Iyohaichish 33
33
33. Iyohaichish.
1OUPEKA utara, Ehoba enupetne gusu haukore kunitara yan:
Oupeka utara ramye ki kuni ambe anak ne oupakbe ne ruwe ne gusu ne na.
2Koto ani Ehoba koyaiiraige yan:
Wan ka oma koto ani shinotcha ki wa Shinuma ramye yan.
3Ashiri shinotcha ani Shinuma orun shinotchaki yan;
Poro humi ani ashkai no rekte yan.
4Ehoba itak anak ne oupeka ambe ne;
Shinuma sonep ne wa nep ne yakka ki nisa ruwe ne.
5Shinuma oupeka ambe newa aesanniyop omap:
Moshiri anak ne Ehoba omap-an-ramuhauge-hi ani aeshik wa an ruwe ne na.
6Ehoba koro itak gusu kando akan nisa;
Kando un topaha obitta Shinuma koro paroho oma ramat ani akan nisa ruwe ne na.
7Epunepushbe nep koro Shinuma anak ne atui un wakka uwekarapare:
Ooho ushike pu otta eumashnu wa ande ruwe ne.
8Moshirʼebitta Ehoba gusu ishitoma:
Ingi moshirʼun uirup obitta Shinuma gusu ramutuika na,
9Inambe gusu ne yakun, Shinuma itak, aige, akara;
Shinuma kashpaotte, aige, tumashnu no roshki nisa ruwe ne.
10Ehoba anak ne oya utara ki ukoramkoro ambe isamka:
Moshirʼun utara oshke yainu-hi raka-sakte nisa ruwe ne.
11Ehoba ukoramkorobe anak ne ramma pakno tumashnu no ash,
Shinuma koro keutum ta aesanniyo yainu-hi anak ne obitta no okai ainu ikiri pakno an kusu ne.
12Ehoba ani Kamui ne koro moshiri uirup anak ne anunuke ne;
Yaikota koro eikeshkorobe ne kuni gusu Shinuma numge utara anak anunuke ne ruwe ne.
13Ehoba anak ne kando orowa no herashi ingara;
Shinuma anak ne obitta no okai ainu koro poho utara nukan ruwe ne.
14Koro oshiroma ushike orowa no Shinuma anak ne
Moshiri kata obitta no okai utara orun ingan ruwe ne.
15Shinuma anak ne obitta no okai utara koro keutum kara;
Ki ikip obitta esanniyo ruwe ne na.
16Inne topaha an gusu kashiaobiuki moshiri esapane guru isam:
Okirashnu guru anak ne poro kiroro gusu ashiknure shomoki ruwe ne.
17Kashiobiuki gusu umma anak ne raka sakbe ne:
Shui, poro kiroro koro wa gusu shiknure shomoki kusu ne.
18Ingarʼan, Utarapa shikihi anak ne Shinuma koishitoma utara kata an,
Shinuma sange rampoken gusu chipachipa utara kata an ruwe ne na.
19Nei ambe anak rai-i orowa no nei utara kon ramat ohaitare,
Orowa, keman ita shiknure kuni gusu ne na.
20Chikon ramat anak ne Ehoba echipachipa nisa,
Shinuma anak un kashiobiukip ne chikoro kikhumbe ne ruwe ne.
21Shinuma koro ashkanne reihei otta chi eyaikopashte nisa ruwe ne gusu,
Shinuma gusu chikon ramat nupetne kusu ne na.
22Aa Ehoba, un erampokiwen wa un kore,
Aokai gusu chi chipachipa ash nisa ruwe ne gusu ne na.
Currently Selected:
Iyohaichish 33: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
