Oze 13

Yon dènye akizasyon kont Izrayèl la

1Nan tan lontan, lè moun Efrayim yo te pale, tout moun te pran tranble. Yo te rive chèf sou tout lòt branch fanmi Izrayèl la. Men, y'al fè sa ki mal. Y'al adore Baal. Se poutèt sa yo pèdi pye. 2Jouk #1 Wa 19.18; Eza 40.19,20; Sòm 115.4 kounyeya, y'ap fè peche toujou. Y'ap pran kwiv, y'ap fonn li pou fè estati zidòl. Y'ap fè bèl zidòl an ajan jan yo konnen. Tou sa se travay atizan fè ak men yo. Apre sa yo di: Ann ofri bèt pou touye ba yo! Kounyeya nou wè se moun k'ap bo estati bèf!

3Konsa, #Sòm 1.4; 68.2; Oze 6.4 moun sa yo ap disparèt tankou vapè ki leve granmaten. Y'ap tankou pay van ap gaye. Y'ap tankou lafimen k'ap soti nan fetay lakizin.

4Senyè a #Egz 20.3; Eza 43.11; 45.21 di ankò: Se mwen menm ki Senyè a, Bondye ou la. Se mwen menm ki te fè ou sòti kite peyi Lejip. Ou pa konn lòt bondye pase mwen menm. Se mwen menm ase ki ka sove ou. 5Mwen #Det 2.7 te okipe ou lè ou te nan dezè a, nan peyi ki pa gen dlo menm lan. 6Men, #Det 8.12-14; Oze 4.7 lè yo rive nan peyi ki gen bon tè a, yo manje plen vant yo, lògèy vire tèt yo, se konsa yo bliye m. 7Se #Jer 5.6; Oze 5.14 poutèt sa, m'ap tonbe sou yo tankou yon lyon. Tankou yon leyopa, mwen pral anbiske kò m sou wout yo ap tann yo. 8M'ap #2 Sam 17.8 tonbe sou yo tankou yon manman lous yo pran pitit li. M'ap dechire yo. M'ap devore yo lamenm tankou yon fenmèl lyon. M'ap dechire yo tankou yon bèt nan bwa.

9M'ap #Det 33.26 detwi nou, nou menm pèp Izrayèl la, paske nou vire sou do mwen, mwen menm ki tout sekou nou. 10Nou #1 Sam 8.5,19; Oze 8.4 te mande pou yo ban nou yon wa ansanm ak lòt chèf. Men, kote wa ki pou te sove nou an? Kote tout chèf ki pou te defann nou yo? 11Mwen #1 Sam 8.22 te fè kòlè, mwen te ban nou wa a. Men, apre sa, nou fè m fache pi rèd, mwen wete l nan mitan nou.

12Mwen #Jòb 14.17 make tou sa Efrayim fè ki mal sou papye. Mwen sere l byen lwen. 13Nan #2 Wa 19.3; Eza 13.8 tout malè sa a, Efrayim te gen yon chans ankò pou l ta sove. Men, li twò sòt, l'ap pèdi chans lan. Se tankou yon ti bebe ki rive sou dat pou l fèt men ki pa vle sòti nan vant manman l. 14Mwen #Eza 25.8; 26.19; Eze 9.10; 37.12; 1 Kor 15.55 p'ap sove pèp la anba lanmò. Mwen p'ap anpeche yo desann nan peyi kote mò yo ye a. Annavan, lanmò! Vini ak tout malè ou yo! Nou menm ki chèf nan peyi kote mò yo ye a, vin detwi pèp la. Mwen p'ap janm gen pitye pou pèp sa a ankò. 15#13.15: tankou wozo bò dlo: Osinon dapre tèks ebre a: nan mitan frè l yo. Menm #Jen 41.52; Eze 17.10; 19.12 si Izrayèl ta fleri tankou wozo bò dlo, m'ap fè yon van leve nan dezè kote solèy leve a, m'ap fè l vante sou li, l'ap cheche tout sous dlo ak tout fontenn li yo. L'ap pran tout bagay ki gen valè nan byen l yo, l'ap pote yo ale.

16 # 13.16—14.9: Koresponn ak chapit 14.1-10 nan tèks ebre a. Peyi #2 Wa 8.12; 18.12; Oze 9.12; 10.14 Samari a pral peye pou sa l fè a, paske li te leve sou do Bondye li a. Yo pral mouri nan lagè. Y'ap pran pitit yo, y'ap kraze yo atè, y'ap fann vant fanm ansent yo.

Currently Selected:

Oze 13: HAT98

Highlight

Copy