Zakariya 13
13
1“Pa zuŵa lenelira kwamkuŵa mbwiwi ya maji yakujurikira mbumba ya Davide na awo ŵakukhara mu Yerusalemu kuŵatozga ku zakwananga na ku kusopa vikozgo.”
2 Fumu Mwenenkhongono zose yikuti, “Pa zuŵa lenelira, ndamkuwuskiramo nkhanira mazina gha ŵangoza mu charu mwakuti ŵareke na kukumbukikaso, ndiposo nchimi za utesi na mzimu ya ukazuzi ndamkuvifumyamo mu charu. 3Ndipo usange yunji warutilirenge kuchima vya utesi, ŵawiske ŵakhe na ŵakhe na ŵanyina awo ŵakamubaba ŵamuphalire kuti, ‘Uti ufwenge, chifukwa ukuyowoya vya utesi mu zina la Fumu. Ŵawiske na ŵanyina ŵakhe ŵamugwaze para ŵakuchima.’ ”
4“Ndipo pa zuŵa lenelira nchimi yose yitesi yamkuŵa na soni na mboniwoni yakhe para yikuchima. Iyo kuti yamkuvwara munjilira wa uchimi chara na kupusika nawo ŵanthu. 5Kweni yamkuyowoya kuti, ‘Ndili nchimi chara, ndili mulimi wa minda. Pakuti charu changuŵa chuma chane kufuma ku uwukirano wane.’ 6Ndipo usange yumoza wakumufumba kuti, ‘Nga vichi mabamba agha ghali pa muwongo wako?’ Wamkuzgora kuti, ‘Mabamba agha nkhagwazika mu nyumba ya mubwezi apo tikatimbananga.’ ”
Languro la kukoma muliska wa Chiuta
7“Wuka, iwe lupanga, wimikane na muliska wane,
wimikane na munthu uyo wali pafupi na ine.
Timba muliska
mwakuti mberere zimbininike.
Nditi ndiziwukire na zichoko wuwo.”
Ntheura ndimo yikuyowoyera Fumu Mwenenkhongono zose.#Mat 26.31; Mrk 14.27
8 Fumu yikuti,
“Mu vigaŵa vitatu vya ŵanthu mu charu chose,
vigaŵa viŵiri vya ŵanthu vizamkukomeka
ndipo chigaŵa chimoza chamkurekeka chamoyo.
9Ŵanthu ŵa mu chigaŵa cha chitatu,
ndamkuŵaŵika mu moto.
Ndamkuŵatozga
nga ndi umo munthu wakutozgera siliva.
Ndamkuŵayezga
nga ndi umo munthu wakuyezgera golide.
Ŵamkuchema zina lane
ndipo ine ndamkuŵapulika.
Ine ndamkuyowoya kuti,
‘Aŵa mbanthu ŵane.’
Iwo nawo ŵamkuyowoya kuti,
‘Fumu ndiyo Chiuta withu.’ ”
Currently Selected:
Zakariya 13: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
