Iyohaichish 25
25
25. Iyohaichish.
Dabid kara Iyohaichish
1AA Ehoba, E otta ku ramat ku yange na.
2Aa ku goro Kamui, Aokai gusu ku eyaikopashte nisa,
Iteki en yainikoshmare wa en kore:
En epokba utara iteki en annokara kuni ne kara wa en kore.
3Ruwe un, E orun eyaikopashte utara yainikoroshma shomoki;
Ikkewe sak no kokandama ki utara anak ne ayainikoroshmare kusu ne.
4Aa Ehoba, E kon ruhu en nukare,
E koro apkash kuni ru en epakashnu wa en kore.
5E koro sonep otta en enoye wa en epakashnu wa en kore;
En kashiobiuki Kamui E ne ruwe ne gusu ne na;
To ebitta Aokai gusu ku chipachipa ruwe ne.
6Aa Ehoba, E koro omap an rampokiwen irenga bene
E koro ramuhauge irenga hene anak
Fushkotoi wano an ambe ne gusu eshikarun wa en kore.
7Ponram ita ku ki katpak hene ku ohaitap hene iteki eshikarun wa en kore:
Aa Ehoba, omap an ramuhauge irenga E koro gusu,
Pirika irenga E koro wa an gusu, en eshikarun wa en kore.
8Ehoba anak ne pirikap ne, oupekap ne:
Tambe gusu katpak ki utara otta ruhu epakashnu kusu ne.
9Shinuma anak ne aesanniyop otta ramu-rotcha utara ani:
Ramu-rotcha utara otta koro ru epakashnu kusu ne.
10Ehoba koro uitaknup newa ekamhaktep shikkashima guru gusu
Obitta no okai Shinuma kon ruhu anak omap an ramuhauge ambe ne, sonep ne ruwe ne.
11Aa Ehoba, E kon reihei irenga gusu ku wen-buri tusare wa en kore,
Nei ambe porobe ne ruwe ne gusu ne na.
12Ehoba koishitoma guru nen ne ruwe?
Nei guru numge kuni ruhu Shinuma epakashnu kusu ne na.
13Kon ramat pirika no oshiroma kusu ne:
Aige, koro sanikiri anak ne moshiri eikeshkoro kusu ne na.
14Ehoba koro nuina no an ukoramkorobe anak ne Shinuma ko-ishitoma utara tura an;
Shinuma nei utara otta koro uitaknup nukare kusu ne.
15Ku shiki anak ne ramma Ehoba orun ingara wa okai;
Shinuma anak ne ya wano ku kema etaye ruwe ne kusu ne na.
16En orun hosari hine pirika irenga sange wa en kore;
Kuani yaitura wa an otek-sak guru ku ne ruwe ne.
17Ku keutum ta okai yairamhekomo ambe anak ne aporore wa an,
Ramusarakbe wano en ohaitare wa en kore.
18Ku oknatarap ku nuwapbe esanniyo wa
Obitta no okai ku ki katpak tusare wa en kore.
19En epokba utara inne ne gusu, nei utara esanniyo wa en kore;
Nei utara yupke aetunnep ani en etunne ruwe ne.
20Aa ku ramat shikkashima hine en kashiobiuki wa en kore;
Aokai gusu ku eyaikopashte, aige, iteki ku yainikoroshma kuni ne kara wa en kore.
21Oupekap newa keutum oheuge sak no an ambe en shikkashima,
Aokai gusu ku chipachipa ruwe ne gusu ne na.
22Aa Kamui, obitta no okai ki yairamhekomo ambe wano
Israeru un utara kikiraye wa en kore.
Currently Selected:
Iyohaichish 25: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
