Roma 2

2 Ik.

1Tambe gusu, Ainu, Aokai gusu ne yakka inan koipishi ki guru gusu ne yakka obitta yayapapu ki eashkai ushike ka isam: inambe gusu ne yakun, aokai anak ne moshima guru koipishi chiki, yaikota katpak an sekoro yaiesanniyo ruwe ne; koipishi ki aokai anak ne nei okaibe ki ruwe ne gusu ne na. 2Inambe gusu ne yakun, nei okaibe ki utara gusu Kamui koipishi-hi anak ne sonep ne ambe ne sekoro chi eraman. 3Shui, tap okaibe ki utara koipishi, aine, yaikota nei ambe ki ainu aokai anak ne Kamui koipishi-hi eyaishishire kusu ne sekoro e esanniyo ya? 4Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an? 5Koroka, e koro nishte newa shomo yaikokatpak sambe gusu, eani anak ne irushka toho newa anukare kuni Kamui oupeka koipishi toho gusu irushka-hi eumashnu koran ruwe ne; 6Shinuma anak ne obitta no okai utara iki ikip an korachi pishno pishno koropare kusu ne; 7pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu: 8koroka, sakayo ki wa sonep itakkashi, aige, oupeka sakbe koitaknu utara otta, 9irushka-i newa kinrakarape, eramchuptekbe newa yairamkoiki ambe, pishno pishno wenbe iki ainu ramat kata an, hoshiki no Yudea un guru otta, orowa, 10Herenes un utara otta an na: koroka, pishno pishno pirikap iki guru otta nupeki newa aeoripakbe newa itomo an, hoshiki no Yudea un guru otta, 11orowa, Herenes un guru otta an na: inambe gusu ne yakun, Kamui otta utara eankeshbe isam ruwe ne gusu ne na. 12Tuitak sak no katpak ki obitta no okai utara anak ne, tuitak sak no aisamka kusu ne: orowa, tuitak akore wa katpak ki obitta no okai utara anak ne, tuitak ani akoipishi kusu ne gusu ne na; 13tuitak nu utara anak ne Kamui tek-samata oupeka ne ambe shomo ne, koroka, tuitak shikkashima utara aoupekare kusu ne gusu ne na: 14tuitak akore shomoki Oya uirup anak ne koro keutum buri an gusu nei tuitak ta an okaibe shikkashima yak ne, tan utara tuitak sak no okai yakka, yaikota gusu tuitak ne ruwe ne; 15nei utara koro sambe kata tuitak ikip anuye wa an-hi nukare, koro keutum nei ambe tura paweteshu ki, orowa, koro esanniyo-hi anak ne utashpa eiyonnuppa hene ki, 16tusare hene ki ruwe ne; nei ambe Yesu Kiristo ani, ku koro pirika shongo an korachi, Kamui anak utara aenuinap koipishi toho ta an na.

17Koroka, aokai anak ne Yudea un guru an reihei ani areikore hene aki hine tuitak otta eyaikopashte hene ki, Kamui gusu yaiyomonnure hene ki, Shinuma korʼirenga eraman hene ki, 18orowa, tuitak gusu aeyaipakashnu wa uweshinnai no an okaibe uwande hene ki, 19samata, aokai yaikota shiknak utara ru epakashnu guru ne, kunne-i ta okai utara gusu pekere ne, 20ramu-isambe pakashnup ne, aiai epakashnup ne, tuitak oshiketa eramushbe newa sonep katuhu koro; 21tambe gusu moshima an guru epakashnu guru, aokai yaikota yaiepakashnu shomoki ruwe he an? Iteki ikka yan ari an itak ani upaskuma ki guru, 22eani ikka ya? Iteki omoinu koro yan ari an itak ani ye guru, aokai anak ne omoinu koro ya? Potoki etunne guru, aokai anak ne Kamui chisei unbe e ikka ya? 23Tuitak gusu yaiyomonnure guru, aokai anak ne tuitak otereke wa Kamui shomo koyaikatanu ki ya? 24Inambe gusu ne yakun, anuye wa an korachi poka, echi rengap gusu Oya uirup tumta Kamui reihei akoatcha an. 25Aokai anak ne tuitak iki chiki okarituye buri anak epirikare ruwe ne: koroka, tuitak e otereke yakun, e ki okarituye buri anak ne shomo okarituye buri anere ruwe ne. 26Tambe gusu, okarituye buri shomo iki utara anak ne tuitak oma ipawetenge shikkashima yakun, nei shomo okarituye buri iki ambe anak ne okarituye buri ne sekoro aesanniyo shomoki ruwe he an? 27Orowa, rengaine an shomo okarituye buri iki ambe anak ne tuitak uweomare yakun, ikiri newa okarituye buri koro wa tuitak otereke guru ne eani koipishi shomoki kusu ne ruwe he an? 28Inambe gusu ne yakun, anukan no an no an guru anak ne Yudea un guru shomo ne, shui, anukan no an wa kam otta an ambe anak ne okarituye buri shomo ne: koroka, onnaigeta an no an guru anak Yudea un gunʼne; 29orowa, okarituye buri anak ne keutum an ambe ne, ikiri otta an ambe shomo ne, ramat unbe ne ruwe ne; nei okaibe ramuayore-hi anak ne utara orowa no an ambe shomo ne, koroka, Kamui orowa no an ap ne ruwe ne na.

Currently Selected:

Roma 2: AINU

Highlight

Copy