Oze 12

1Senyè a di ankò: - Moun Efrayim yo ble mwen anba manti. #2 Wa 17.4; Oze 7.13 Wi, ras moun Izrayèl sa yo, yo vlope mwen ak bèl pawòl. Men moun Jida yo kenbe avèk mwen toujou, yo kenbe fèm ak Bondye ki apa a.

2Senyè a gen yon kont pou l regle ak moun Jida yo tou. Li pral pini moun Jakòb yo dapre ajisman yo. Li pral fè yo peye sa yo fè a.

3Depi #Jen 25.26; 32.28 nan vant manman l, Jakòb, zansèt yo, t'ap goumen ak Ezayi, frè jimo li a. Lè li vin gran li goumen ak Bondye. 4Li #Jen 28.12,19 mare batay ak yon zanj Bondye, epi li genyen. Lè sa a, Jakòb kriye, li mande pou zanj lan beni l. Li kontre ak Bondye Betèl, Bondye pale avè l. 5Se #Egz 3.15 te Senyè ki gen tout pouvwa a. Senyè, se konsa yo rele li. 6Konsa, #Jowèl 2.12,13; Mi 6.8 nou menm pitit pitit Jakòb yo, tounen vin jwenn Bondye nou. Pa janm sispann renmen l. Fè sa ki dwat devan je li. Pran pasyans! Toujou konte sou Bondye.

Izrayèl yo kite lajan pran nanm li

7Senyè a #Pwo 11.1; Am 8.5; Mi 2.2; 6.11 di ankò:

— Moun Izrayèl yo tankou moun Kanaran yo. Y'ap sèvi avèk fo mamit. Yo renmen fè mache nwa. 8Y'ap #Det 29.19; Zak 11.5; Rev 3.17 plede di: Nou fin rich. Nou fè yon bèl kòb. Men, nou travay di tou. Pèsonn pa ka di nou te fè okenn bagay mal pou n gen tout lajan sa a! 9Men, #Lev 23.39-43; Ney 8.4-18 mwen menm, se Senyè a, Bondye nou an mwen ye. Se mwen ki te mennen nou depi lè nou te moute kite peyi Lejip la. M'a pral fè nou rete anba tant twal ankò, jan nou te konn fè l lè mwen te vin jwenn nou nan dezè a.

10Mwen #2 Wa 17.13 te pale ak pwofèt yo. Se mwen ki fè yo fè anpil vizyon. Mwen fè yo bay pèp la anpil avètisman pou mwen. 11Pèp la ap adore zidòl lavil Galarad. Men, sa p'ap sèvi yo anyen. Y'ap ofri towo bèf lavil Gilgal. Men, lotèl yo ap tounen pil wòch nan jaden y'ap pare.

12Jakòb, #Jen 28.5; 29.20 zansèt nou an, te blije al kache nan peyi Aram. Lè l te la, li te travay pou moun pou l te ka jwenn yon fanm pou l marye. Wi, li te fè metye gadò mouton pou l te ka jwenn yon fanm. 13Senyè a #Egz 12.50,51; Det 18.15; Sòm 77.20 voye yon pwofèt pou fè pèp Izrayèl la sòti kite peyi Lejip. Li fè menm pwofèt la pran swen yo. 14Men, #2 Wa 17.17 pèp Efrayim lan te fè bagay ki te fè Senyè a fache anpil. Se poutèt sa, l'ap fè yo peye krim yo fè a. L'ap fè yo peye wont yo te fè l wont la.

Currently Selected:

Oze 12: HAT98

Highlight

Copy