AMTAW 24

Pawla ai Juda chengchi my seu nai

1Naibaly kani pangrei nai khala y pathyp pi nai keung kalen keh Anania ly, miteaung keh amichi mo hawi, amyn Tertula leu thui kakawp leaungrei hawi tym kathiu ; naibaly Pawla i tlang tleaung y leu hawi y nai ly aripeng teng y thui u. 2Naibaly Pawla ai palau nai bo y Tertula ly ni ai seu nai amteaung i,

“Felika kahawi keh awi, nangmy i saho y kaichi khrikhri pa-rei paleung awmnem naimy awm nai deaungkho y hawi, 3nangmy kry nai hini chengchi i vui y kamngora y hawihai kam reng nai deaungkho y, ati cheaungkhangra y, ma mang y py paleung hawi parai i kaichi kawn parai ba. 4Na i py nang paleih ai awm ala ai nai kangai y leang, nang i neaung hawi naira y my kaichi i sairei tangai pi ai nai kang takeng. 5Hini khumi ly khri pa-rei hawi y, khaileaung pri verei y Juda bawibawichi ai thui thli piupiu nai keung hawi, Nazaret khumichi i kamkawm pahawi keung len keh nai ne, nanai kaichi pany; 6mymy ly achura yhm kalen pui py panyng ai nai tau bi; kaichi my ni ai patiu iy, kaichi i reita kamta chih ai nai tau bo; 7na i py tavaimi lu areng keh Lusia napi nai ly kaichi teng y tym i, ni ai kaichi i kiu i dengdairei athorei my la veng iy, ni ai seu nai keungchi ly nang teng y jeu ai nai leu pei; 8nangmy kypkyp my ni ai deng iy, kaichi i atiti seu nai bawibawi ly nang pany thai ai,” napi. 9Naibaly Judachi py, “Huni leu ly hunai kamta ne,” nanai asa hai teang.

Felika i mo y Pawla i akhi nai

10Naibaly aripeng my ly Pawla ai leu thui ai nai kiu y kalawi baly Pawla my,

“Nang ly saneng kra parai nai hini chengchi ai tara chih pi nai keung ne, nanai kai pany nai deaungkho y kawn parai naimy kai i eaung nai leu kathui ai he; 11Jerusalem y Tameuh ai chiu ai nai kachei nai ryrei kani holai nyhrei bo y kra y leang rai, nanai nang pany pajau ai. 12Achura yhm kalen pui y py, achura yhm y py, avang y py, ami ai py kai ei nai hawi, khumi mipuichi ai kai thui thli nai py nichi my kai ai niu y leang. 13Vai py nichi ly kai ai ang seu nai leu ly nang i ka-thai y py leu kateang amkhaw thai ai nai ny y leang. 14Na i py hini leu ly nang teng y kai atapheaung ai, kamkawm takhra ang napi nai ly huni Lam reita kamta achi i amsi sangumchi i Tameuh ai kachiu. Reita hawi amochi i cha-iu y tajiu nai bawibawi py kai ym; 15naibaly khumi kahawichi py, hawi y naichi py angthau bi ai, nanai Tameuh teng y athang khai nai, hinichi py huni ly ym teang makho; 16hunai deaungkho y kai Tameuh teng y hawi, khumi teng y py kai i pany nai ngierei sa naira y paleung tamang y naimy atyp jojo ai nai katau.

17“Naibaly saneng kra parai nai bo y ly kai i chengchi teng y atiti pei ai naichi hawi, talam ai naichi syn iy kang tym:#Ataw 21.17–28 18naibaly kai huni atiti kapei nai thym khala y khumi mipui abawi y nai hawi, tukulu y naimy achura yhm kalen pui y chai naimy kai ai ang niu. 19Na i py Asia pri i Juda amichi mo hu y awm bo--nichi ly kai i tlang tleaung y leu awm baly hi y nang i mo y ang seu ai nai avo chy bo. 20Ti y baly hinichi kypkyp ly tara chih nai keungchi i mo y kai angdo nai thym khala y kai i tamang naira ati awm mo thui u sy; 21hini leu sairei ny y baly mymychi theung y kai angdo iy, ‘Kadeichi angthau bi nai leu y vaini ly nangchi i mo y kai ai deng nai bo he,’ kanapi nai ly,” nanai pathang.#Ataw 23.6

22Na i py Felika ly Lam satang hawihai pany kyh nai deaungkho y, “Tavai mi lu areng keh Lusia ang tym kathiu kha y nang i satang kang padyh ai mang,” nanai nichi ai khai jo rai. 23Naibaly mymy ai ko kyh nai, ahawichi my py mymy ai kry ai nai kam y i, typ ai nai tavaimi chungvairei lu teng y leu pei.

Pawla my Felika hawi Drusila teng y leu thui nai

24Naibaly kani majirei mo khala y Felika ly mymy i aju Drusila, Juda neampachy hawi jeu iy, Pawla ai palau hai i, Krista Isu ai ym nai leu tangai. 25Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi. 26Mymy ly Pawla my tangka pei ai nai athang khai, hunai deaungkho y ni ai avawrei palau i arum. 27Na i py saneng nyhrei chi bo nabaly Porkia Festa ly Felika hawi ali bo; naibaly Felika my ly Judachi theung y amyn kahawi nga ai nai ngai i, Pawla ai ly kawmrang naimy khai jo.

Currently Selected:

AMTAW 24: KCL02

Highlight

Copy