Sumu Yikuru 7
7
Mwanarume wakuyowoya
1Iwe uli nga ndi mwana mwanakazi wa karonga,
nako nkhutowa kwa malundi ghako mu skapato!
Vigha vyako vyakutowa vili nga ndi vitowelo,
mlimo wa mawoko gha nkhwantha.
2Mumbwera wako uli nga ndi bakule wakuwulungana,
uwo ngwambula kusoŵerwa vinyo liweme.
Nthumbo yako ndi mulu wa tirigu,
uwo wazingirizgika na maluŵa.
3Maŵere ghako ghali nga ndi twana tuŵiri twa nyiska,
twana twa mleza twa mbaŵara.
4Singo yako yili nga ndi msonjo
wa minyanga ya zovu.
Maso ghako ghali nga ndi viziŵa mu Heshiboni,
ivyo vili pafupi na chipata cha Bati Rabimu.
Mphuno yako yili nga ndi chigongwe cha Lebanoni,
kuthyana na msumba wa Damaseko.
5Mutu wako ukuwonekera pachanya,
nga ndi Phiri la Karimele.
Sisi lako lakupotana ndakubiriŵira makora,
Karonga wakuwojeka na kutowa kwakhe.
6Wakutowa na wakukondweska ndiwe,
iwe wakutemweka wane, mwali uyo nkhucha nayo.
7Ndiŵe wakunyoroka nga ndi mukama,
maŵere ghako ghali nga ndi makunje gha vipambi vyakhe.
8Nkhati nditi ndikwere khuni ili la mukama,
na kutora vipambi vyakhe.
Maŵere ghako ghali nga ndi makunje gha mpheska,
kununkhira kwa muvuchi wako kuli nga ndi mararanje.
9Mufyofyontho wako,
uli nga ndi vinyo liweme chomene.
Mwanakazi wakuyowoya
Vinyo ilo likukhilira makora pa wakutemweka wane,
likhilire makora mu milomo na mu mino ghakhe.
10Ndine wakhe wa wakutemweka wane,
khumbiro lakhe lose liri pa ine.
11Zanga, wakutemweka wane,
tiye tirute ku minda,
tikatandare usiku wose mu vikaya.
12Tiye ticherere kuruta ku minda ya mpheska,
tikawone usange mpheska zamba kuphuka.
Tikawone usange maluŵa ghamba kumasura,
usange magalagadeya ghamba kuŵala maluŵa.
Kwenekura ndamkukupa kutemwa kwane.
13Munkhwara wa chinthemwa,
ukupereka sungu liweme.
Pa miryango yithu pali vipambi vyose viweme,
vyakomira na viphya wuwo,
ivyo ndakusungira iwe wakutemweka wane.
Currently Selected:
Sumu Yikuru 7: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
