Iyohaichish 49
49
49. Iyohaichish.
Shinotcha esapane guru gusu; Kora poho kara Iyohaichish.
1ECHI okai uirup utara obitta tambe nu yan
Moshiri uirup utara echi utara obitta ikokanu yan:
2Nupuru nishpa hene, nupan guru bene,
Oteknu nishpa hene, irapokkari guru hene ne yakka ikokanu yan.
3Ku paro anak ne wayashnu ambe ye;
Keutum ta ku esanniyo-hi anak ne ramu an no an ambe ne kusu ne na.
4Itak-maukushte-itak orun ku nu kusu ne:
Koto rekte wa ku goro kunne itak ku sange kusu ne na.
5Wen-buri anak ne ku keshup okari ta okai,
Hemanda gusu wen orushpe an toho ku ishitoma?
6Koro oiteknup eyaikopashte utara,
Koro ikoro inne ruwe ne gusu yaiomonnure utara anak,
7Nei utara anak ne oara moshima an guru kikiraye eaikap,
Orowa, nei guru gusu Kamui orota imommuyep sange eaikap;
8(Nei utara kon ramat kikiraye-hi anak ne shiri ataye nupurube ne.
Orowa, ramma pakno moshima no aande kunip ne).
9Nei guru anak ne ramma pakno shiknu wa,
Iyurui shomo nukara kuni ne kara eaikap ruwe ne na.
10Shinuma nei ambe nukara kunip ne gusu ne: wayashnu utara rai kunip ne;
Haita guru newa chikoikip nepkoro an guru ne yakka utura isam wa
Koro oiteknup moshima utara gusu hoppa kusu ne na.
11Koro keutum ta an yainu-hi anak ne ene ani ne: —Kot chisei ramma pakno an,
Koro oshiroma-i inne ainu ikiri pakno ash kusu ne:
Yaikota kon reihei an korachi koro kotan reikore nisa ruwe ne.
12Aeoripak an ainu ramma an shomoki,
Aisamka chikoikip ukorachi ne.
13Tap nei utara ruhu anak ne raka sakbe ne,
Orowa, okaketa utara anak ne nei utara ye itak reika ruwe ne. [Sera.]
14Hitsuji chikoikip nei no nei utara anak ne Sheo gusu aesanniyo wa okai;
Bai ambe anak ne nei utara koro epungine guru ne ruwe ne.
Kunneiwano ne chiki oupeka utara anak ne nei utara esapane kusu ne,
Koro katuhu anak ne Sheo orota aisamka kusu ne a ambe ne, tewa no oshiroma-i isama ruwe ne gusu ne na.
15Koroka, Kamui anak ne Sheo kiroro wano ku kon ramat kikiraye kusu ne:
Shinuma anak ne en uk kusu ne gusu ne na. [Sera.]
16Ainu anak ne aoteknure chiki,
Koro chisei ta chitomtep ainnere chiki, iteki ishitoma yan:
17Shinuma rai chiki nep ne yakka koro wa oman shomoki;
Shinuma oshi koro chitomtep shomo rap kusu ne na.
18Moshiri koapkash rapoketa kon ramat nunuke yakka
Orowa, aokai yaikota eyaiepirikare chiki, utara ramye yakka,
19Te wa no shui shiripekere shomo nukara,
Koro ekashi ikiri orota ek kusu ne na.
20Aeoripak an wa ramu-sak ainu anak ne,
Aisamka chikoikip ukorachi an ruwe ne.
Currently Selected:
Iyohaichish 49: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
