1 Timote 4
4
Moun k'ap mache bay fo doktrin
1Lespri Bondye te di sa byen klè: nan dènye #2 Tim 3.1; 2 Pyè 3.3; Jid 1.18; 1 Jan 2.18 tan an, gen moun k'ap lage konfyans yo nan Bondye. Yo pral obeyi yon bann lespri k'ap bay manti, yo pral swiv yon bann pawòl ki sòti nan move lespri yo.
2Y'ap kite yon bann moun ipokrit fè yo pèdi tèt yo ak manti. Konsyans moun sa yo fini, ou ta di yo boule ak yon fè cho. 3Y'ap #Jen 9.3; 1 Kor 10.30,31 plede di sa pa bon pou moun marye, gen kalite manje moun pa gendwa manje. Men, se Bondye ki kreye manje sa yo pou moun ki gen konfyans nan li epi ki rive konn verite a ka manje lè yo fin di Bondye mèsi. 4Tou #Jen 1.31; Tra 10.15 sa Bondye kreye bon. Nou pa fèt pou nou voye yo jete. Se pou nou asepte tout bagay san nou pa janm bliye di Bondye mèsi. 5Se pawòl Bondye a ak lapriyè nou fè a k'ap mete yo apa pou Bondye.
Yon bon sèvitè Jezikri
6Si ou moutre frè ou yo tout bagay sa yo, ou va yon bon sèvitè Jezikri. W'a swen tèt ou ak pawòl ki sòti nan konfyans Bondye ak nan verite w'ap swiv deja a. 7Men, #1 Tim 1.4; 6.20; 2 Tim 2.16,23; Tit 1.14; 3.9 wete lide ou sou istwa san sans ki pa dakò ak konfyans nan Bondye, ak sou radòt ki pa merite repete. Toujou chache mwayen pou ou sèvi Bondye pi byen. 8Si #1 Tim 6.6 nan yon sans sa bon pou nou chache fè espò pou kenbe kò nou anfòm, sa pi bon toujou, epi nan tout sans, pou nou fè jefò nan sèvis Bondye a, paske sa ap garanti nou lavi pou kounyeya ak pou tout tan. 9Sa #1 Tim 1.15 se yon pawòl ki sèten, tout moun te dwe asepte l, yo tout te dwe kwè li. 10Se #1 Tim 2.3,4 poutèt sa ou wè n'ap travay di, n'ap goumen konsa. Paske, nou mete tout espwa nou nan Bondye vivan an k'ap sove tout moun, espesyalman moun ki gen konfyans nan li.
11Se tout bagay sa yo pou ou moutre moun yo, pou ou mande yo swiv. 12Pa #Tit 2.15 kite pèsonn pase ou nan betiz paske ou twò jenn. Men, se pou ou tounen yon egzanp pou moun ki kwè yo, nan jan ou pale, nan jan ou mennen tèt ou, nan jan ou gen renmen, nan jan ou gen konfyans, nan jan w'ap mennen yon lavi ki dakò ak volonte Bondye. 13Pandan w'ap tann mwen vini an, pa janm sispann li Liv la pou tout moun. Ankouraje frè yo, moutre yo tout bagay. 14Pa #1 Tim 5.22; 2 Tim 1.6; Tra 6.6; 8.17 neglije kado Lespri Bondye te ba ou lè chèf reskonsab yo te mete men sou tèt ou, apre pwofèt yo te fin pale pou ou. 15Fè travay sa a ak anpil swen, bay tout tan ou pou li, pou tout moun ka wè jan w'ap fè pwogrè. 16Veye #Wòm 11.14 sou konpòtman ou, fè atansyon ak pawòl verite w'ap anonse a. Pa lage travay ou menm. Si ou fè sa konsa, w'a sove tèt ou ansanm ak tout moun k'ap koute ou yo.
Currently Selected:
1 Timote 4: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
