1 Tesalonisyen 5
5
1Frè m yo, mwen pa bezwen ekri nou pou m fè #Mat 24.36 nou konnen ni ki lè, ni ki jou bagay sa yo gen pou rive. 2Nou #Mat 24.42-44; 2 Pyè 3.10; Rev 3.3; 16.15 menm nou konn sa byen: Jou Senyè a gen pou l vin sou nou tankou yon vòlò k'ap vin nan mitan lannwit. 3Lè #Jer 6.14; Jan 16.21,22; Mat 24.39; Lik 21.34,35 n'ap tande moun ap di: Gen lapè toupatou, tout bagay byen sou kontwòl, se lè sa a, san nou pa atann, n'ap wè kòlè Bondye a tonbe sou yo pou detwi yo. Se tankou lè doulè tranche sezi yon fanm ansent. P'ap gen chape pou yo. 4Men nou menm, frè m yo, nou pa moun k'ap viv nan fènwa. Jou sa a p'ap vin sou nou tankou yon vòlè, san nou pa atann. 5Paske, #Wòm 13.12; Ef 5.9 nou tout se moun k'ap viv nan limyè, nan gwo lajounen. Nou pa moun k'ap viv nan lannwit, nan fènwa! 6Se sa k fè, piga nou dòmi tankou lòt yo. Pa kite dòmi pran nou. Kenbe tèt nou anplas. 7Se lannwit moun dòmi. Se lannwit tou moun sou. 8Men #Ef 6.14-17; Eza 59.17 nou menm, nou se moun k'ap viv lajounen, se pou nou toujou kenbe tèt nou anplas. Ann pran konfyans nou gen nan Bondye a ak renmen nou gen nan kè nou tankou yon plak pwotèj pou lestonmak nou. Ann pran espwa nou genyen nan Jezi k'ap vin delivre nou nèt la, ann mete l tankou yon kas an fè nan tèt nou. 9Paske, #1 Tes 1.10; 2 Tes 2.14 Bondye pat chwazi nou pou nou te tonbe anba kòlè li, men pou n te ka delivre, gremesi Jezikri, Senyè nou an. 10Jezi #1 Tes 4.14; Wòm 14.8,9 te mouri pou n te ka viv ansanm ak li. Konsa, kit nou mouri deja, kit nou vivan toujou lè l'a vini an, nou tout n'ap toujou ansanm ak li. 11Se #Jid 1.20 poutèt sa, annou yonn ankouraje lòt, yonn ede lòt, jan nou deja ap fè l la.
12Frè m #1 Kor 16.18; 1 Tim 5.17 yo, m'ap mande nou pou nou gen anpil respè pou moun k'ap travay nan mitan nou yo, moun Senyè a chwazi pou dirije nou, pou ankouraje nou. 13Se pou nou gen anpil konsiderasyon pou yo, se pou nou renmen yo poutèt travay y'ap fè a. Se pou nou viv byen ak kè poze yonn ak lòt.
14M'ap #2 Tes 3.6,11,15 mande nou tou, frè m yo, pou nou rele dèyè moun k'ap fè parese yo. Ankouraje sa ki yon ti jan frèt yo, ede sa ki fèb yo. Se pou nou pran pasyans ak tout moun. 15Pa #Pwo 20.22; Wòm 12.17; 1 Pyè 3.9 kite pèsonn rann mal pou mal. Okontrè, toujou chache fè sa ki byen yonn pou lòt ak sa ki byen pou tout moun.
16Se #Fil 4.4 pou kè nou toujou kontan. 17Pa #Lik 18.1; Wòm 12.12; Kol 4.2 janm sispann lapriyè. 18Di #Ef 5.20 Bondye mèsi pou tout bagay. Se sa Bondye mande nou, nou menm ki mete konfyans nou nan Jezikri.
19Pa #1 Kor 14.1,29,30,39 antrave travay Sentespri a. 20Pa meprize pawòl moun k'ap bay mesay ki sòti nan Bondye. 21Egzaminen #1 Jan 4.1 tout bagay byen, kenbe sa ki bon. 22Egzante #Jòb 1.1,8; 2.3 tou sa ki mal.
23Mwen #2 Tes 3.16 mande Bondye ki bay kè poze a pou l fè nou favè pou nou viv pou li nèt ale. Konsa, lè Jezikri, Senyè nou an, va vini, li p'ap jwenn nou ak okenn defo, ni nan kò nou, ni nan lespri nou ni nan nanm nou. 24Bondye #1 Kor 1.9; 2 Tes 3.3 ki rele nou an va fè sa pou nou, paske li toujou kenbe pawòl li.
25Frè m #2 Tes 3.1 yo, lapriyè pou mwen tou.
26Di #1 Kor 16.20 tout frè yo bonjou, bo yo pou mwen tankou moun k'ap viv pou Bondye konn fè l la.
27Tanpri souple, nan non Senyè a, li lèt sa a bay tout frè yo.
28Se pou benediksyon Jezikri, Senyè nou an, toujou la avèk nou.
Currently Selected:
1 Tesalonisyen 5: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
