Nonb 26

Dezyèm resansman

1Apre #26.1: Premye pati vèsè yonn lan koresponn ak vèsè disnèf nan chapit 25 lan nan tèks ebre a. epidemi an, Senyè a pale ak Moyiz ansanm ak Eleaza, pitit gason Arawon, prèt la, li di yo konsa:

2— Nou #Nonb 1.2,3 pral fè resansmam tout pèp Izrayèl la. Koumanse sou gason laj ventan ki bon pou al nan lagè, chak fanmi apa, dapre zansèt yo. W'a pran non tout gason nan pèp Izrayèl la ki bon pou al nan lagè.

3Se konsa, antan pèp la nan plenn peyi Mowab yo, toupre larivyè Jouden, anfas lavil Jeriko, Moyiz ak Eleyaza, prèt la, ba yo lòd 4pou tout gason ki gen ventan osinon ki pi gran vin bay non yo, dapre lòd Senyè a te bay Moyiz.

Men moun pèp Izrayèl la ki te sòti kite peyi Lejip:

5Nan #Jen 46.8,9; 1 Kwo 5.1-3 branch fanmi Riben, premye pitit gason Izrayèl la, te gen fanmi moun Enòk yo, fanmi moun Palou yo, 6fanmi moun Ezwon yo ak fanmi moun Kami yo. 7Se tout moun sa yo ki nan branch fanmi Riben lan. Lè resansman an, yo te jwenn karanntwamil sètsantrant (43.730) gason nan branch fanmi sa a.

8Palou te papa Eliyab. 9Eliyab #Nonb 16.1-3 te papa Nemwèl, Datan ak Abiram. Se Datan ak Abiram sa yo, de nèg moun yo te konsidere anpil, ki te revòlte kont Moyiz ak Arawon. Yo te fè pati bann moun Kore yo ki te revòlte kont Senyè a. 10Lè #Nonb 16.31-35,38 sa a, tè a te louvri, li vale yo, epi yo mouri ansanm ak Kore ak tout bann moun li yo. Jou sa a, dife te boule desansenkant (250) moun. Se te yon avètisman pou pèp la. 11Men, #Egz 6.24; 1 Kwo 6.22 pitit gason Kore yo pat mouri lè sa a.

12Men #Jen 46.10; Egz 6.15; 1 Kwo 4.24 pitit gason Simeyon yo ak tout kòt fanmi yo. Te gen fanmi moun Nemwèl yo, fanmi moun Yamen yo, fanmi moun Yakim yo, 13fanmi moun Zera yo ak fanmi moun Sayil yo. 14Se tout moun sa yo ki nan branch fanmi Simeyon an. Lè resansman an, te gen venndemil desan (22.200) gason nan branch fanmi sa a.

15Men #Jen 46.16 pitit gason Gad yo ak tout kòt fanmi yo. Te gen fanmi moun Sefon yo, fanmi moun Agi yo, fanmi moun Chouni yo, 16fanmi moun Ozni yo, fanmi moun Eri yo, 17fanmi moun Awòd yo, fanmi moun Areli yo. 18Se tout moun sa yo ki nan branch fanmi Gad la. Lè resansman an, te gen karantmil senksan (40.500) gason nan branch fanmi sa a.

19Men #Jen 46.12; 1 Kwo 2.3-5 pitit gason Jida yo. Te gen Er ak Onan, men yo tou de mouri nan peyi Kanaran san kite pitit. 20Apre yo, te gen Chela, Perèz ak Zirak, ki bay yo chak yon kòt fanmi. 21Perèz te gen de pitit gason. Yo chak bay yon fanmi apa. Se te fanmi Eswon an ak fanmi Amoul lan. 22Se tout moun sa yo ki nan branch fanmi Jida a. Lè resansman an, te gen swasannsèzmil senksan (76.500) gason nan branch fanmi sa a.

