2 Samyèl 14
14
Absalon tounen lavil Jerizalèm
1Joab, pitit Sewouya a, te konnen wa David te anvi wè Absalon anpil. 2Sa li fè, li voye lavil Tekoa al chache yon fanm ki te gen anpil ladrès. Lè fanm lan rive, li di l konsa:
— Ou pral pran pòz ou nan gwo lapenn. W'ap mete rad dèy sou ou, lèfini pa mete okenn odè sou ou. Se pou yo ka pran ou pou yon moun ki gen yon moun mouri depi lontan. 3Lèfini, #2 Sam 14.19 ou pral bò kote wa a, w'a di l tou sa m'a di ou di li.
Apre sa, Joab fè bouch li. 4Fanm #2 Wa 6.26; 8.3 lan ale vre bò kote wa a, li tonbe ajenou devan wa a, li bese tèt li jouk atè, epi li di:
— Tanpri, monwa, fè kichòy pou mwen!
5Wa a #2 Sam 12.1 mande l:
— Kisa ou genyen?
Fanm lan reponn li:
— Adje, monwa! Se yon pòv vèv mwen ye. Mari m mouri. 6Li kite m ak de gitit gason. Yon jou, yo te nan jaden, yonn gen kont ak lòt, yo goumen. Pat gen pèsonn la pou separe yo. Yonn ladan yo touye lòt la. 7Kounyeya menm, #Mak 12.7 tout fanmi m yo leve dèyè m, y'ap mande m pou m lage sa ki te touye lòt la nan men yo pou yo touye l tou, paske li te touye frè l la. Si yo fè sa, m'ap rete san pitit gason. Y'ap wete dènye ti espwa ki te rete m lan. Lèfini, mari m p'ap gen yon pitit gason pou leve non l sou tè a.
8Wa a di madanm lan:
— Ou mèt al lakay ou. M'ap okipe sa pou ou.
9Fanm #1 Sam 25.24 lavil Tekoa a di wa a konsa:
— Monwa, nenpòt kisa w'a deside fè, si pou gen repwòch, y'a repwoche mwen menm ansanm ak fanmi pa m. Men, ou menm ak gouvènman ou, nou pa reskonsab anyen.
10Wa a reponn li:
— Si yon moun konprann pou li kraponnen ou, mennen l ban mwen. Li p'ap janm chache ou kont ankò.
11Fanm #Nonb 35.19,21; Det 19.12; 1 Sam 14.45; Tra 27.34 lan di ankò:
— Tanpri monwa! Lapriyè Senyè a, Bondye ou la, pou moun nan fanmi an ki reskonsab pran revanj lanmò pitit gason mwen an pa fè plis dega toujou, pou li pa touye lòt pitit gason ki ret mwen an.
David reponn li:
— Mwen sèmante devan Senyè vivan an, mwen p'ap kite yo manyen yon grenn cheve nan tèt ti gason ou lan!
12Lè sa a, fanm lan di ankò:
— Tanpri, monwa! Kite m di ou yon dènye pawòl.
Wa a reponn li:
— Pale non.
13Fanm #2 Sam 13.37,38 lan di l konsa:
— Poukisa ou fè move lide sa a sou pèp Bondye a? Ou pa vle kite pwòp pitit gason ou lan tounen nan peyi a. Jan ou sot pale a, ou kondannen pwòp tèt ou. 14Nou #1 Sam 26.19; Jòb 7.9; 14.10; Sòm 88.5; Ekl 3.19-21; 8.8; Jak 4.14 tout gen pou mouri. Nou tankou dlo. Depi ou lage dlo atè, ou pa ka ranmase l ankò. Lè yon moun fin mouri, li mouri nèt. Men, Bondye ta vle pou moun ki te kouri al chache pwoteksyon nan peyi etranje a tounen nan peyi l. 15Monwa, rezon ki fè mwen te vin pale avè ou la, se paske moun yo t'ap fè m pè. Mwen di nan kè m mwen pral pale ak wa a. Wa a ka fè sa m'ap mande l la. 16Mwen t'ap di wa a ka koute m, li ka delivre m anba men moun ki sòti pou yo touye pitit gason m lan ansanm avè m, anba men moun ki sòti pou wete moso tè ki vin pou nou nan peyi Bondye bay pèp li a. 17Mwen #2 Sam 19.27 di ankò pawòl monwa va ban m kouray paske wa a se tankou yon zanj Bondye li ye. Li konn rekonèt sa ki byen ak sa ki mal. Mwen mande pou Senyè a, Bondye ou la, toujou kanpe la avè ou!
