Nawoum 2
2
Yo pral detwi lavil Niniv
1Nou menm moun lavil Niniv, men yon gwo #Jer 51.12,20 lame ap moute vin atake nou.
Mete gad nan fò nou.
Mete moun veye gran chemen an!
Mare ren nou!
Mete tout kouray nou sou nou!
2Paske, #Eza 5.1-7 Senyè a pral bay pèp Izrayèl la pouvwa li te gen anvan an, pouvwa fanmi Jakòb la te gen anvan piyajè yo te ravaje l la, anvan yo te koupe tout branch rezen li yo.
3Vanyan sòlda l yo gen plak pwotèj pentire tou wouj sou bra yo.
Yo abiye ak rad wouj vyolèt.
Cha lagè yo klere kou dife!
Y'ap vin pou atake nou! Y'ap souke zam yo nan men yo.
4Cha lagè yo ap vini ak gwo vitès nan plenn yo.
Yo kouri ale sou plas piblik yo.
Yo klere tankou bwa chandèl tou limen.
Y'ap pase kouri tankou zèklè.
5Yo #Jer 46.12; Na 3.18 chonje rele chèf lame yo.
Nan prese vini yo, yonn ap frape ak lòt.
Yo kouri ale bò miray ranpa yo.
Yo pare plak pwotèj pou y'al defonse pòtay yo.
6Pòtay #Eza 14.31; 45.1 ki bay sou larivyè a louvri granbatan.
Tout moun nan palè a gen kè kase.
7Yo #Eza 38.14 fè larenn lan prizonye. Yo pati avè l.
Sèvant li yo ap plenn, y'ap kriye.
Y'ap bat lestonmak yo sitèlman yo nan lapenn.
8Tankou #Jer 46.5 dlo rezèvwa koule k'ap fin pèdi,
moun ap kouri sove kite lavil Niniv.
Y'ap di yo: Rete non! Nou mèt rete!
Men yonn menm pa kase tèt tounen.
9Piye tout lajan an. Piye tout lò yo.
Yo gen yon richès ki poko prèt pou fini,
yon pakèt bèl bagay ki koute chè.
10Y'ap #Eza 13.7; 21.3; Da 5.6; Jowèl 2.6; Sof 2.13-15 piye lavil la. Y'ap masakre moun. Y'ap devaste li nèt.
Fòs tout moun ap faya.
Moun yo ap demanbre. Y'ap tranble.
Tout figi ap dekonpoze.
11Kounyeya, kote #Jer 2.15 twou kachèt lyon yo ye a,
twou nich kote ti lyon yo manje a,
twou kote lyon yo ansanm ak ti lyon yo te konn ale
pou pèsonn pa ka fè yo anyen an?
12Lyon #Na 3.1 an te konn dechire vyann bèt yo pou pitit li yo,
li te konn trangle bèt pou fenmèl lyon yo.
Lè konsa yo plen twou yo ak bèt yo pran,
yo plen nich yo ak moso vyann dechikte.
13Kounyeya, se #2 Wa 19.9,23; Sòm 46.9; Eze 13.8; Na 3.5 mwen menm k'ap regle ak nou! Se Senyè ki gen tout pouvwa a menm ki di sa. Moun pral boule tout cha lagè nou yo nan dife. Nan lagè a, m'ap fè yo touye tout jenn ti lyon nou yo. M'ap rache nan men nou tou sa nou te pran lakay lòt yo. Yo p'ap janm tande vwa delege nou yo ankò nan okenn peyi sou latè.
Currently Selected:
Nawoum 2: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