23Men #Jen 46.13; 1 Kwo 7.1 pitit gason Isaka yo ak tout kòt fanmi yo. Te gen fanmi moun Tola yo, fanmi moun Pouva yo, 24fanmi moun Yachoub yo, fanmi moun Chimwon yo. 25Se tout moun sa yo ki te fè pati branch fanmi Isaka a. Lè resansman an, yo te jwenn swasannkatmil twasan (64.300) gason nan branch fanmi sa a.

26Men #Jen 46.14 pitit gason Zabilon yo ak tout kòt fanmi yo. Te gen fanmi moun Serèd yo, fanmi moun Elon yo, fanmi moun Yaleyèl yo. 27Se tout moun sa yo ki te fè pati branch fanmi Zabilon an. Lè resansman an, yo te jwenn swasantmil senksan (60.500) gason nan branch fanmi sa a.

28Jozèf #Jen 46.20 te gen de pitit gason: Manase ak Efrayim. 29Men #1 Kwo 7.14-19 pitit gason Manase yo ak tout kòt fanmi yo: Te gen fanmi moun Maki yo. Maki te papa Galarad ki te bay fanmi moun Galarad yo. 30Galarad #Joz 17.2 te fè sis pitit gason, yo chak bay yon branch fanmi. Te gen fanmi moun Yezè yo, fanmi moun Elèk yo, 31fanmi moun Asriyèl yo, fanmi moun Sichèm yo, 32fanmi moun Chemida yo, fanmi moun Efè yo. 33Men #Joz 17.3 Zelofeyad, pitit gason Efè a, pat gen pitit gason. Se annik pitit fi li te genyen. Men non yo: Se te Mala, Noa, Ogla, Milka ak Tisa. 34Se tout moun sa yo ki te fè pati branch fanmi Manase a. Lè resansman an, yo te jwenn senkanndemil sètsan (52.700) gason nan branch fanmi sa a.

35Men #1 Kwo 7.20,21 pitit gason Efrayim yo ak tout kòt fanmi yo: Te gen fanmi moun Choutela yo, fanmi moun Bekè yo, fanmi moun Tayan yo. 36Choutela poutèt pa l te gen yon pitit gason. Se te Eran ki bay yon fanmi apa. 37Se tout moun sa yo ki te nan branch Efrayim lan. Lè resansman an, yo te jwenn tranndemil senksan (32.500) gason nan branch fanmi sa a.

38Men #Jen 46.21; 1 Kwo 7.6,12; 8.1-5 pitit gason Benjamen yo ak tout kòt fanmi yo: Te gen fanmi moun Bela yo, fanmi moun Achbèl yo, fanmi moun Ayiram yo, 39fanmi moun Choufan yo ak fanmi moun Oufam yo. 40Bela pou tèt pa l te gen de pitit gason ki bay de lòt branch nan branch fanmi an ankò. Se te Ad ak Naaman. 41Se tout moun sa yo ki te fè pati branch fanmi Benjamen an. Lè resansman an, yo te jwenn karannsenkmil sisan (45.600) gason nan branch fanmi sa a.

42Men #Jen 46.23 pitit gason Dann lan ak tout kòt fanmi l. Se te fanmi moun Chwanm yo. Se tout moun sa yo ki te fè pati branch fanmi Dann lan. 43Lè resansman an, yo te jwenn swasannkatmil katsan (64.400) gason nan branch fanmi sa a.

44Men #Jen 46.17; 1 Kwo 7.30,31 pitit gason Asè yo ak tout kòt fanmi yo. Te gen fanmi moun Imna yo, fanmi moun Ichvi yo ak fanmi moun Berya yo. 45Berya pou tèt pa l te gen de pitit gason ki bay de lòt branch nan fanmi an ankò: Se te Ebè ak Malkiyèl. 46Asè te gen yon pitit fi yo te rele Sera. 47Se tout moun sa yo ki te fè pati branch fanmi Asè a. Lè resansman an, yo te jwenn senkanntwamil katsan (53.400) gason nan branch fanmi sa a.

