Iyohaichish 34
34
34. Iyohaichish.
Abimerek kotchaketa shiramatsakre hine aokewe wa paye ita: Dabid karape.
1HEMBARA ne yakka kuani anak ne Ehoba reika kusu ne:
Ramma ku paro ani Shinuma ku iramye kusu ne na.
2Ku ramat anak ne Ehoba gusu yaiomonnure kusu ne:
Ramu-rotcha utara nei ambe nu wa yaikopuntek kusu ne na.
3Aa, en tura Ehoba pasere yan,
Ukoiram no Shinuma kon reihei riknare yanro.
4Ehoba ku hunara, awa, Shinuma en orun ese itak ki,
Aige, obitta no okai ku ishitomap gusu en ohaitare nisa ruwe ne.
5Nei utara anak ne Shinuma orun ingara, awa, apekereka nisa:
Orowa, koro nanuhu anak ne ramma pakno ayainikoroshmare shomoki kusu ne.
6Otek-sak guru anak ne hawe ashte hine Ehoba nu,
Aige, obitta no okai yairamhekomo ambe gusu shinuma kashiobiuki nisa ruwe ne.
7Ehoba ko-oripak utara okari ta Shinuma koro uitekbe anak ne roshki wa okai,
8Aa, Ehoba anak ne pirikap ne sekoro aeramande kuni gusu sapke wa ingara yan:
Shinuma eyaikopashte gurʼanak ne anunuke ruwe ne.
9Aa, Shinuma koro ashkanne echi utara, Ehoba ko-oripak yan:
Shinuma ko-oripak utara gusu eikohayep isam ruwe ne gusu ne na.
10Upen shishi gusu eikohayep an wa sambechinoiba ruwe ne:
Koroka, Ehoba hunara utara gusu eikohaye pirikap isam ruwe ne na.
11Poho utara, echi araki wa en orun nu yan:
Ehoba ko-ishitoma kuni ambe echi epakashnu ash kusu ne na.
12Inotu kon rusui wa,
Pirikap gusu inne toho ta okai rusui gurʼanak ne inan guru ne ya?
13Wenbe gusu koro parumbe shikkasbima,
Shunge itak gusu koro papush ukotukka yan.
14Wenhe eshishi wa pirikap ki;
Itomo hunara wa keseamba yan.
15Ehoba shikihi anak ne oupeka utara orun atte wa okai,
Nei utara sange hawe orun Shinuma koro kisaraha atte wa okai ruwe ne.
16Moshiri wano ushtekka kuni gusu,
Ehoba nanuhu anak ne wenbe ikichi utara orun atte wa an ruwe ne.
17Utara hawe ashte, awa, Ehoba nu,
Aige, aeyairamhekomo ambe orowa no ohaitare nisa ruwe ne.
18Ehoba anak ne keutum ramuoknatara utara samaketa an,
Shinuma anak ne keutum yaikowepekere utara kashiobiuki ruwe ne.
19Oupeka utara iwendep anak ne inne ne,
Koroka, Ehoba anak ne obitta nei okaibe orowa no ohaitare kusu ne ruwe ne.
20Shinuma anak ne obitta no okai nei utara koro pone epungine:
Shinep poka shomo kaye ruwe ne.
21Wenbe anak ne wen utara ronnu:
Orowa, oupeka utara etunne gurʼanak ne katpak an sekoro aesanniyo kusu ne na.
22Ehoba anak ne koro uitek utara kon ramat kikiraye:
Aige, Shinuma gusu eyaikopashte utara shinen ne yakka katpak an sekoro shomo aesanniyo kusu ne na.
Currently Selected:
Iyohaichish 34: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
