipo kulijeso munyakhe.”
Nkhupasuka uli uku,
kuti ghazgoke malo ghakupumulirapo
vinyama vya mu thengere!
Waliyose uyo wakujumphapo
wakusunjizga na kupukunya mutu.
Currently Selected:
Zefaniya 2: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