48Men #Jen 46.24; 1 Kwo 7.13 pitit gason Neftali yo ak tout kòt fanmi yo. Te gen fanmi moun Yazeyèl yo, fanmi moun Gouni yo, 49fanmi moun Yesè yo ak fanmi moun Chilèm yo. 50Se tout moun sa yo ki te fè pati branch fanmi Neftali a, fanmi pa fanmi. Lè resansman an, yo te konte karannsenkmil katsan (45.400) gason nan fanmi sa yo.

51Konsa, #Nonb 1.46 te gen antou sisan-enmil sètsantrant (601.730) gason nan tout pèp Izrayèl la.

Regleman separasyon peyi a

52Senyè a pale ak Moyiz, li di l konsa:

53— Nou pral separe peyi a bay chak fanmi pòsyon pa yo dapre kantite gason yo jwenn nan chak. 54Fanmi #Nonb 33.54 ki gen anpil gason va resevwa yon pi gwo pòsyon. Fanmi ki pa gen anpil gason va resevwa yon pi piti pòsyon. Chak fanmi va resevwa yon pòsyon dapre kantite gason ki gen ladan l. 55Men, #Nonb 34.13; Joz 14.1,2 pou fè separasyon peyi a, n'a tire osò: chak fanmi va resevwa pòsyon pa l dapre kantite moun yo te konte nan chak. 56Y'a tire osò pou yo separe bay chak branch fanmi pòsyon pa yo: yon gwo pòsyon pou chak branch fanmi ki anpil, yon ti pòsyon pou chak branch fanmi ki pa anpil.

Resansman moun Levi yo

57Men, #Jen 46.11; Egz 6.16-19; 1 Kwo 6.1,16-30 nan branch fanmi Levi a, men moun yo te konte dapre fanmi yo. Te gen fanmi Gèchon an, fanmi Keyat la ak fanmi Merari a. 58Men lòt fanmi Levi yo: moun Libni yo, moun Ebwon yo, moun Makli yo, moun Mouchi yo ak moun Kore yo. Keyat te papa Amram. 59Madanm #Egz 2.1,2; 6.20 Amram te rele Yokebèd. Se te yon pitit fi Levi. Li te fèt nan peyi Lejip. Li te fè twa pitit pou Amram: Arawon, Moyiz ak Miryam, sè yo. 60Arawon te papa kat pitit gason: Nadab, Abiyou, Eleaza ak Itama. 61Nadab #Lev 10.1,2 ak Abiyou te mouri lè yo te ofri bay Senyè a yon dife yo pat dwe ofri. 62Lè #Nonb 1.49; 3.39; 18.20-24; Det 14.27; Joz 13.14 resansman an, yo te jwenn nan branch fanmi sa a venntwamil (23.000) gason ki te gen yon mwa depi yo te fèt osinon ki te pi gran. Yo pat konte yo ansanm ak rès pèp Izrayèl la, paske yo pa t'ap resevwa okenn pòsyon nan tè ki pou pèp la.

63Men tout moun Moyiz ak Eleaza te konte lè yo t'ap fè resansman moun pèp Izrayèl la nan plenn Mowab yo, lòt bò larivyè Jouden, anfas lavil Jeriko. 64Pami #Nonb 1.44; Det 2.14,15 yo pat gen yonn menm nan sa Moyiz ak Arawon te konte lè yo t'ap fè premye resansman pèp Izrayèl la nan dezè Sinayi a. 65Paske #Nonb 14.28-30; Det 1.35-38; 1 Kor 10.5; Jid 5 Senyè a te di yo tout gen pou mouri nan dezè a. Yo tout te mouri vre, esèpte Kaleb, pitit gason Jefoune a ak Jozye, pitit gason Noun lan.

Currently Selected:

Nonb 26: HAT98

Highlight

Copy