Yona Maronje
Maronje
Buku la Yona likupambana na mabuku ghanyakhe gha nchimi pakuti liri na chakurata chimoza icho nchimi Yona wakwenera kuchita. Buku ili likuphara umo nchimi iyi yeneiyo Chiuta wakayituma yikakanira kupulikira kuti yirute kuya kapharazga ku msumba wa Nineve. Iyo yikenera kuruta kuti yikaŵachenjezge ŵanthu ku chilango icho Chiuta wakati wapereke kwa iwo. Nineve ukaŵa msumba wa ŵa Asiriya ŵeneawo ŵakaŵa ŵarwani ŵakofya na ŵakutinkhika na ŵaIsraele. Yona wakayezga chomene kuti wareke kuruta ku Nineve. Ntheura wakanjira mu ngaraŵa iyo yikarutanga ku charu chinyakhe. Apo ŵakaŵa ŵachali kwenda, Yona wakaponyeka mu nyanja ndipo chisomba chikuru chikamumira.
Pamanyuma chisomba chira chikamuwukulira pa mtunda ndipo Chiuta wakayowoyaso nayo kuti warute ku Nineve. Yona wakaruta ndipo wakaŵachenjezga ŵanthu kuti Chiuta wati waŵalange chifukwa cha zakwananga zawo. Ŵanthu ŵa msumba uwu ŵakazomera kwananga kwawo ndipo Chiuta ŵakaŵagowokera.
Ŵanthu ŵanandi ŵakuliwona buku ili kuti likuphara umo Yona wakamilikira na chisomba chikuru na umo wakaŵira na umoyo mu nthumbo ya chisomba chira. Kweni uthenga ukuru wa buku ili ngwa kuti Chiuta ngwa kutemwa ndiposo ngwa lusungu, mweneuyo wakukhumba kugowokera na kuponoska munthu waliyose nanga wangaŵa wakwananga uli. Chiuta kuti wakukhumba kuŵalanga ŵanthu panji kuŵamara chara.
Ndondomeko ya vya mukati
Kuchemeka kwa Yona na kureka kupulikira 1.1-17
Kurapa na kuponoskeka kwa Yona 2.1-10
Uthenga wa nchenjezgo wa Yona ku Nineve 3.1-10
Lusungu lwa Chiuta pa Nineve 4.1-11
Currently Selected:
Yona Maronje: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi