Iyohaichish 24
24
24. Iyohaichish.
Dabid kara Iyohaichish.
1MOSHIRI newa moshiri aeshikbe kane Ehoba ne korobe;
Ingi-moshiri newa otta oshiroma utara Shinuma korobe ne.
2Shinuma anak nei ambe atui kata asama ande,
Poro pesambe kata nei ambe atte nisa ruwe ne.
3Ehoba koro huru hemesu kusu ne guru nen ne ruwe?
Shinuma koro ashkanne ushiketa ash kuni guru inan guru ne ruwe he an?
4Turusak tekehe newa ashkanne sambe koro;
Keutum ta ohap ramepakari shomoki,
Shunge uitaknup shomo ki guru ne ruwe ne.
5Nei guru anak ne Ehoba orowa no kashnukarape uk,
Kashiobiuki Kamui wano oupekap akore kusu ne.
6Shinuma hunara sanikiri utara anak ne ene ani ne,
Yakob koro Kamui, E koro nanuhu hunara utara ene ani ne ruwe ne. [Sera.]
7Aa apa-ushta ne echi utare, koro sapaha hetari yan;
Otusashuishiri pakno an apa-ushta, ahetari wa okai yan;
Orowa, nupeki koro Moshiri shikkashimap ahun kusu ne na.
8Nupeki koro moshiri shikkashimap anak ne nen ne ruwe he an?
Tumashnu wa kiroroashnu Ehoba ne,
Tumi gusu kiroroashnu Ehoba ne ruwe ne.
9Aa apa-ushta ne echi utare, koro sapaha hetari yan;
Ruwe un, otusashuishiri pakno an apaha, nei ambe hetari yan;
Orowa, nupeki koro Moshiri shikkashimap ahun kusu ne na.
10Tap nupeki koro Moshiri shikkashimap anak ne nen ne ruwe he an?
Inne tumi-koro utara koro Ehoba ne,
Shinuma anak Moshiri shikkashima nupeki koro Kamui ne ruwe tap an na. [Sera.]
Currently Selected:
Iyohaichish 24: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