18Wa a di l konsa:
— Mwen pral mande ou kichòy, pa kache m anyen.
Fanm lan reponn:
— Monwa, mande m sa ou vle?
19Wa a #2 Sam 14.3 mande l:
— Eske Joab pa nan plan sa a avè ou?
Fanm lan reponn li:
— Menm jan ou vivan an, monwa, pa gen anyen ki pi sèten pase sa ou di la a. Wi, monwa. Se Joab, chèf lame ou la, ki di m tou sa pou m fè ak tou sa pou m di. 20Men, si li fè l se paske li vle pou tout bagay sa a regle. Monwa, ou gen bon konprann tankou yon zanj Bondye, ou konnen tou sa k ap pase nan peyi a.
21Pita, wa a di Joab konsa:
— Mwen pral fè sa ou vle m fè a. Ale chache jennonm yo rele Absalon an, mennen l tounen isit la.
22Joab tonbe ajenou devan David, li bese tèt li jouk atè. Li di:
— Se pou Bondye beni ou, monwa! Jòdi a mwen konnen ou kontan avè m vre, paske ou ban mwen sa m mande ou la.
23Joab #2 Sam 13.38 leve, l'ale lavil Gechou, li mennen Absalon tounen lavil Jerizalèm. 24Men, wa a bay lòd pou Absalon pa vin rete nan palè a, paske li pa vle pou l parèt devan li. Se konsa Absalon al rete lakay li, li pa janm parèt devan wa a.
Absalon rebyen ak David
25Pat gen pi bèl gason nan tout peyi Izrayèl la pase Absalon. Tout moun t'ap di sa. Pran depi nan cheve l rive nan pwent zòtèy li, li pat gen okenn defo. 26Li te gen anpil cheve. Li te blije koupe yo chak lanne paske, lè yo te lonje yo te vin twò lou pou li. Lè yo peze cheve yo, yo ka rive peze senk liv dapre sistèm pèz yo sèvi kay wa a. 27Absalon #2 Sam 18.18 te gen twa pitit gason ak yon pitit fi ki te rele Tama. Tama te bèl anpil. 28Absalon pase dezan lavil Jerizalèm san li pa janm parèt devan wa a. 29Apre sa, li voye chache Joab pou mande l al kote wa a pou li. Men, Joab pa vini. Yon lòt fwa ankò, Absalon voye chache l. Fwa sa a tou Joab refize vini. 30Lè sa a, Absalon di domestik li yo:
— Gade! Nou wè jaden Joab ki toupre jaden pa m lan. Li plante lòj. Enben, al met dife ladan l.
Y ale, yo mete dife nan jaden Joab la. 31Joab al lakay Absalon, li mande l:
— Poukisa moun pa ou yo mete dife nan jaden m lan?
32Absalon #2 Sam 13.38 reponn li:
— Paske ou pat vle vini lè mwen te voye chache ou la. Mwen te bezwen ou ale bò kote wa a pou mwen pou ou mande l sa m te bezwen kite lavil Gechou a vin isit la fè. Pito m te rete laba a. Kounyeya, mwen ta renmen ou jwenn yon jan pou m parèt devan wa a. Si m antò, li mèt touye m!
33Se #Lik 15.20 konsa Joab al bò kote wa David, li rapòte l sa Absalon te di l la. Wa a voye chache Absalon. Absalon vini, li tonbe ajenou devan wa a, li bese tèt li jouk atè. Wa resevwa l, li bo l.
Currently Selected:
2 Samyèl 14: HAT98
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.