2 Wa 2
2
Eli moute nan syèl
1Lè a te rive pou Senyè a te fè Eli moute nan #Jen 5.24; 1 Wa 19.19-21 syèl nan yon toubouyon. Eli ak Elize pati ansanm, yo kite lavil Gilgal. 2Eli #Rit 1.15,16; 3.13 di Elize konsa:
— Ou mèt rete isit la tande, paske Senyè a ban m lòd pou mal Betèl.
Men, Elize reponn li:
— Mwen pran ou menm ansanm ak Senyè ki vivan an pou temwen, mwen p'ap kite ou ale pou kont ou.
Se konsa yo pati ansanm pou lavil Betèl. 3Men, #1 Wa 20.35; 2 Wa 4.1,38 yon gwoup pwofèt ki te rive lavil Betèl vin kontre Elize, yo di l konsa:
— Ou pa konnen Senyè a pral pran mèt ou a jòdi a?
Elize reponn yo:
— Mwen konn sa wi. Men nou menm, nou pa bezwen di anyen ankò!
4Apre #1 Wa 16.34 sa, Eli di Elize:
— Kounyeya ou mèt rete isit la tande, paske Senyè a te ban m lòd pou mal Jeriko.
Men, Elize reponn li:
— Mwen pran ou menm ansanm ak Senyè ki vivan an pou temwen, mwen p'ap kite ou ale pou kont ou.
Se konsa yo pati ansanm pou lavil Jeriko. 5Yon gwoup pwofèt ki te rete lavil Jeriko vin kontre Elize, yo di l konsa:
— Ou pa konnen Senyè a pral pran mèt ou a jòdi a?
Elize reponn:
— Mwen konn sa wi! Men nou menm, nou pa bezwen di anyen ankò.
6Apre sa, Eli di Elize:
— Kounyeya ou mèt rete isit la tande, paske Senyè a ban m lòd pou mal bò larivyè Jouden.
Men, Elize reponn li:
— Mwen pran ou menm ansanm ak Senyè ki vivan an pou temwen, mwen p'ap kite ou ale pou kont ou.
Se konsa yo pati ansanm ankò. 7Senkant nan pwofèt Jeriko yo t'ap mache dèyè yo. Eli ak Elize rete bò larivyè Jouden an. Senkant pwofèt yo menm rete yon ti distans lwen yo. 8Eli #Egz 14.21; Joz 3.16; 1 Wa 19.19 wete gwo rad ki te sou li a, li woule l, li frape dlo a avè l. Dlo a fann de bò. Eli ak Elize janbe lòt bò larivyè a san pye yo pa mouye. 9Lè #Det 21.17 yo fin janbe, Eli di Elize konsa:
— Di m kisa ou ta vle m fè pou ou anvan Bondye pran m.
Elize reponn li:
— Mwen ta renmen resevwa yon pòsyon doub #2.9: yon pòsyon doub: Dapre sa ki ekri nan liv Detewonòm lan, Elize mande valè pòsyon tout premye pitit gason gen pou resevwa nan byen eritaj papa yo. nan lespri ki sou ou a.
10Eli di li:
— Sa ou mande m la a pa fasil. Men, si ou wè m ak je ou lè m'ap kite ou la, w'ap jwenn sa ou mande a. Men, si ou pa wè m, w'a konnen ou p'ap jwenn li.
11Yo #2 Wa 6.17; Mak 16.19; Rev 11.12 t'ap mache ansanm, yo t'ap pale yonn ak lòt lè yon cha dife ak chwal dife vin nan mitan yo. Epi li pote Eli moute nan syèl nan yon gwo toubouyon. 12Lè #2 Wa 13.14 Elize wè sa, li rele Eli epi li di:
— Papa mwen! Papa mwen! Ou menm ki te tankou yon gwo lame pou pran defans peyi Izrayèl la, ou ale vre!
Epi li pa wè Eli ankò. Yon sèl lapenn pran Elize. Sa fè li chire rad sou li fè de moso. 13Lèfini, li ranmase gwo rad ki te sòti sou zepòl Eli tonbe atè a, epi li tounen. Rive bò larivyè Jouden an li kanpe. 14Li #Egz 14.21; Joz 3.16 frape dlo a ak rad ki te sòti sou zepòl Eli a, epi li di byen fò:
— Kote Senyè a, Bondye Eli a?
Li frape dlo a yon dezyèm fwa ak rad Eli a. Dlo a fann de bò. Elize janbe lòt bò larivyè a. 15Lè #2 Wa 2.3 pwofèt Jeriko yo ki te pi devan an wè sa, yo di:
— Lespri Eli a sou Elize!
Yo vin jwenn li, yo bese tèt yo jouk atè devan l. 16Yo #1 Wa 18.12; Tra 8.39 di li:
— Koute. Gen senkant nan nou la a. Nou tout se vanyan gason. Kite n'al chache mèt ou a. Ou pa janm konnen. Lespri Bondye a ka pran l al lage sou yon mòn osinon nan yon fon.
Men, Elize di yo:
— Non. Pa voye pèsonn dèyè l.
17Men yo kenbe la avè l jouk li di yo:
— Bon. Nou mèt ale!
Se konsa yo voye senkant moun yo al chache Eli. Yo pase twa jou ap chache, yo pa jwenn li. 18Yo tounen al jwenn Elize ki te rete ap tann yo lavil Jeriko. Elize di yo:
— Mwen pat di nou nou pat bezwen ale!
Mirak Elize lavil Jeriko
19Moun lavil Jeriko yo vin di Elize:
— Mèt, lavil la bati nan yon bon pozisyon, jan ou ka wè l la. Men, dlo a pa bon, li fè tè a pa bay anyen.
20Elize di yo:
— Pote ti gout sèl nan yon bòl tou nèf ban mwen!
Yo pote veso sèl la bay Elize. 21Elize #Egz 15.25; 2 Wa 4.41 moute nan sous la, li voye sèl jete nan dlo a. Lèfini, li di:
— Men sa Senyè a di: M'ap netwaye dlo sa a. Li p'ap janm touye moun ankò, ni li p'ap fè tè a rete san donnen anyen.
22Depi lè sa a dlo a vin bon jouk jounen jòdi a, jan Elize te di l la. 23Elize kite lavil Jeriko, l'ale lavil Betèl. Li t'ap mache sou chemen an konsa, lè yon bann ti gason sòti lavil la, yo pran pase l nan betiz, yo t'ap rele:
— Al fè wout ou, tèt chòv! Al fè wout ou, tèt chòv!
24Elize vire, li gade ti gason yo, li ba yo madichon nan non Senyè a. Lamenm, de lous sòti nan rakbwa a, yo dechire karannde nan ti gason yo. 25Apre #1 Wa 18.19,20 sa, Elize ale mòn Kamèl. Lèfini li tounen lavil Samari.
Currently Selected:
2 Wa 2: HAT98
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.