Roma 3

3 Ik.

1Yakun, Yudea un guru gusu nep kasu no an irenga an a? Shui, okarituye-buri gusu nep yaiepirikare ambe an a? 2Nekon a ka porop ne: hoshiki no nei utara Kamui shongo ashikkashimare nisa ruwe ne. 3Nei utara tumugeta eishokoro shomoki utara okai a yakka nekon a? Nei eishokor-i sakbe anak ne Kamui eishokor-i raka-sakte kusu ne ya? 4Ara shomo: ruwe un, Kamui anak ne sonep ne a koroka, obitta no okai ainu pishno shungep ne sekoro aesanniyore yan; ene chieshinnuye wa an korachi ne :—

Aokai anak ne koro itak gusu oupekap ne aesanniyo,

Orowa, akoipishi ita Aokai annokara ki kuni gusu ne na.

5Koroka, chikoro oupeka-sakbe anak ne Kamui oupeka ambe ashte yakun, nekon chi ye kusu ne ya? Irushka irenga sange Kamui oupeka-sakbe ne ruwe he an? (ainu itak korachi ku itak ruwe ne). 6Ara shomo: nei no ne yak anak ne hemanda Kamui anak moshiri koipishi kusu ne ya? 7Koroka, ku ki shungep anak ne Kamui koro nupeki gusu Shinuma sonep ashte yakun, hemanda gusu kuani ne yakka katpak ki guru ku ne sekoro a en esanniyo ruwe he an? 8Orowa, shui, (un ohaigekara wa) — Pirikap ahetukure gusu, wenbe ki yanro — (sekorʼan itak ani chi ye ruwe ne sekoro ye utara itak korachi) — nep gusu shomo chi ki ya? Nei utara gusu an aesanniyo-hi anak ne oupekap ne ruwe ne na.

9Yakun, nekon a? Nei utara kasu no chi utara anak ne pirika irenga kon ruwe he an? Shomo, son no shomo: inambe gusu ne yakun, Yudea un utara ne yakka, Herenes un utara ne yakka, obitta akokat-pakbe ne sekoro teeda chi esanniyo wa ye nisa ruwe ne gusu ne na; 10ene chieshinnuye wa an korachi ne :—

Oupeka guru isam, ruwe uu, shiueu ka isam ruwe ne;

11Eraman guru isam,

Kamui hunara guru isam,

12Nei utara obitta ru eshishi wa shine-ikinne raka-isamhe ne;

Pirikap ki guru isam, ruwe uu, shinen pakno poka isam ruwe ne:

13Koro rekuchi anak ne amaka wa an tushiri ne;

Koro parumbe ani kokandama ki:

Koro papush choropoketa kinashutumbe surugu an:

14Koro paroho anak ne iyoitakushi newa shiuninbe ani aeshik:

15Kemnure gusu koro chikiri pikan;

16Isamka ambe newa yairamkoiki ambe anak ne nei utara kon ru otta okai;

17Orowa, itomo irenga an ruhu nei utara erampeutek nisa ruwe ne:

18Koro shik-samata Kamui koishitoma ambe isam ruwe ne na.

19Nep ne yakka tuitak ye okaibe anak ne nei tuitak choropoketa okai utara otta ye ruwe ne sekoro chi eraman; tambe anak ne obitta no okai utara koro paroho aseshke hine moshirʼebitta Kamui orowa no akoipishi kusu ne a ambe ne: 20inambe gusu ne yakun, tuitak iki wa gusu nep kam ne yakka Shinuma tek-samata oupeka ne sekoro shomo aesanniyo kusu ne: tuitak ankushkerai katpak aeraman ruwe ne gusu ne na. 21Koroka, tane tuitak oyapi Kamui orowa no an oupeka ambe anukare okere, tuitak newa uweingarape nei ambe gusu paweteshu ki ruwe ne; 22nei ambe anak Yesu Kiristo eishokor-i ani obitta no okai eishokor-i atte utara gusu an Kamui oupeka ambe ne; uweshinnai no an ambe isam ruwe ne gusu ne na; 23orowa, obitta no okai utara anak ne katpak ki okere hine Kamui nupeki ehaita ruwe ne gusu ne na; 24aige, oro-isam no Kiristo Yesu gusu an kikiraye ambe ani Shinuma korʼirenga ankushkerai aoupekare shiri an: 25Shinuma koro kemihi gusu, eishokor-i ani, imommuye ne akara kuni ne Kamui shinuma gusu esanniyo; nei ambe anak ne Kamui yaishikkashima hine etoko wano aki katpak moshima no ande wa koro oupeka ambe eramande kuni ne; 26tane an pakihi ta Shinuma koro oupeka ambe eramande kunip ne: Shinuma yaikota oupeka wa Yesu eishokoro guru oupekare kuni gusu an ambe ne ruwe ne na. 27Yakun, yaiyomonnure kuni ushike neita an a? Asoyekatta. Nekon a tuitak ani, Iki ikip ani ruwe? Shomo: koroka, eishokor-i sekorʼan tuitak ani ne ruwe ne. 28Tuitak ikip oyapi an wa ainu anak ne eishokor-i ani aoupekare ruwe ne sekoro chi esanniyo ruwe ne gusu ne na. 29Kamui anak ne Yudea un utara koro Kamui patek ne ruwe he an? Shui, Oya uirup koro Kamui shomo ne ruwe he an? Ruwe un, Oya utara koro Kamui ne yakka ne ruwe ne: 30Kamui anak ne Shinep ne wa eishokor-i gusu okarituye-buri akire utara oupekare, orowa, eishokor-i ani okarituye-buri shomo akire utara oupekare yak anak ne ene ne ruwe ne. 31Tambe gusu, chi utara anak ne eishokor-i ani tuitak raka-sakte ruwe he an? Ara shomo: koroka, tuitak ashte ruwe ne.

Currently Selected:

Roma 3: AINU

Highlight

Copy