1 Wa 4

Chèf gouvènman Salomon yo

1Salomon te wa sou tout pèp Izrayèl la nèt. 2Men #1 Kwo 6.10 non chèf ki te nan gouvènman li an:

Azarya, pitit Zadòk, te prèt la.

3Elikorèf #2 Sam 8.16; 20.24 ak Akija, pitit gason Chicha yo, te sekretè palè a. Jozafa, pitit Ayiloud, te reskonsab achiv wa a.

4Benaja, #2 Sam 20.25; 1 Wa 2.27,35 pitit gason Jeojada, te kòmandan tout lame a. Zadòk ak Abyata te prèt.

5Azarya, #1 Kwo 27.33 pitit gason Natan, te chèf tout gouvènè yo. Zaboud, pitit gason Natan, prèt la, te konseye pèsonnèl wa a.

6Ayicha #2 Sam 20.24; 1 Wa 5.14; 12.18 te chèf kanbiz palè a. Adoniram, pitit gason Abda, te reskonsab travay kòve yo.

7Salomon te chwazi douz gouvènè pou tout peyi a. Travay yo se te ranmase manje nan zòn sou reskonsabilite yo pou wa a ak tout moun lakay li yo, yo chak pandan yon mwa nan lanne a. 8Men non douz gouvènè yo ak zòn sou reskonsabilite yo chak:

Bennour, pou zòn mòn Efrayim yo,

9Benndeke, pou zòn lavil Makaz, lavil Chalbim, lavil Bèt-Chemèch, lavil Elon ak lavil Bèt-Anan.

10Bennesèd, pou zòn lavil Awoubòt, lavil Soko ak tout peyi Efè a.

11Bennabinadab, ki te marye ak Tafat, pitit fi Salomon an, pou tout zòn Dò a.

12Bana, #Joz 17.11 pitit gason Akiloud, pou zòn lavil Tanak, lavil Megido, pou tout zòn bò lavil Bèt-Chean toupre lavil Zaretan, sou bò sid lavil Jizreyèl la rive lavil Abèl-Meola ak lavil Jokmeyam.

13Benngebè, #Nonb 32.41; Det 3.4 pou lavil Ramòt nan peyi Galarad, ak tout ti bouk nan peyi Galarad la ki pou branch fanmi Jayi, pitit Manase, ak tout zòn Agòb nan peyi Bazan. Antou swasant gwo lavil fèmen dèyè gwo miray ranpa ak gwo pòtay bare ak poto kwiv.

14Akinadad, #2 Sam 2.8 pitit gason Ido, pou zòn Manayim.

15Akimaz, ki te marye ak Basmat, yonn nan pitit Salomon yo, pou zòn Neftali a.

16Bana, pitit gason Ouchayi, pou zòn Asè a ak lavil Bealòt.

17Jozafa, pitit gason Pawouk, pou zòn Isaka a.

18Chimeyi, pitit gason Ela, pou zòn Benjamen an.

19Gebè, #Nonb 21.23,24; Det 3.8-10 pitit gason Ouri, pou zòn Galarad, ansyen peyi Siyon, wa moun Amon yo ak Og, wa peyi Bazan an.

Te gen yon gouvènè jeneral tou pou tout peyi a.

Gouvènman Salomon an

20Pèp #Jen 32.12; 1 Wa 3.8; 2 Kwo 1.9; Ekl 3.13; 9.7 Izrayèl la ak pèp Jida a te anpil, yo te tankou grenn sab bò lanmè. Yo t'ap manje, yo t'ap bwè, kè yo te kontan. 21#4.21—5.18: Koresponn ak chapit 5.1-32 nan tèks ebre a. Salomon #Jen 15.18; Egz 23.31; Joz 1.4; 2 Kwo 9.26; Sòm 72.8,10,11 te rive gouvènen tout nasyon nan zòn ki pran depi larivyè Lefrat rive nan peyi Filisti a ak fontyè Lejip la. Yo tout te peye Salomon taks, yo tout te soumèt devan li pandan tout reny li jouk li mouri.

22Men #Ney 5.18 pwovizyon Salomon te bezwen chak jou: sansenkant (150) barik kè ble, twasan (300) barik farin frans, 23dis bèf angrese nan pak, ven bèf angrese nan savann, san mouton, san konte bèt mawon, mal ak fenmèl, ak bèt volay byen gra.

24Salomon #1 Kwo 22.9 te rive chèf sou tout peyi ki sou bò solèy kouche larivyè Lefrat la depi lavil Tifsak bò larivyè Lefrat la jouk lavil Gaza nan direksyon lwès. Tout ti wa ki t'ap gouvènen sou bò solèy kouche larivyè Lefrat la te soumèt devan li. Salomon menm pat ni nan goumen ni nan kont ak okenn peyi nan vwazinay li. 25Pandan #2 Sam 3.10; Mi 4.4; Zak 3.10 tout reny Salomon jouk li mouri, moun peyi Izrayèl yo ak moun peyi Jida yo t'ap viv ak kè poze, san danje ni malè, chak fanmi nan lakou yo ak ti jaden rezen yo anba pye fig frans yo.

26Salomon #1 Wa 10.26; 2 Kwo 1.14; 9.25 te gen katmil #4.26: katmil: Dapre sa nou jwenn nan kèk ansyen vèsyon epi ki koresponn ak 2 Wa 9.25, men tèks ebre a bay karantmil. (4.000) pak pou chwal cha lagè yo, ak douzmil (12.000) chwal pou sòlda. 27Douz gouvènè yo te gen pou ranmase pwovizyon wa Salomon te bezwen pou li menm ak pou moun k'ap manje nan palè a, yo chak pandan yon mwa nan lanne a. Yo pa janm kite anyen manke. 28Gouvènè yo te gen pou bay lòj ak zèb tout kote yo bezwen pou chwal cha lagè yo ak lòt bèt chay.

29Bondye #1 Wa 3.12 te bay Salomon anpil lespri, anpil bon konprann ak yon konesans nou pa ka mezire. 30Salomon #Jòb 1.3; Tra 7.22 te gen plis bon konprann pase tout moun ki gen bon konprann nan peyi bò solèy leve yo, osinon pase tout moun ki gen bon konprann nan peyi Lejip. 31Li #1 Wa 3.12 te gen plis bon konprann pase tout moun, pase Etan, moun lavil Ezrak, pase Eman, Kalkòl ak Dada, pitit gason Makòl yo. Nan tout peyi ki toupre peyi Izrayèl la yo t'ap nonmen non Salomon. 32Li #Pwo 1.1; Kan 1.1 te ekri twamil (3.000) pwovèb ak mil senk (1.005) chante pou pi piti. 33Li fè bèl pawoli sou pyebwa ak tout kalite plant, depi pye sèd peyi Liban yo jouk lyann izòp ki pouse sou miray. Li pale tou sou bèt kat pat, sou zwazo, sou bèt ki trennen sou vant ak sou pwason. 34Moun #1 Wa 10.1; 2 Kwo 9.23 te sòti toupatou pou vin tande Salomon ap pale. Ata wa tout lòt peyi latè yo te pran nouvèl jan li te gen anpil bon konprann. Yo menm tou yo te voye moun vin tande l.

Currently Selected:

1 Wa 4: HAT98

Highlight

Copy